¹ Roboam Siquem jawabelia pona, tsipaji dajjita Israel pijiwi pona Siquem jawabelia peyanakua ewetsinü pejjanaenejjatsi. ² Baitsijané ma itsije Jeroboam pejjünato Nabat, majjua jumetaneje (tsipaji baja rá ponü nuka Egipto, jawata itsa berena wekua najetabijiraba peyanakua ewetsinutsi Salomón, baitsijane Jeroboam naviarena Egipto jawaberena). ³ Pakuenia itoroba baja rá ponü junatatsi Jeroboam dajjita Israel ponajena, tsipaebatsi Roboam jawabelia jumaitsitsi: ⁴ "Ajja paneto itsi piayapübeje liwaisi itsiata baitsi jane wekae baja ajja pena kuenebijami wekua panetó yapijjanepanaya ejjanare bebijiayo baja rá papiayapibeje liwaisi pataneto kopatsi jawa pajjanü jawaberena pajjanü nejjata pakota ejjanaenatsi patanito robikueniamü." ⁵ Roboam jumaitsi baja rá pomonaejawabelia: "Paponaeremena ikatsia jjanujawaaberena tres (3) pamatakabi bejekujinae nejjata baja rá patomarapijiwi pona." ⁶ Peyanakua ewetsinü Roboam yanijoba peyapütaenüanü jawabelia liwaisi Salomón pitabarata pejinawana paewimi pajja baja rá ponü, baja rá ponü abajju piasaü tsaponapona ejjawata; baja rá ponü jumaitsi: "¿Depakuenia paneujjujiobianame mapamonae tajume kanaviatsi nejja je?" ⁷ Baja rá pomonae barukujikuijai baja rá ponü jawabelia jumaitsitsije: "Itsa jjamu jjaniawaetsia ewetsianame to ejjanaename pejjania liwaisi to kuikuijamu tsane nejjata baja rá pamonae dajjita matabi ü jjamu kato nakuebabiabiana." ⁸ Robam baitsijane apo jume jjaniatae pemujjujiobi liwaisitsi peyapütaewi liwaisi, yanijoba saya pewüjüawi jawabelia penajua witsaabiwi baja rá ponü, penubenaewi penajuna ewerena baja rá ponü. ⁹ Baja rá ponü jumaitsi baja rá pamonae jawabelia: De pa liwaisi panerajutsianame waja jume kanawiatsinejja pamonae nebarukuikuijai nejumaitsi: "Bepejiyo paneto ejjanare paliwaisi ajja panerajuta pajjanunejja?" ¹⁰ Pa pevüjuavi najua vitsaba Roboam bana barukuikuijaitsi: "Ma ra pakueniaje kuikuijamu tsaneje pamonae jawabelia kajumaitsije nija ajja Salomón to itsi piiayapubeje liwaisi, pina jjamu bepejiyo to ejjanae, name bepejiyo.Jjua ra maje jumaitsimu tsaneje baja rá pa monaeje, taja tsikiri kobesitoyo raja ayaijawa matato jjenetsia tajja pe epasito wekua. ¹¹ Aekonojjae pakuenia pikanü tajja nánekonitsiaya kajinonopatsi jjanü matato jjenetsia baja rá pa nekoni. Tajja paka konitabiaba baitsi jjanü pakakakua tsia ejjanabiabianatsi aketota. ¹² Baja rá kuenia Jeroboam dajjita tomara pijiwi pona Roboam javabelia akueyabi matakabita, pakuenia jumaitsi nakuawetsin: "naviare jjanu jjawaberena akueyabi matakabiya." ¹³ Roboam jumaitsi baja ra pomona ejavabelia dajjita saüta, namujju jematsiaya pemujju jiobi liwaisitsi pena weretsinanu. ¹⁴ Baja rá ponü tsipaeba baja ra poma ejavabelia jumekovunutsiaya pemujiobi liwaisitsi pebijivi pebijivi pevüjüavi, pejumaitsi javatsi: "Tajja piayapübeje nekoni rajuta baitsijanu matato jjenetsia baja rá pona to jjenetsia baja rá ponü. Taja konibabebiaba, baitsijane jjanü nonekonitsia ejjanaenajü aketonüta." ¹⁵ Pakuenia nakua evetsinü apo jumetae piaja tomara pijivi baitsi baja ra jjüa jumekovünüta Dioso pejama tabukueneta, petujjanenü baitsi pejumekovüya Ahías vününü Silonita nakua pijinu tsipaeba Jeroboam javabelia pejjünato Nabat. ¹⁶ Pakujinae dajjita Israelvi tane nakua evetsinü apo pejume kovünütsi javatsi, tomara pojivi jumepita jumaitsi: "¿Detsajjua David pijinumi pe puenetsijava najjainatsi? ¡Apojjatnaetsi baja ra pamonae yajavünüvi pejji Isaí! kaenü kanakujitsia pajjamü paponaename panijababurutonu jabelia, Israel aekonojjae evere pepa nijabo, Davi." Pakuenia dajjita Israelitavi naviaba piaboburutonu javabelia. ¹⁷ Baitsijane pakuenia Israel nakua pijivi ba jinavanapa piaja tomara jjanetonüta Judá nakuata, Roboam yanakua evetsi baja ra pamonae. ¹⁸ Nejjata peyanakua evetsinü Roboam itoroba Adoram, ponü eveta asuyakuenia pena kueneba vanapaevi, baitsijane Israelitavi beya jjüabitsi ibotonüta. Nakua evetsinü Roboam najetabijirava pebitsajinae mata Jerusalén javabelia. ¹⁹ Nejjata parukae jebi Israel pewukua ponae kijinae parukae jebi apo jamatabü jüpae.