¹ Ezequías tajjüjjüaba peyanakua evetsijava pawaibeje; pakujinae jjaina abajjü veinticinco (25); baja rá ponü yanakua eveta ponapona veintinueve (29) pawaibeje Jerusalén javata. Péna pewünumi Abías; baja rá pona pejjünatoyomi Zacarías. ² Baja rá ponü ejjana pejjana panaekuene petujjanenü pitabarata; pakuenia pajja David ejjanabiaba. ³ Kaipaya waita peyanakua ewetsijawata, kopiaya juametota, Ezequías baüpana petujjanenü piaja bo baüpanü jjaneba jjuabeta nua. ⁴ Baja rá ponü karéna sacerdotewi levitawi yajava, nakaetuatsia ejjana este bo panabo jawata. ⁵ Baja rá ponü jumaitsi: "¡Panejumetaema, pajamü palevitavimü! anekonijibia pajino nopare pajjamü panijakueneta pa anekonijibia ejanare piaja bo petujjanenü, anijamonaemi piaja Diosonü, pakaponare tajü baja rá pajjuira jawa ma pa pianekoni jibi tajjunae wekuaje. ⁶ Tsipajji wajamonaemi pibiciakuene ejjana ü piabejekuene ejjana wanapa petujjanenü pitabarata, waja Diosonü; baja rá pamonae jjuabanuta baja rá ponü, nejjata napü wekua naitabara pünüyoroka jota petujjanenü ponapona, nejjata napünü rajütanubena. ⁷ Baja rá pamonae nua baüpa jjatabanuba pejoneya biabi baüpanü, lámpara büanü ata itajüba; baja pamonae apo tajuitsi pejjania tujjüjjüvi bajjü apo to ejjanae nüa petajuitsibenonü pata jjunaeta rajutabiabe Israel piaja Diosonü nejja. ⁸ Nejjata petüjjanenü bara anaepanabeje Judá Jerusalén beje, baja rá ponü nejjata íayaikuene nabenajakaya ejjanaatsi, piayai kuene taya ejjanatsi, pakuenia janebaja pataejitsipame panija itajjutota. ⁹ Baja rá jjuata wajja jivimi beyejebatsi espadota, wajajji, wajajjünatoyonü wajawajivi ata nanekonita baja rá jjua yabara. ¹⁰ Baja rá jané maje taja matabü ütjütotaje jjainajüje tajumaitsinejjaje jjaniawaetsiaje kajume kowünütsia natsije janü tsane petujjanenü javabelia, Israel piaja Disonü jawabelia, waja nakabaraanae panaejawa tajü wajanaka wekua ponaenejja tajü wajjaitsi wekua. ¹¹ Tajjí, pütsa baja maje pakakuena bo ponaje, tsipaji rabaja petüjjanenü paka itapeta pajjamü panenübena enejja baja rá ponü pitabarata, panenavajü kaenejja baja rá ponü jawabelia baja rá ponü pa piajivi nejjamü, pejjania viria tujjujawa paneto tajuitsinejja. ¹² Nejjata levitavi nanabapüna: Mahat pejjünato Amasai, Joel pijinia pejjünato Azarías, coatitas yajüvünüwi, Merari yajüvünüvi, Cis, Abdi pejjünato, Azarías ata, Jehalelel pejjünato; gersonitas, yajüvünüvi pijinia, Joa, Zima pejjünato, Edén pijinia Joa pejjünato; ¹³ Elizafán pejji pemo mojji, Simri Jeiel ata, Azaf, pejji pemo mojji, Zacarías Matanías; ¹⁴ Hemán pejji pemo mojji, Jehiel Simei ata; Jedutún pejji pemo mojji, Semaías Uziel ata. ¹⁵ Baja rá pamonae kaetuata piajamonae, baja rá pamonae kopaba dajjita piabeje kuene petonakuenebinejja, baja r á pamonae nejjata ejjanapeyanakua ewetsinütsi pitorobi kuenia, jumekowúnutsiaya petujjanenü pitorobi kuenia, petujjanenü piajabo pejjane panekaenejja. ¹⁶ Sacerdotevi nejjata joneya petujjanenü piajaboyalia pejukaenejja piabeje jawa; baja rá pamonae nejjata juka dajjita pibiciajava jjua kajjibajraba petujjanenü piaja templo jawata bo panabuabelia. Levitavi piijnia kaetuata pekaponaenejja Cedrón ferabo jawabelia. ¹⁷ Nejjata, juya baja pamoae nakaetuata kae jawata apo siwa nakuebi baja ra pamata kabibeje penamata jjainae juametota, ata ocho (8) pamatakabi jawá belia, baja rá pamona páta Diosonü piaja penaya karanatsi baupa jawábelia. Nejjata, ocho (8) pamata kabibeje mata wüjüa siwá nawajü kánúbena Diosonü piajabó. Dieciseis (16) matakabita wereta baja rá pajuametota. ¹⁸ Nejjata baja rá pamonae ponalia Ezequías javabelia peyanakjua evetsinütsi piaja palacio javata jumaitsitsi: "Pajjanü rabaja pa jjaniavaetajü petujjanenü piajabo, dajubi petajuitsi tajjünae dajjita pekanakuenebi javanünejja ata, pa mesata pan bobenaejitsia penübenaejawata, dajjita pekanakuenebi javanü nejja ata. ¹⁹ Ajará pakuenia rabaja pa jjaniawaetajü pitarobi kuenia pata ejjanae jjae dajjijta juanü peyanakua evetsinü Acaz kapona itsajavabelia pakujiniae ejjana piabejekuene pakujinae yanakua eveteka. Barájane nubena petujjanenü piaja tajjunae itabarata." ²⁰ Nejjata Ezequías peyanakua evetsinü, naükota bayakunüa, kaetuata dajjita tomara evetsiwi; baja rá ponü junaya petujjanenü piaja boyabetsia. ²¹ Baja rá pamonae kaponaréna siete (7) pa toro beje, siete (7) pa carneros beje, siete papebito beje cabríos rajuta piaja nekoni yabara dajjijta baja rá panekua pijivinejja, peyaiyatae tajjünae nejja ata, Judá nejja ata. Baja rá ponü itoroba sacerdotevi, pejji Aarón, perajutsinejja petujjanenü piaja tajjunaeta. ²² Nejjata baja rá pamonae beyeba toros, sacerdotevi nejjata pita baja rá pajana tsikaba peyaiyatae tajjunae. Baja rá pamonae beyejeba carnerovi baja rá pájana tsikaba peyaiyatae tajjunae; baja rá pamonae ata beyejeba ovejas baja rá pájana tsikaba peyaiyatae tajjunae. v ²³ Baja rá pamonae kaponaréna cabríos pebitonü perajutsinejja piaja nekoni yabará peyanakua evetsinütsi javata dajjita baja rá jota penubenaevi; baja rá pamonae nejjata nakobebuata nubena baja rá pamonae javabelia . ²⁴ Sacerdotewi werrebaba, baja rá pamonae penekoni yabara rajuta pejana (pebitojji petaujita biabi jawata dajjita Israel monae péwüta, pena nekoni matamotsi nejja rey itoroba perajutsi nejja petajuitsi jáwa itsajawa perajutsi nejja dajjita Israel monae pewünta. ²⁵ Ezequías nuba petujjanenü piaja bo javata levitavi címbalos yajava, arpas, liras, kaetuatsiaya pitorobi kueniatsi David, Gad, Dioso piajakuene petaenü peyanakua evetsinü piajavitonü, Natán, profetanü tsipaji petujjanenü najume itoroba baja rá pakuenia pejjanaenejja piaja profetavita. ²⁶ Levitavi kananabapúna pe rakatsijavanü David, sacerdotevi pijinia kobená nubena trompeta. ²⁷ Ezequías itoroba baja rá pamonae perájutsinejja petajuitsijava peyaiyatae tajjunaeta. Pakujinae tajjujjuaba petujjanenü peto najjünaejava, trompetanütas, David pekana jjuanae javanüta, ata peyanakua evetsinü Israel ²⁸ Dajjita penakaetuatsivi najjüana, penajjuanae bitsaüto najjuananübena, trompeta peábivi obanubena; baja rá pakuenia abajjü najjüán anübena perájjütsijava peveretsi javabelia. ²⁹ Pakujinae baja, baja rá pamonae petokaponae javanü rajutsi veréta, peyanakua evetsinú dajjita baja rá ponü javata penubenaevi pematabakabüta nubena junüa peyaiyata ejjane. ³⁰ Ikatsia kajena, Ezequías payanakua eveetsinü pevetsivi nava itóroba levitavi pena jjüanaenejja petujjanenü pejume vajianü David pejumeta Asaf, beje, Dioso piaja kuene petaenü. Baja rá pamonae najjuana vajianü barüyaya, baja rá pamonae pematababüta nubenajunua peyaiya taejjae. ³¹ Ezequías nejjata jumaitsi: "Baja rá jané maje pána anekonijibia ejjanameje petujjanenü javabeliaje. Pa ponarémena berena pakaponarémena pane tó benejja dajubi, pane jjainae yajavünü javanü paka ponaremena pejjania kuene papekató éjjanaejjae petujjanenü piaja boyaberena." Dajjita pena kaetuatsivi kaponaréna dajubi pebenejja pekobe kovü yavajunüjavanü rajuta pejjaniakuene peto ejjanae jjaetsi, pamonae pejama tabü ütjütota jumekovünüta kapona réna petajitsi nejja dajubü. ³² Pamonaenü tokaponaréna petajuitsi dajubinuanü nejja jjua dajjita baja rá jota nubena kapona réna maje setenta (70) pa pebitobeje baká, cien (100) pa carnerobeje doscientos (200) pa corderobeje pebitonü. Dajjita ma pamonaeje ü petajuitsinejja petujjanenünejja v ³³ Ponuanü kapona perajutsinejja pejjania nasitsinuanü seiscientos (600) pa bueyubeje, tres mil (3.000) pa ovejabeje. ³⁴ Baitsi jané sacerdotevi kaenübeje majjüto pevi titikaenejja dajjita pekapatsijava petajuitsi javanü, nejjata nakaemonae levitavi, yavenonatsi dajjita baja rá jjua peveretsi javabelia sacerdotevi to nakueneba nubenaejava, tsipaji levitavi nakuene jjaniavaeta sacerdotevi wekua jjaniawaetsia to nakuenebanübena baja rá pa monae piaja kueneta. ³⁵ Irüjübia kajena pekapatsijava petajuitsijava monaenü bobena; baja rá jjua ejjana pena sitsitanüta peka patsijava nakaemonae, yajava kapatanua vino ranü kaejava kanakujitsia petajuitsi java nüneja. Baitsi baja rá pakuenia petujjanenü piaja bojavata to veréteta penakueneba biabinejja jjaniavaeteta baja. ³⁶ Ezequías nejjata dajjita jivi ata, Dioso peto jjaniavaetsijjae jivinejja, tsipaji saya nakuenebarúküpa bepejiyo kuenia.