1 Nejjata Salomón jumaitsi:" Petujjanü kajena ba junaits; Ponaponaenajü kajena ayay aita kiri janeto bujjüpana. 2 Janu baitsi jane itsiata bo- anü kato nakuenebatsi nejja. 3 Bajara jjua kujinae napunuyorota petowajutsinejja dajjita Israelitawi penakaetuatsiwi. 4 Salomón jumaitsi: Be siwa jamatabu kuene baruyatsi waja tujjanenü, waja Dioso Israelitawitsi: Bajara kajena bajune bajumaitsi tajja David jawabelia, nejjata baja nejume kowünüta pakuenia nakato ejjanaeya paeba, jumatsi mapakueniaje. 5 Pamatakabi jjanü paka jutatsi Egipto tomara javaverena, jjanü apo itapetsinü itsa tomara pijiwi, pajamü pa Israelitawimü wekua, itsa jota jane baja taneto nakuenebi nejja boo jjanü ta wünuta jjanu ata apo itapetsinü jiwitonu ponu pakaya tomara ewetanukuejitsia pa Israelitawimü. 6 ITsiata baitsi jane janu itapetajü Jerusalén tomara, tane wunu yaiyataenejja bajara panakuata jjanu itapetajü David papekaya tomara ewetsinunejja pa Israelitawimü. 7 Nejjata baja tajja David najamatabujjaina boo peto nakuenebinejja waja tujjanenü Israelitawitsi. 8 Itsiata petujjanenu jamaitsi tajja Dsvid jawabelia jjanepana rabaja pikani nenajamatabu jjainaejawa boo taneto nakuenebi nejjamu jjanu tawunuta janepana tabaja pikani bajara pakuenia nenajamatabu jjainaejjae. 9 Itsia baitsi jane jamu boo apo neto nakuenebimutsane; jjamu tajane nejjunato ponu jjainaename, tajaboo neto nakuenebiana jjanü tawünüta. 10 Waja tujjanenü najume kowunuta pakuenia baja kajena ba jumaitsi, jjanu juya pekowuta nukajü ta ekaenejja tajja David piaja trono kowumita taya tomara ewetsinejja Israelitavi, waja tüjjanenü pejumaitsi kuenia. Jjanu boo tonakuenebaju waja tujanenu pewunuta waja Dioso Israelitavitsi. 11 Bajara pa bo unuta buatajü baula, itsa jota janebaja boka petujjanenü pena jume kajone kiwaitsi, pakuenia jane baja itsi Israelitavitsi javabelia. 12 Salomón nuka petujjanenu piaja toneburu mujjuneneta dajjita Israelita penakuetuatsiwi pe itabarata nejjata bajata jota nakobe yota dajjita kobebeje. 13 Salomón baja kajena baru nakuenebanuta bronce pana panabo tuatuajuta, jjaina 2.25 peapiajawa, jjaima 2.25 epatajurutsialia , jjainia 1.35 pe apia jawatsina, Salomón nukaya bajara pa bronce pana javatsia pematabakabuta dajjita Israelita penakaetuatsivi pe itaparata, bajara jjua kujinae nakobe yota dajjita kobebeje. Atjubüabelia. 14 Salomón jumaitsi "taja tujjanenu pataja Diosomü pa Israelitavinu. ajibi itsa Dioso pakuenia jjamü atjubutalia ata mapa irata ataje, tsiteka nenajume kajonekuenia ne asiwajava nija pianavi pamonae kato nakueneba sajjita pe jamatabu kuene sauta. 15 Jjamu rabaja kajena ewetame nejumaitsi kuenia nija pianinü David tajja, pakuenia baja jumaitsimü, jaja-a jjamu nakuene itajutame pakunia jumaitsimu neto ejjanaejja. 16 Ajena konojjae, taja tujjanenü, pa Israelitavinü pataja Diosomü, najume kowunure pakuenia jane baja jumatsimu nija pianinu David jawabelia tajja, itsa jjamu nejji jume jowunütsiana tajumeliwaisi ta jumatsi kuenia, apo ajibi tsane pebi Israel peya tomara ewetsinunejja, itsa pamonae kotokaewi pena ejjana panaewi itsa nejame kowunuta najaetarubenaena tajumaits kuenia pakuenia jjamü nejume kowunuta ponaponame taka jumeitsi kuenia. 17 Ajena konojjae Israelitavinü pataja Diosomü jjanü kawajütatsi pekopia patsi nejja jjua jumaitsimü nija pianinü David jawabelia. 18 ¿Baja tsa jane itsiata Diosomü pajjanü jawata ponaponame mapa irataje? Taema dajjita nakua itabojjo ata apo kaujupae neponaponaenejja, bitsoyo biji mapa templo bojetaka to nakueniboje. 19 Itsiata jjanü pejjania kuene kawajutatsi nejume naukotsinejja jjua kawajüta nija pianinü taja tujjanenü taja Diosomü; namujjuna ewere jamatabü kuene natsoninaeya nija pianinü pekawajütsi jawa, baja rajane mapa templo botaje netaeyekaeneja meravi matakabi ata itsa jota june baja kawünü yaiyataejitsia. 20 Na müjjüna ewere peka wajjutsijawa nijja pianinü ayai jumeta pa tajjünae yabaraje. 21 Nejjata jumetaema peka wajutsijawa nija pianinü, nijajiwi Israetitawis, pakujinae pajanü pana wajükaenajü mapa tajjunaetaje. Itsa pane jume taename atjubuwerena pata nawajukaejawa, itsa pane jumetaneme pane siwa jamatabü kaewianame pataja neconi. 22 Itsa nakaetoma pijinübeje nabara anae panabeje ü peponaenejja mapa templo jawaberena. Penawajunü paebinajja. 23 Jjamu nejjata nakuetatsia neekaenü jume taename pekanawajünü paebijawa jjamü nejjata wekua ikinaename. Piaja nekoni ponü kanawajunupaeba bajara pakuenia nayapütane nijajiwitonukuene y ponü apo nija jiwitonükuene. 24 Itsa nija tomara Israel pijinü kaenuata amoneya bianatsi pekueyanü. Tsipaji nanekonitsiana jjamü jawabelia itsiata itsa nawajunü paebiana mapa templo bo jawaberena jjamü. Itajjüto tsaniataename pekana wajunu paebijjae. 25 Itsiata itojjüto tsonia taename - jjamü ütübutatsia neekaenü nijatomarra. Israel penawiabijjaerena paira jawaberena rajutame piaja salinaiwimi. 26 Pakujinae apoejjanaemü nija tomara israel tsipaji nanekonita jjamü jawabelia itsiata itsa nawajukaena. mapa templobo jawaberena tsipaji jjamü nenanekonitsia ejjanaejjae patsiana ma berenaje pekanawajukaenejja matapania. 27 Nejjata jjamü Dioso ü thübütatsia neekaenü jumetaename nejjata. Wekua ikinaenane piaja nekoni nija tomara israel itsa kanawajunuñ paeba nejjato ema tokopasianimi kaneto ira suketsinejja paiira rajutama piaja salinaiwimi. 28 Tsipaji belia pijanitsipae belia domaetsipae belia - peubijawanü tolenai towerenijitsipatsi belia piajawajabisau yabaupa karranatsipatsi. 29 Itsa dajjito tomarra israel pijiwi o kaenü kana wajutsiana mapobo yaberenaje - sipaji yaputaena padomae yanuka piaja tomarata. 30 Nejjata jjamü üthubutatsia neekaenü jumetaename itsiata jume itajjüto tsoniataename tsipaji jjamü dajjita nejamabükuene yaputaenü jjua najamatabu jjaina jiwi. 31 Nejjata bajara pemonae kayaiyataena Dioso nukuenemü nejjata jjaniawatsia jinawanapoena paira tokoparame piaja salinaiwimi. 32 Baja rá pakuenia itsa tomara pijinü werena najaetarukaena peka nawajutsinejja peka yaiyataejjae Diosonü kuenemu mapa templo bo jawaberena, 33 Itsiata jjamü ütnübütatsia neekaenu, itsa kana wajutsiana, jume itajjuto tsonia taename jjua kawajutsiana mapa templo bajawerena baja rá pa kuenia kayai yatena dajjita nakua pijiwi pa kuenia nija tomara Israel pijiwi kayaiyatane. 34 Itsa nijajiwi nawa jabitsautsiana itsa saikaya namutua ponae ata tsane nija tomara pijiwi itsiata itsa ponaena maberenaje takato nakuenebetsi bo yaberena peka yaiyataejjae. 35 Nejjata Jamu ütnübütatsia neekaenu jume itajjuto tsonia taename nejjata yawenonuename jjua jawalia apo kuene kéjupaetsi. 36 Tsipaji mopa nakuata kaejiwiata ajibi jjaniawaetsia pepona ponuenu jjamubaja kajena ya putaneme itsiata jjamü siwa jamatabu jitsibimutsane itsa tomarabelia itorobia name nanekonisia pejinawana penejja tajubelia o jume imojoyo. 37 Nejjata najamabunapitsiana nanekonitsia pe ponaponaejawa itsa tomara talia baja rá jotalia kunawojutsiana penanekonitsia ponaponaejjae. 38 Nejjata baja rá pamona jamatabu jumaitsitsane nanekonituju kajena Dioso jawabelia jaitsane jamatabu jumaitsitsane Dioso apo jumekowunutsinu jaitsane penane konitsia ponaponaejjane nejjata kajaitsiana dajjita pe jamatabü ütnütojawawerena nejjata ponaena pabo katonukuenebetatsi pena wajukaenexa pairato tokopatame nijasalinai wimi. 39 Nejjata jume itajjuto tsania taename pe kanawajutsi jawa penanekonitsijjae jjamu jawabelia. 40 Tajja Diosonu nenaikore nenanujjunae ewere jjua kawajuttatsi. 41 Nejjata tajja Dioso nunuta punare nenaukotsinejja nija sacerdotewi itsa jjaniawaetsia jinawanapa. 42 Taja tujjanenü putsa nena punurajutame itsiata nenaukore pakuenia David naukotame nijajiwitonu