¹ Israel noko potajopa sitim to, nejjata pebijiwi tajjujjuaba pekenetsiatae jawa petirriavi Moob nakua pijiwunü. ² Baitsi moabitawi jumatatsi pajara patomoro pekataewi penaa kobena nakuenebinejja, Nejjata bajara pamonae najjane tobobena irataeya yaiyataya moabitawi pejuma pekataewi jawabelia. ³ Israel nakua piaja pebijiwi,nayanata penawajü kaejawa Baal peor, barra anaetatsi petujjanenü jurruajawa bisoto Israel jawabelia. ⁴ Petujjamenü jumatsi Moisesta: Beyejebare dajjita tomara perrobiwi kübarriborre penapebetsi jawata jota taejitsia tajjita jiwi tanaepanae kuene yapütaejitsia Israelitawi. ⁵ Bajara pakuenia,Moises jumatsi tomara penata kaitaro biwita: kaenü pajjamü kamakujitsia be pajibi ejjaname pamanaena jamatabi jipa pamonae nawajika Baal Peor ta. ⁶ Jjua kujinae, kae pebü yawajunünü Israelwi nena kapatojopa petiriwa pekenetsia taenejja madianita wiriawa. Majjüaje ejjana pitabarato Moises dajjita Israel tomara pijiwi, abajjü itsa nuenuka penakaetuanae boo paupato. ⁷ Itsa finees, pejjnünato Eleazar, pejjünato Aarón sacerdotenü, tane jjua, nanatababüna jiwi penakoetuatsiwe kua pita kae kuenereba. ⁸ Barabia pebi Israeltanü petiriwa yajawa penakaetuatsi boyabelia bijjanalia kuererebo ipajjuabatsibeje pekototualia. Bajara jjuatsia, Dioso penabaraana panae jawatsi Israel tomara pijiwi ajibi baja. ⁹ Pamonae tüpa bajara panaeta pamatobü jjüyoje veinticuatro mil penamatojjütsi kuenia. ¹⁰ Petujjujjanenü barikuakuajai pajara ponü jumatsi: ¹¹ Fines, pejjünato Eleazar, pejjünato Aarón sacerdote, taitoya jawa ponae baja Israel nakua piwi vekero baitsi tsipaji nejamatobü jüpa ta bara naepa naejawa pajara pomonae, Bajara pakuenia, apo bevejebinü pajara pa Israelitawi tanaepanae jawata. ¹² Kapane paya baja jumaitsi müre, Petujjanenü jumaitsi: Taema rajutajü tajamatabü kuene yawenonae jawa betajabonarü kuenia nakueroe wetsia ponaponaena. ¹³ Bajara ponü nejja pejji pemona jji bajara ponü kujinae, Betaja bananü kuenia Sacerdocio rajajjia najü dajjita matakabi nejja, Tsipaji nejja matabü kaiba jüpa, Piaja Diosonü, Bajara ponü piaja nekonimi wekua yawenonaya Israelitawi ¹⁴ Pewünü Israelitawi irianü ponü beyajjuabatsi piaja yajawa madianitawa, Zimri pijünü pejjinato Salu, pemata kaponaponae nümü Simeonita monoewimi. ¹⁵ Pewü papetiriwa peyajjuabatsi pewünü Cozbi, pejjunatoyo Zur, Ista bitsabitsaito pemata kaponaponaenü madianitawi piaja monae. ¹⁶ Pakuenia nejjata, petujjanenü kuaikuaijai Moisesta jumaitsitsi: ¹⁷ Kaponapore madianitawi be nekueyawi beyejebare, ¹⁸ Tsipaji raja kakaponaponae be pekueyanümü bewerelia pekatae jawata. Bajara pamonae kabaripona pibiasia jabelia pejumape kataenü Peor pejamatabü kueneta nija banawa Czbi, pejjinatoyo pemata kaponaponaenü madianwi, Tüpa baja matakabi pibisi kueneta Peor.