¹ Bajra jjua kuijinae Israel tomara pitsapa be kae pebi kuenia, Dan kuijinae Beerseba jawatsia, yajawa Galaad ira ata, nejjata dajjitayo nakaetuona Petujjanenu (Señor) peitabuta Mizpa jawata. ² Pe mata kanubenaewi tomara, dajjitayo Israel wiria, notarukupa petajjunae kawu pena kaetuotsijawata Dioso tomarata 400.000 pa pebijiwi petajjuta, tsipaji najjanewaita penabe nejja wakapata. ³ Akonojjae Benjamin pijiwi jumetane Israel yomara natsi majjü nakaetuona penabe nejja Mizpa jawata. Israel tomara jumeitsi: "Pane tsipaebare de pakuenia panabijiepeitame". ⁴ Levitanu, pebeyajjuobiwatsi pamona, juneitsi: " Jjanu Guibea jawaberena ponajü Benjamin pieja ira nakua, Jjanu yajawa tabara ponaewa, paneya merewibajopa". ⁵ Merewita, pe matakanubenaewi Guibeá pane bia, taja boo neto mataloyorona imojjoyo tane beyajjuobi. Bajara pamonae neto waitabatsi yajawa ketsia tanetsi tajawa jayawa nejjata najjuoba. ⁶ Jjanu pitajü tajawa juyawa yajawa epa ukubabaju, nejjata itorobajü bajara pamonae jawabelia israel ira jawajjiya, tsipaji bajara pamonae pebisiakuene itsi yajawa bijiepeita Israel jawata. ⁷ Akonojjae, dajjitayo pajjamu Israelitawi, pane rajure pane najamatabu jjeinaejawa yajawa pemujjujiobi jawa jota." ⁸ Dajjita tomara natsi majjunakaetuona be kae pebi, bajara pamonae jumeitsi: "¡Wajjeitsi itsa jiwiyo ata apo ponae tsane pieja boo yabelia! ⁹ Nejjata akojjae Guibeá itsitsanetsi: wajjeitsi ponaenatsi wajabitsotsinejja pakuenia nakato pitsapa waja najamatabu ujutsijawa. ¹⁰ Wajjeitsi notsienatsi diez (10) papebibeje pikani cien (100) ponubeje dajjita Israel wiriawita, yajawa cien (100) mil jawata, nejjata mil (1.000) diez mil (10.000) jawata, pe kanejetarubenae nejja pejjaejawa tomara nejja, nejjata itsa bajara pamonae najetarubenaena Guibeá Benjamin jawata, panekonire pamonae pebisia kuene ejjana Israel jawata". ¹¹ Nejjata dajjita peto nabewitsi Israel jawata nakaetuona tomara wekua, be kae pebi. ¹² Israel wiria itoroba Benjamin wiria jawabelia pebijiwi, jumeitsi: "¿Dejjuatsia pebisiakuene ka itsi jjamu yabara? ¹³ Bajara jjuajitsia, pane rajure bajara pamonae peakuene bejewi pakuenia kawekua tsiajjitsiena dajjita pecabeje kuene Israel wekua. "Isieta jane Benjamitawi apo jume liweisi jumetae pieja monae, Israel tomara pijiwi. ¹⁴ Bajara pakuijinae Benjamin tomara najua pitsapa pieja tomara kanakuijitsia Guibeá jawabelia na jjabelia na janewaita pe baru nabenejja Israel tomara. ¹⁵ Benjamin tomara bajara pa matakabi natsimajju kaetuota veintiseis mil (26.000) petonabewilsi pieja tomarajjiya Tsipaji pe kujuruobiwitsi penabe nejja wakapata. Matatsu nua, setecientos (700) ponubeje itapetatsi pe jinonopaewi Guibeá jawata. ¹⁶ Dajjita peto nabewitsijawata nubena setecientos bonubeje pe itapetsiwi tsawenowi. Kaenu kanakuijitsia iboto bijjajjuobijitsipa pemata na apo pjenaetsipae. ¹⁷ Israel tomara, apo namata ujutsi nejewa Benjaminwi, namata ujuta 400.000 pebijiwi, pena kujuruobiwi penabe nejja wakapata. Dajjita ponubeje pena bewi. ¹⁸ Israel tomara nakaetuona, Betel jawatsia juna, yanijobaya Dioso pejume liweisi. Bajara pamonae yanijoba: "¿Wajjeitsi jawata depatsa kopieya Benjamin tomara bena?" PETUJJANENU (SEÑOR) jumeitsi: "Juda kopieya bena". ¹⁹ Israel tomara nakaetuona bajayakunua nejjata pieja boo burtojji tijjiba imojjoyo Guibeá jawata. ²⁰ Israel tomara pona pe baru nabenejja Benjamin. Bajara pamonae nubena penawajabitsitsinejja pe be nejja bajara pamonae Guibeá pijiwi. ²¹ Benjamin tomara wekua pitsapa Guibeá, nejjata beyejeba ventidos mil (22.000) ponubeje peto nabe witsi bajara pa matakabi Israel. ²² Itsieta jane Israel tomara nasoü rajuta kaenu kanakuijitsia, nejjata bajara pamonae pe kowu kuenia nubena pena be kowuta be kopieya matakabi. ²³ Nejjata Israel tomara nakaetuona nejjata itajjutua nua petujjanenu (señor) kaniwiyo jawabelia. Bajara pamonae ya jumia jeita liweisi PETUJJANENU (señor) jawabelia: "¿ikatsia baja paponaenajü pata baru nabenejja taja monae, Benjamin tomara?" PETUJJANENU (señor) jumeitsi: "¡pa bema!" ²⁴ Nejjata Israel tomara pona pe baru nabitsoutsinejja Benjamin peto nabewitsi itsa matakabi jawabelia. ²⁵ Itsa matakabita, Benjamin najetaruka pe baru nabitsotsinejja bajra pamonae Guibeá werená bajara jota beyejeba dieciocho mil (18.000) ponubeje Israel tomara pijiwi. Dajjita bajara pamonae ü pena kujuruobinunu pena be nejja wakapata. ²⁶ Bajara jjua kuijinae dajjita Israel peto nabewitsi yajawa dajjita jiwi Betel jawatsia juna itajjutua nua, bajara jota enareka PETAJJANENU pe itabunejawa bajara pamonae apo jjae kaniwiyo jawabelia yajawa rajutsiepaeba isoto yajawa jjanewatsia pe jinonopaenejja PETUJJANENU itajjutua. ²⁷ Israel tomara yanijoba PETUJJANENUTA dejjuatsi pieja baula pena jume buotsijawa Dioso bajara jota buota bajara pamatakabita, ²⁸ Nejjata Finees, Eleazar pejjunato Aaron pejjunato, to nakuenaba baula itajjutua bajara pamatakabi.. "¿Nejjata pa ponaenajü pata baru nabenejja ikatsia Benjamin pieja tomara jawalia, pataja monae, tsipaji meta panubenaenajü?". PETUJJANENU jomeitsi: "pa bema tsipaji merewia jjanu pakayawenonaenatsi pane amoneyabinejja". ²⁹ Nejjata Israel mtayaba pebiji apo petae nakua Guibeá jawata. ³⁰ Israel tomara nawajabitsiuta Benjamin tomara akueyabi matakabita (3 dias), bajara pamonae nubena rowia pe baru nabe nejja Guibeá wita pakuenia itsi bajayatami. ³¹ Benajamin tomara pona baru nabia Israel, nejjata bajara pamonae natajayoba tomara wekua. bajara pamonae tajju jjuoba pe baru nabejawa yajawa beyejeba itapetsia jiwi. Treinta (30) ponubeje Israel pijiwi najjuoba pena be jawata yajawa namuto jawa. Kae namuto Betel jawatsia pona, itsajawa Guibeá pona. ³² Bajara pakuijianae Benjamin tomara jumetsi: "pamonae amoneyabatsi nejjata kuijinaeyena taju wajjeitsi wekua, pakuenia kopieya". Beitsi jane Israel peto nawajabitsoutsiwi jumeitsi: "Panekopare patapunüya bareka pakuijinae jinaejitsienu natajayobienatsi tomara wekua namutuoya". ³³ Dajjita Israel tomara nouta puna bajara pa nakua wekua pe nubenae nejja rowia pe nabitsoutsinejja Baal tamar jawata. bajara pakuijinae Israel peto nabewi pamona pe namatayabiwi jawajjiya Maareh Geba jawata. ³⁴ Najetarubena pena wajabitsoutsinejja Guibeá tomara nejja diez mil (10.000) ponubeje peitapetsiwitsi dajjita Israelwita, ayei kuenia nabia, beitsi jane Benjamintas apo yaputae pebisie kuene peto tsirutsijawatsi bajara pamonae imojjoyo. ³⁵ PETUJJANENU amoneyaba Benjamin Israel wekua. Bajara pa matakabi, peto nabewitsi Israel to beyejeba 25.100 ponubeje Benjamin pijiwi. Dajjita bajara pamonae tüpa bajara pamonae pikani penakujuruo biwi pena be nejja wakapata. ³⁶ Nejjata petonabewitsi Benjamin pijiwi tane pe amoneyabijawatsi. Pebijiwi israelwi ira rajuta Benjaminwi, tsipaja bajara pamonae jamatabu kuene eweta bajara pa pebijiwi tsipaji bajara pamonae apo peyaputae kowunuta matayaba Guibeá welia. ³⁷ Bajara pkuijinae pebijiwi penamatayabiwi nakaetuona najjatsiyo nejjata junua Guibeña jawa. Nejjata pieja wakapata bepenta dajjita pe jinonopaewi tomarata. ³⁸ Bajara pamonae ruta peto nabewitsi Israel peyaputaenejja yajawa pebijiwi pena mataya biwi pakuenia pajubo jjaneto be ütsujju nayotsienia tomarata ³⁹ Pe rutsikuijinae peyaputaenejja itoroba petonabewitsi Isralewi nawieba penabe panabo werena. Nejjata Benjamin tajju jjuoba pe be nejja bajara juota pamonae bia Treinta ponubeje Israelwi, bajara pamonae jumeitsi: " nakato jjaniejei meta baja waja amoneyabiwa bajara pamonae waja itajjutua, pakueniaa baja kopieyami pena bepanabota". ⁴⁰ Itsa ütsujju junaya atjubuyo jawatsia tomara jawata, Benjamitawi naoijiwi nankota nejjata tane ütsujju pe junaejawatsia atjubuyo tomara jawata. ⁴¹ Nejjata Israel tomara anoya siva nawielsa. rena bajara pamonae wekua. Benjamin pieja bebijiwi bitso junawa, isipaji bajara pamonae tane pebisia kuene pe tsijopae jawatsi. ⁴² Nejjata bajara pamonae najetabijitaba Israel tomara wekua, najetabijiraba namutua petusato nakua jawabetsia. itsieta jane penabewi waitabatsi. israel petonabewi najetarubena tomara werena nejjata beyaje. batsi bajara pamonae peponaejawata. ⁴³ Bajara pamonae mata toyoronatsi Benjamintawi nejjata puna pona bajara pamonae. Nejjata bajara pamonae yawu jjatata Noha jawata nejjata beyejebatsi namutuotsia itsa wetsiaka juameto pitsapa avibeáta. ⁴⁴ Benjamin wiria, diciocho mil (18.000) pajiwiyo beje tüpa dajjita bajara pamonae pebijiwi pejjania kueneta pena bewi. ⁴⁵ Bajara pamonae nawiebena pe najetabijirabinejja petusato nakua jawabetsia roca Rimón jawabetsia. Israelitawi beyajeba cinco mil (5000) matatsunua bia bajara pamonae namuto jawatsia. Puna najetarubena, imojjoyotarubenatsi namutua jawa Gidón jawata, bajara jota Tüpa dos mil (2000) matatsunua. ⁴⁶ Dajjita peto nabewitsi Benjamin pijiwi bajara pamonae najjuoba bajara pa matakabi veinticinco mi (25000) --bajara pa pebiwi penakujuruobiwi penobe nejja wakapata; dajjita peyaputaewi penabe jawa. ⁴⁷ Itsieta jane to nawiebatsi seiscientos (600) ponubeje pe najetabijirawi petusato nakuaya betsia, imojjoyotatsia Rimón ibotota. Bajara jota jinonopa Rimón iboto jawata penayanatsi (4) juameto beje. ⁴⁸ Israel peto nabewitsi tsimujju nawiebarena Benjamin tomara pe be nejja--dajjita tomara pieja baka, yajawa dajjita penomata jjunaejawa namuto jawajjiya.