¹ Sansón pona Timnat jawabeli, bajara jotalia tsane pitiriba, filisteovi pejji yajawünüwa. ² Pakujinae naviarena, jamaitsi pajja jawabelia penajawabelia ata: "Jjanü taniji petijiriva timnat jawabelia pena jawatalia, filisteovi pejji yajawünüwa. paneto piremeliabeje tajawa nejja." ³ Pajja penabeje jumaitsi: ¿Ajibi petiriwa nija monae pejji yawajunüwa, dajjita waja monaejawa ata? ¿Pitsiamoname baja nijawa nejja filisteovi yajawünüwa apo penaperabü kaukubiwi?" Sansón jumaitsi pajja jawabelia: ⁴ "Neto kajji tajarabare jjanü nejja, tsipaji pakujinae itsa taniji, netsijjanepana bajara powa" Baitsijane pajja penabeje apo yapútae Petujjanenü najamatabüjjanae ejjanae bajara pakuenia tsipaji bajara ponü najamatabüjjaina nekoni pematsi ejjanae nejja filisteovi jawabelia (Tsipaji bajara pa matakabianüta filisteovi itoroba wanapa Israel tomara pijiwi) ⁵ Nejjata Sansón lia Timnat jawabelia pajja yajawa penayajawa, palia Timnat pabianü jawabelia. Nejjata bajara jota, pejananü eniali newütjü jjürübiaya kujirenatsi bajaraponü. ⁶ Petujjanenü piaja Espíritu tsijamatabü jumaitsi bajara ponü, nejjata bajara ponü yapüjjanepanaya beyajjuaba pakuenia soya beyajuabijitsipa pejananüyo oveja. Baitsijane bajara pone apo tsipaebi pajja pena ata jjua ejjana. ⁷ Bajara ponü lia barükuikuijai petiriwa, pakujinae bajara ponü naükota bajara powa, bajara powa tsita yajjaniawaetatsi Sanón. ⁸ Kae matakabibeje kujinae pakuinae naviarena pepitsi nejja bajara powa, bajara ponü itsanamutua wekua ponataba pepitsi nejja pebeyajjuababuatsinü eniali newütjü. Nejjats bajara jota, be übanaperi boka banato baja tsanükae enianali newütjü petjüpanükaenü. ⁹ Bajara ponü bajara pajabüra kaetuata pekobeta jjua kujinae baja pona piaja namutualia, nukaponaya jjaenükopona jabura. Pakujinae palia pajjawabelia pena jawabelia ata, bajara ponü yajawünü rajuta bajara pijiwibeje, nejjata bajara papiwibeje jjane. Baitsijane apo tsipaebi bajara pajivibeje jawabelia bajara ponü pejutsi jawa bajara pa banara eniali newütju pejjüpanukaenumita. ¹⁰ Nejjata pajja Sansón pona itsajota penapona bajara papetiriva, nejjats Sanón rajuta bajara jota ayaijawa pejjaejawa, tsipaji baja kajena piaja kuene pewajuabi bajarajua pejjanae nejja. ¹¹ Nejjata bajarajota petaejjaetsi piajamonae bajara powa, nejjata bajara pamonae to kaponarenatsi treinta ponübeje peyapütaenüanütsi.peyanabi nejjatsi bajara ponü. ¹² Sansón jumaitsi bajara pamonae jawabelia: "Paneto kapare pataka jumaitsi nejja panejume kanaüjübi nejja. Itsa pajjamü yawününü yapütaena netsipaebiananua nejume kanaviatsiaya siete pa matakabibeje jawata paneyawajibi jawata jjanü tsanaenaju treinta panajjatatsijawabeje lino jawanbú treinta panajjatatsibeje. ¹³ Itsa pajjamü panerajutsianame treinta panajjatatsibeje lino jawanü treinta panajjatatsibeje. ¹⁴ " Bajara pamonae jumaitsitsi "Panejumaitsimure patajume kanaujutsi jawa nejja tree pamatabi bejeta. ¹⁵ Cuadro matakabi jumaitsitsi Sansón piajawa jawabelia: "Yamajjü tojorebare amona patanetsipaebi nejja jjua paneyanijoba, itsajume paka tajuitsianatsi: jjanü ajja piaja boo ata. ¿Nejjata tsoja panejunatame ma berenaje patane bijiobia ejjanae nejjamü?" ¹⁶ Nejjata Sansón piajawa tajjujjuaba penuejawa bajara ponü pitabarata:" ¡Jjanü ra saya nitoyamu! Jjamü apo nejitsi paemü. jjamü jumaitsima pejume kanaübi nejja taja tomara yawajuniwi, baitsijane apo rejume yapütaya ejjanaemü jjua patajume kana üjabi jawa." Sasón jumaitsi bajara pova jawabelia." Taema, itsa apo tsipaebinü taena jawabelia tajja jawabelia ata, ¿Katsipaebinatsi jjamü? ¹⁷ Bajara powa nua siete pa matakabibeje peyaba jiwi matakabianü. siete matakabita bajara ponü jume kanawiatsi nejja tsipaji bajara pora itoroba bitso. Bajara powa jumaitsi petsipaebi jawatsi pija monae jawabelia pija tomara pijibi jawabelia. ¹⁸ Septimo matakabita juameto petabüjopae wajjinaeya matakabi piaja juameto, tomara piaja pebi jiwi jumaitsi ¿Detsa jjua bitso jjaika bana wekua? ¿Detsa ponü leon wekua asai? Sansón jumaitsi: Itsa apo bori nakuerebinitsipae taja pejanawa, apo pane to yapütaemü tsipae pekuene júpae liwaisi." ¹⁹ Nejjata piaja Espíritu Petujjanenü jumata rena Sansón jawaberena piniji santa. Sansón runareka peru nabiabijawareka beyejeba nejjata treinta ponubeje tomara pijiu yawajununuanü. Bajara ponü pita bajara pa monae pekobekovu, rajuta nejjata bajara panajjatabi jawanü pamonae jume kanaviatatsi pejume kana üjübijawa bajara ponü bitso amepana, nejjata pona pajja piajaboyabeli. ²⁰ Nejjata Sansón pijawami pe najuaponaponaenübeje juya to kopatatsi pe pitsi nejja.