¹ Ajara jjua kujinae pa irata pe jinawanapaewi itapeta Joacaz pejjünato Josías, pajja pe kowüta Jerusalén jawata reinü kuenia tsanükae. ² Joacaz pe jjainae nüta veintitres pa wai beje tajjujjuaba pe itorobi jawa reinü kuenia, itorobanüka akueyabi (3) pa juemeto beje Jerusalen jawata. ³ Egipto piaja reinü juta jjuaba Jerusalén wekua, pe nekonitsijjae ira wekua pitatsi mil jjua beje palatajawanü yayaawa kae jawa oro. ⁴ Egipto piaja reinü Eliaquin jawabelia itsi, peyapijinü, Judá y Jerusalen jawata reinü, pe janawünü na Wünü ruta Joacim. Ajara jjua Nekao junata Eliaquim pe ya pijinü egipto jawabelia kalÍa. ⁵ Joacim pe jjainaenüta veinticinco (25) pa wai beje pakujinae tajjujjuaba pe itorobanukae jawa reinü kuenia, ajara ponü itoroba once (11) pa wai beje Jerusalén jawata.Bajara ponü pe bisiakuene ejjana Diosonü itajjutua piaja Diosonü. ⁶ Ajara jjua kujinae, Nabukodonosor; Babilonia piaja reinü, tsimajjü patajopa y küta kadenata pe kaponae nejjatsi Babilonia jawabelia. ⁷ Nabukodonosor pijinia kalía itsakuene jawanü Diosonü piaja bo jawanü Babilonia jawabelia, piaja bo jjanetota jjanewaeta Babilonia jota. ⁸ Itsa kuene jawanü pe itsi jawa Joacim, pe bisiakuene jjuanü ejjana, jjuanü pejamatabü kuene ejjana, pa taename, ajara jjuanü raja Judá yajawa Israel piaja reyewi bájjutota yakinaruba. Bajara jjua kujinae, Joaquín; pejjünato, pekowütami juya reinü. ⁹ Joaquín pe jjainaenüta ocho (8) pa wai beje pakujinae tajjujjuba pa itorobanükae jawa reinü kuenia; na itoroba akueyabi (3) pa juemeto beje y die pamatakabi beje Jerusalén jawata. Pe bisiakuene ejjana Diosonü itajjutua. ¹⁰ Wai kopiata; reinü Nabukodonodor wajabitsaünüanü itorobalia pe kaponae nejjarena Babilonia jawanerena. Yajawa pe namatamotsi jawa Diosonü piaja bo pia jawanü, juya Sedequías, piaja monaenü notatsi reinü nejja Judá yajawa Israel jota. ¹¹ Sedequía pe jjainaenüta veintiún (21) pa wai beje pakujinae tajjujjuba pe itorobi jawa reinü kueneta; itorobanuka once (11) pa wai beje Jerusalén jota. ¹² Ajara ponü ejjana pe bisiakunene Diosonü itajjutua piaja Dioso. Ajara ponü apo jumejjaia tae Jeremías Dioso pe liwaisi pe paebinü, pa liwaisi Diosonü pe jumaitsi ejjanae jawatsi. ¹³ Sedequías pijinia apo jume kowünütijitsipae reinü Nabukodonosor jawabelia, pe jurabia ejjanaenütsi Dioso itabünejewa pe jume jjaniatae nejja. Baitsi jane Sedequias apo najamatabü najamatabü faefaenaeya ejjanae DIOSONÜ jawabelia, Israel piaja Dioso. ¹⁴ Pijinia, dajjita sacerdotewi pe matabokoto nüanü itsa jiwi yajawa bitso apo jumekowünütsi, pamonae panakua piajiwi pebisiakuene jawanü itsitsanunubena. DIOSONÜ piaja boo jawata pe bisia kuene ejjana jjuanü bajara ponü to jeba Jerusalen jawata. ¹⁵ DIOSONÜ, piaja monaewimü piaja Dioso, na jume itoroba pamonae nejja liwaisi kaponaewita kae epatoyo kanakujitsia, tsipaji, Bajara ponü itajjuto bijiobia tayabiaba piaja tomara itsajota yajawa ponapona. ¹⁶ Baitsi jane pamonaeje kapokapona biaba Dioso jume liwaisi kaponaewi, apo jitsipabiaba pe jume taejawa, karapuaba biaba Dioso pe jume liwaisi kaponaewi, pe anaepanae jawa DIOSONÜ pe tsijopae jawabeliatsi piaja tomara, kae jiwi ata pe yawenonae kuene ajibi pamonaeje. ¹⁷ Nejjata; Dioso tsitorobarena Caldeo piaja reinü, tó beyejebatsi pewüjüawi espadanüta Diosonü piaja tajjunaeta, apo tsita bijiobitsi pewüjüawi pejanawajji kae jiwi ata apo pe barümajitsi watsi, perujujiwijji pe mataniojaiwi. Dioso dajjita jiwi pekobeta to kanawiata. ¹⁸ Dajjita kuene Dioso piaja boo piajawanü, ayaijawa jjanetonü y atsijawajji, pe namatamotsi jawa DIOSONÜ piaja boo piajawa, reiyenü y pitorobiwi piajawanü, dajjita jjuanüje bajaraponü kapona Babilonia jawabelia. ¹⁹ Pamonaeje tajuitaba Dioso piaja boo, tojjobaba Jerusalen pe yanakaranatsi jawa, tajuita dajjita reinü piaja boo jjanetonü, bijiana dajjita pejjania jawanü jotaje pe nubenaejawa. ²⁰ Reinü kaapona Babilonia jawabelia pamonae wekua panepa espada barüpa. Pamonae pianiwi kuenia kajinawanapatsi bajaraponü nejja yajawa pejji nejja Persia reinü kuenia peto kopia werewerekae jawabeliatsi. ²¹ JJua maje DIOSONÜ pe jumeliwaisi kuenia jjua Jeremias jumaitsi, pa nakuaje jamata ejemaya pe nakopatanukae jawabelia. JJua tane piaja matakabi pe yainjai jawa dajjita pamatakabianü kaejawa nakopatanuka, sesenta (60) pa wei beje kujinae. ²² Kae wai pe itorobanukae kujinae Ciro, Persia piaja reinü, DIOSONÜ pe liwaisi kuenia pe baebi jawa Jeremias, DIOSONÜ tsijamatabü ruta Ciro, Persia piaja reinü pe itsi nejja pe jume liwaisianü dajjita piaja nakuanü jawa, pijinia peyakinarubi nejja. Bajara ponü jumaitsi: ²³ "JJua ramaje Ciro, Persia piaja reinü, jumaitsije: DIOSONÜ, atjübütatsia piaja Dioso, ne rajuta dajjita pa iranüje.Bajara ponü ne itoroba ta tonakuenebi nejja boo bajara ponü nejja Jerusalen jota, jjua eka Juda jawata. Itajutejema pajjamü yajawünü jiwiyo pa nija tomara pia jiwi, tsia tsane bajara pa irabetsia, DIOSONÜ piaja Dioso yajawatsi tsane."