¹ Sansón pona Gaza tomara jawabelia, ará jotalía namatajjüna, pe, namatayajitsiwa. Nejja barumajita baja. ² Nejjata, Gaza tomarata pe, jinawanapaebi yapütame baja tomarata pe patojopaejaba. Ara pamonae ajumejiviaya wajunae, ewetatsi merabijebito. Ewetsíanatsí matakabi cotia pe pitsapaejeba bajaya kunua beyajjúbianatsi. ³ Sansón majitanaka kamata, merabi epato saya. Merabi epato kujinae Sansón no natapuna pe saüta jonota tomara baupa pija naesituruto beje yajaba. Ira wetsina taujutsina dajjita pe wutakara juma wetsika buatsika, kajunaya pe juma tsuto jawabetsia, Hebrón, robierena. ⁴ Ara, jjuakujinae ikatsia Sansón, Sorec. Jawaberena patajota ikatsia itsawa. Jitsipa ponapona pewünü ara powa Dalila. ⁵ Nejjata filisteovi pija gobienonünú ponalía ara powa jawa belia jumaitsitsi nejjata. Yabarajjaniabare jjamü wajayaputaenejja, dewerena pasaujjato to pitsapatsi? wajayaputaenejja pakuenia be amoneyabatsi jamatejema waja kübinejja waja bijiobi ejjanaenejjaitsa je jamü paka rajutsianatsi. 1.100 pa plata beje ⁶ Dalila nejjata jumaitsi Sansón jawabelia pejjanía kuenia ne jumaijjümüre ¿De pakuenia pa saüjjaneto nijja jjai nae pía. ¿Itsa kakobe küta pe kasaü amoneyabinejja"? ⁷ Sansón nejjata jumaitsi ara powajawabelia itsanekobe kütsipa siete pa maüepatota pejanajawa jjuaabajjü apo nionae. Nejjata dajjita pevijivi saü jüpaenaju" ⁸ Nejjata gobierno nunü filisteobi rajutatsi arapowa siete pa pejana maüto beje abajjü apo pe nionaejawa ara pamaütonota ara powa kobe küta Sansón. ⁹ Ara powa pevijivi namuetsia nubenae ejjana pijabo ünuta arapowa jumaitsi Sansón filisteobi ka siba patai" Sansón ara pa maütonü be jima maütonü name kobe ukutajjuaba pakuenia pe jorokae hilo maü isotojawata itsa nakataitaraba. Ara pa monae itsiata apo yapütae itsajota saüpitsapa. ¹⁰ Dalila nejjata ikatsia jumaitsi Sansón jjamü jjaniwaetsia apo nejumaitsümi. Najamütsüntame mujju jjaniabiaya ikatsia jumaitsi nejumaitsimüra ¿De pakuenia tsane.? ¹¹ Ara ponü jumaitsi ikatsia itsa nekübiana apo pe kanakaenebi mautonata. Nejjata perubo faefaenaenaju sau jüpaenajü pakueni dajjita pevijivi. ¹² Dalila nejjata jejai kübabuata pejana mautonuta pakuenia Sansón jumaitsi jumaitsi ikatsia Sansón filisteobi ka siba pata ara pa pevijivi bobenaya. Ewetanübena bo ünüalia itsiata Sansón ara pa maütonu ukuta be jima hilo mautojji. ¹³ Dalila ikaitsia jumaitsi Sansón de patobeje ikatsia najamütsianame ika tsia. "Nejumaitsimure jjaniwaetsia de pakuenia be ka amoneyaba" Sansón ikaitsia jumaitsi itsa ne matana faratsianame pe kue panajawabelia ara jjuakujinae dajjita yajawa matabiabiaaname nejjata dajjita pevijivi saujüpaenajü. ¹⁴ Pe maitanukaejawata Dalila matana farata pe panajawabelia siete pa farabo beje. Naejawanüyajaba Dalila ikatsia jumaitsi. Sansón filisteobi ka sibanabena naekota puna pe majitankaenü ukutapuna dajjita pa pana jawabelia matana fartatsi pe matabiavi jawanü yajaba naebonü ata. ¹⁵ Ara powa ikatsia jumaitsi ¿De pakuenia be nejumaitsimü bitso kajitsipatsi itsa jjaniwaetsia apo ne nasaü utajutsümü? akueyabi beje baja kentsia cueneta naja mütsünutame apo nasau ütaütsümü cajena." ¹⁶ Kae matakabi kanakujitsia ara poba asauta jamatabu kuene liwaitsi jutatsi, ara pajumenta nejjata Sansón bitso jamatabü tüpa baja. ¹⁷ Nejjata Sansón janebaja paeba pakuenia ara pasaü jjaina jumaitsi jjanu kaena kaeto ata apo ne matanata jjunae nazareno nü jjaenü taena pekototo werena kujinae Dioso jawabelia najamatabu kuene jjanibaetaju itsa ne matana jjünaetsipa nejjata ta saü newekua ponaetsipa pakuenia dajjita pevijivi saü jüpaetsipajü. ¹⁸ Dalila jane baja japütane jjaniajai kuenia pejumaitsijawatsi filisteobi pe matakanubenae nüanü junrena pa junaimina ikatsia tsipaji dajjita nejumaitsi baja nejjata janebaja filisteobi pemata kanube aebí plalata kaponarena ara powa jawaberena. ¹⁹ Ara powa majitsi aejjana pe isita januta jivitonü (siete)7 pa maatana farabo beje peto jjüaenejja ara powa jane baja saü amoneyaba tsipajü asaü jibibaja. ²⁰ Ikaatsia jumaitsi Sansón filisteobi casiwapata ara ponü naekota puna. Jamatabü kuene jamaitsi pakuenia janütsabiabi ara pakuenia akatsia janutsane ikatsia saya nanünübabenajü ara ponü apo yaputae pe tujjanenü baja pe wuekua ponae jawatsi. ²¹ Nejjata jane baja filisteobi waetabatsi itajjuto jutatsi Gaza jawa betsika karunaikatsi bronce maütota kobe ka jjatatatsi pe nanekonitsi bota ka kiata aejjanatsi ibotota. ²² Pe komü kuenia ikatsi matana witsaba pe matana jjünaekujinaitsi. ²³ Filisteobi pe mata akanubenaebi nakaetuata pajadiosonü Dagón sacrificio petajuitsi nejjape jamatabü baruya ejjanae nejja ara pamonae jumaitsi waja dioso. Sansón waja kueyenü naka to amoneyaba waja kobeta naka to kopata. ²⁴ Pakujinae jivitanetsí pakuenia pajadioso wünü baruya tane arapamonae jama tabü kuene jumaitsi waja dioso waja kuyanü ponü waja tomaranü wajajivi ayaü bitsaato naka ya juanü bía waja kobeta naka to kopata. ²⁵ Itsa jota ara pamonae baruyaya jjayena jumaitsenae Sansón pa junüre waja jüajüa jai nejja. Nejjata Sansón juliatsi pena nekonutsibo wekua ara pamonae kenetsia kuenia kapo kaponatsi nukaya ejjanatsi tuatujuta pe nukae naesiturto beje jabata. ²⁶ Sansón jumaitsi pejewajjinüyo jawabelia ponuyo kobe kaponabiabatsi ne mata kaponare ta jayatsinejja pa naesiturtotabeje dajjita pa bo naka katsutanuka tana yautanukae nejja ara ponaeta beje. ²⁷ Ara pamata kabita pevijivi pe titiabi dajjita pe itorobinüanü yajawa tayena jjua Sansón tsita itsa pe baruya ejjanae nejja. ²⁸ Sansón junuta petujjanenü jumaitsi taja tujjanenü Dioso ne najamatabü pire ikatsia ajena pa matakabi saya kawajütatsi ta saünerajure Diosomü tanaya matamotsinejja jjua filisteobi najua itajjutobeje neto juta. ²⁹ Sansón nakobe yauta najua naesiturto jawabelia itsajota dajjitabo nasautánka kujane nenía tsabeno nenia. ³⁰ Sansón jumaitsi neya jawa tüpae ejjanare filistei monae yajaba. "Sansón dajjita saüta na saü robitsi ejjana arapabo jawabelia ara pabo nejjata dajjita ara oamonae matakünübatsi ara pa mata kabita tüpa matatojjenetsia pomonae Sansón bia pe asaüepatota. ³¹ Nejjata Sansón dajjita pijamonae pajja pijjamonae yajaba ponaita perubü pitatsi kana biabaya pe mütütsunejja Zora Estaol ira tuatujuta itsajota Manoa Sansón pajja yamütüaboca Sansón itiroba ponapona itsa asü (veinte) 20 pa waibeje.