Capitulo 9
1
Abimelec, pejjünato Jerobaal pona pena piajamonae piaja boonüjawabelia Siquemta jumaitsi pajarra pamonaeta dajjita pena piajamonae bitsatonü jawabelia:
2
Pejjania kuene panejumaitsimürre jjuaje, pajjamü dajjita pamemata kaitorrobiwi Siquem pijiwi penoa jumetaenejja ¿Detsa pitsijawa pakatsijjane pana pajjamünejja: panejjainanubinejja dajjita setenta ponübeje pejji Jerobaal papeka utorrobowanopaewi, Kaenü saya papekaitorrobinü? pamajamatabünapirre jjamü rabaja pamijamonaenünü.
3
Pena pijjamonae yajiwi kuaikuaijaitsi Siquem, peitorrobiwi jawabelia jumatabü jjüpaeya pimoponatsi Abimelec, baitsi jumaitsi pajora ponü waja bamanü.
4
Rajutatsi kae kilo palata pejumapekataenü piajaboo piajawa Baal bet, abimelec rajuta pematamotsinejja pebijiwi piakuene bejewi bitso pitatsokawi püno ponatsi.
5
Abimelec pona taba pajja pioja boo yabelia Ofra isotonüta beyejeba setenta pejuyapijiwi pejji Jerobaal, kaenü jotan asai tsoponae, juya pijiamü jerobaal pejjunato tsipoji pajara ponü mamata yaba
6
dajjita pema mata koitoma biwi Siquem tomara Bet milo majamatabüjüpa pajara pamonae pona ejjano Rey Abimelec jota muka pinijinaejawa jjaneto ruojjo pekakatsutanutsi maeto Siquem jawata
7
Itsa Jotam tsipaebatsi majjawayabarraje, nuukaponaya Gerizim umututojawabetsia ponü wawajai jumaitsi pamejumetaema, pajjamü pame mata kaitorrobiwi Siquem, popekajumetaenejja Dios pajjamü.
8
Naejawa maenü jawata matakairribabiaba Reynü pamonae jumaitsi mety olivomaenü, ü pajjamüta pajjamü.
9
Baitsi jane olivae jumaitsi ¿Metja jjamü rajutsianajjü taja metty, pajara jjuata pejumape kataenuamü pebijiwi, pekairribinejja, jjamü tarrawiatminejja saja tajamotabüjipaenejja itsa maejawanü?
10
maejawanü jumeitsi higo maejawabelio: najjatsia pane ewene pajjawu.
11
Baitsi jane jumaitsi higo nae ¿Nejjata meto baja jjamü kopatsianajü tajamatabü jjaikae kuene toja pejjania kuai saebaja kaewüalia tonawiatsinejjatia tajamatbü jüpaenejja itsomaejavanü?
12
Naejawanü jumaitsitsi uvabakabonü najjatsia pane ewerre.
13
Uva bakabonü jumaitsi ¿Nejjata jjanü copatsianajü taja pejana vino, pajara jjuoto diose tsiepabajaraba biaba pebijiwi yajawa nawiatsiarrenajü utsanoejawanü jawabelia?
14
jjua kujinae jumaitsi dajjita marejawanü zarza: najjatsia pone ewetsianame jjanü
15
Zarza jumaitssitsi maejawa jawabelia jüjü itsa pajjamü pejjania kuenia yanejunatame pamija Rey mejjanü mejjata majjatsia ajumawijibinejewa taitakaibobüjjü pamata. Itsojume nejjata pakoparre pekotia pepitsapaejawa Zarza piniya caparre petajuenejjatsi cedronaenü Libano.
16
Nekonojjaeta kaepatayo nejja etsa pajjamü pajayabiji tsianü jjania jaiya yaiyataeya pakujinae pajjamü pa ejjaname Rey Abimelec, Itsa pajjamü pettania kuene paejjane Jerobaalta pija boo, itsa pajjamü pakonitame bajarraponü pakuemia nanekonita.
17
Pajamatabü jumaitsinü tajja yaborra paneyaji bia, piayaikuene tane, paka juta Madianitawi pekopewekua.
18
baitsi ajena pajjamü pa itoyamü dajjita piaja monae tajja pabeyeje bame pejji setenta pajiwibeje isopanata matatsinia abimelec, pejji piajo pianiwi petirriawi, Rey pewetsinejja Siquem tsipoli para ponü piaja monaewi.
19
Itsa pajjamü pama kuenebame niajaiya majamatabüjüpaya Jeroboalta, Nejjata barri barriyamirre Abimelec hoparre barriyaya pajjamüta.
20
Baetsi jane itsaopo itsi tsane koparre isoto tujuevatsi Siquem pejiwi bee milo, petajuenejjatsi Abimelec
21
Jotan mamatoyaba najetabajirriba tajibelia, pona beerjawabelia bajarra jotalia pona pona tsipaji baja tajü Abimelec wekua pejuya pijinü
22
Abimelec Rey naejjana Israel nakua eweta tres pawaibuje.
23
Dioso itorroba pabija espiritu Abimelec tuatuajato Siquem piaja lidereswi lidere Siquem pijiwi majametsiniatsiaya be peasiwa kuenetsi Abimelec.
24
Dioso pejamatabükueneta pebeyabü jamatabü kuene setenta ponü beje pejuyapijinü Jerobaal pikanu be yamata moto Abimelec Pejuya pijünü pajarra ponü pikani pejamatabi kueneta pebeyebiwitsi, Siquem piaja pebijiwi be taikejebatsi tsipaji bajara pamonae yawenona pebey ejebüjawa piaja bananüanü.
25
Nejjata peitorrobiwi Siquem nuba pebijiwi pe ewetsinejja unuta wajünaeeweta, yakajirriba pekabekowi bajarra jjoya peponae wi Mapamonaeje taikejebatsi kaponatsi Abimelec jawa belia.
26
Goal Pejjunato Ebed rena pioja monae yajawa bajarra pamonae pona Siquem jawabelia pimata kaponaewi Siquem bitso bena mojjoyobünübeje.
27
Barra pamonae pono pabijanü jawabelia nota rayuju uva pabianüta pamonae yawajiba piaja dioses, jota itsa pajarra pamonae jjane apa pitajibünejja pamonae itatü jamila Abimelec.
28
Gaal pejjünato Ebed, jumaitsi ¿Detsa ponü Abimelec detsaponü Siquem, de jjua jütsipa jawarrajutsinejja? ¿June jane pajarra ponü Jerobaal apo pejjünato? ¿June jane Zebul apo peyanatsinütsi pitonakueneba Honor piaja jiwi Siquem pojja! ¿Detsa jjuajitsia wajjaitsi beto nakuenebatsi Abimelec?
29
Jitsi pame pamonae taitorrobinejja! pajarra pakuenia wekua pitsianajju abimelec jjanü jumaitsinü Abimelec jukare tajjita nebarri ponaponaewi wajabütsaü.
30
Pakujinae Zebul, pewünüjonenü tomarrapijünü, jumetane peliwatsi Gaal pejjünato Ebed peajamatabü saünü bitso.
31
Ponü itorroba liwaisi pekoponaewi Abimelec jawabelia peya majjüitorrobünejja, jumaitsi taema, Gaal pejjünato Ebed piaja pamonüanü pona nerra Siquem jawaberrena pamonae yorrotanajeta nupena mujju büjinaeya tomarra pijiwi jjanü kaborranatsipaeba.
32
Ajenakonojjaeta, mamata wekae merrawi jjannu perrujü waja butsaü wajabütsaü jjanü rayanatsiana nubarre peubi pabionüta
33
Jjua kujinae baja ya kunua pe pitsapae wanaya matakabi piaja juameto matakone najjatsiyo yomeya tomarra dawabelia pakujinae bajarra ponü jiwi yajawa itsa kabarrinobia atotso mü tsane.
34
Nejjata Abimelec nomataka merrawita dajjüta piaja jiwi yajawa, wajjünae eweta Siquem natsamaya akueyabi pa pitsaito beje.
35
Gaal pejjünato Ebed pisaparia nukalia tomarra baupata Abimelec pebijjiwi peyajaw nukaewi pitsapeka namuetsi tomarra piniyabelia.
36
Pakujinae Gaal tane bajarra pabebijiwi bajara ponü jumaitsi Zabulta itaema bebijiwi runanajetarrubena unu wetsikai Zebul jumaitsi pajjamü pataenubename pitakaünaejawa naejawanü be pebijiwi.
37
Gaal kuaikuaijai ikatsia jumaitsi: Pebijiwi najetarrubenaika Pebabitsaito najejarrubena irra adivinanü pia.
38
Jjua kujinae Zebul jumaitsije: ¿Detsa bitsi nitatsaka jamatabü kuene? jjanü jumeenata ¿Detsa ponü Abimelec waja tonakuenebinejja?¿Papebijiwi apo itoyoyamü jjamü? ¿Ponarre jekonojjaeta barrinabena.
39
Gaal matakapona Siquem piaja jiwi, Barrinabio Abimelec piaja jiwi.
40
Abimelec parrajina, Gaal kobejjae najetabajirriba pekabejjae pajarra ponü ayaibütsaito beyejebatsi tsapababiatsia piyai kuenia imojjoyo piaja tomarra baapata.
41
Abimelec nakopatojopa Aruma. Zebul konibaberruta Gaal piaja monae wekua Siquem.
42
Itsa matakobi kujinae Siquem piaja jiwi pona pabianni jawabelia jjuaje tsipaeba Abimelec jawabelia.
43
Bajarra ponü kaetuata piaja jiwi, tsana okueyabi pa bitsaitonü, bajarra pamonae wajünaewelo piaja pabianüta ponü tane jiwi pepitsapitsapaejawarreno piaja tomarra wekua bajarra jota barrimabia beyejeba.
44
Abimelec pebarrinukaebitsaito barrinabia yakarra mata piojo tomarrata pijinia amija bitsaito barrinabia pabianüto pejinawanapaewi beyejeba.
45
Abimelec barrinabiatomarra pijiwi dajjitamata kabijebi bajarra ponü nejjainayaba pajarra patomarra beyejeba. bajarra patomarrata pejinawana paewi ponü tobüjiana tomarra y too otjoka yajo benionü bajarra jota
46
Pakujinae dajjita pematakaponaewi Siquem pija tomarra pijiwi jumetane majjuaje, bajarra pamonae joneya penamataya binejja berit penamatayabibooyali.
47
Abimelec jumaitsi pemata kaponaewi ma kaetuana dajjitayo Siquem piaja tomarrata.
48
Abimelec pona petsuto jumabetsia unu Salomon ponü dajjita pamonae yajawa poma pona pebijiwi Abimelec pitaba kae sipali ukubabia pemajjürrananü wüta karro nuka itorroba pebijiwi peyajawa mukaewi najjatsiyo pane kuene kataema pakuenia pnetame.
49
Nejja kaenü hanakujitsia ucubabia naemajjürra manü pona baja Abimelec. Bajarra pamonae najuama jebajaraba bo tabuma jumarrota tomarra yamata tajuita pajara pakuenia dajjita pajarra pamonae petüpaenejja, be mil papebibeje petirriawitajawa.
50
Jjuakujinae Abimelec pona tebes jawabelia, pita bajarra patomarra pona ponabaja
51
baitsi jane pajona patomarra bitso yakarranata dajjita pebijiwi petirriowi dajjita pemata kama kuenebiwi bajarra patomarra rrikipeka pajarra painiabelia mayabaupa jjatata jjua kujinae pajarra pamonae jumaya boo jumatsia.
52
Abimelec pata pajarra patomarrata parrinabia pajarra pamonae yajawa imojjoyota pejarra tatajuitsinejja.
53
Baitsi jane petirriwa tsimatakopatabikatsi ibotojja neto muolino nuata tsorratajarrabatsi Abimelec
54
jjua kujinae pajarra ponü jumata najjatsiyo pewajuato ponü to kaponabiabatsi pena yajiwi kamanatsi jawa jumaitsi jutsimina nija espada mebeyajjuabarre itsajiwiyo tanejunaitsi yamiwa petirriwa raja beyajjuabatsi nejjata pewajuato epata jirrinai patsi Abimelex tüpa.
55
Pakujinae pebijiwi Israeltawi taebuata petüpanukaenü pona baja pija boonü jawa.
56
Pakuenia Dioso yajiwi karanata piabeje kuene Abimelec etsi pajja pebeyejebittae setenta ponü beje pettuya pijinüanü.
57
Dios itsi pakueneje pibitsiakuene pabebijiwi Siquem tsinawiattijitsiatsi pajarra pamonae pematata dajjita pajarra pamonae tsiotopapatsi pibisia kuene jotan pejjünato Jerobaal.