¹ Filisteovi Israel pijivi barü nabia. Israel pijivi rükupeka filisteovi vekua Monte Gilboa javatalia beyejebatsi. ² Filisteovi Saúl pübaraajina pejji yaajava pejji imojjoyo pijivi. Filisteovi Jonatán beyajjuaba, abinadab yaajava, Mlquisúa ata, pejji yaajava. ³ Ayaikuenia kaajena barinabiatsi Saúl puyeneta tsekonatsi: bajaraa ponü bitso to atanetsi peto beyajjabijjaetsi. ⁴ Bajarajua kujinae Saul jumaitsi penayakarantsi java peto kapona pona ponanü javaabelia "Nija espada justsimina barajjuata nekakuare. itsajume, ma panu naeje pe akuenebejevi nebeyajjuabianaje." itsiata baitsi peya avetsinütsi apo jane kowünütsi, tsipaji bajaraa ponü bitso jamava. neejjata Saúl pija espada pita pijakuata nakakuata tsipaji espada veereka pijakuata naka kuata. ⁵ Itsa peyaevetsinü Saúl tane petüpa nukaeejava, bajara ponü pija espada vereka nakopatabareka neejjata najua tüpabeje. ⁶ Nejjata Saúl tupa, akueyabi ponübeje pejjünatobeje, peyakarantsinutsi ata: ma papeebijivi dajjita najua tüpa kaematakabita. ⁷ Itsa abajjü peebijivi Israel pijajivi abajjü nubena pepjoto itsapanaabelia, Jordán itsapanaabelia, tane Israel pijivi pe rüküpe kaejava, Saúl pejji yaajava petüpaejava, bajara pamonae pija tomara vekua rükua rüküpeka, neejjata felisteovi bajara patomarata jinawanapa. ⁸ Nejjata itsamata kabi javaalia, itsa filisteovi petüpaevi pekabobenaejavaanü vekuanotijitsia, bajara pamona Saúl akueyabi ponübeje pejjüna tobeje petü paevi Monte Gilboa javatali javatalia kajjitaajaraba. ⁹ Bajaraa pamonae wüsi penamüpabü karantsijava ve paebivitsi itoroba filisteovi pija iraanü javabelia pija templo tomara ata. ¹⁰ Bajara pomonae pena yaajivi karantsijava ruta Astarot pija templo javata, pepeerabüto tomara penayaakarantsi najumaraata kütarata Bet Sán tomarata. ¹¹ Pakujina jabes Galaad pijivi jumelivaisi tane jjua Filisteovi ejjanatsi Saúl, ¹² Si va nayoobarüküpa dajjita pa pebi aitatsa ka meravijebi pona Saúl pe peerabüto pita pe peerabü ata pita tomara Bet Sán najumaraa vekua Bajarapamonae Jabes javaabelia ponalia bajarajootalia yamata tajuita. ¹³ Nejjata bajaraa pomona si pita tamarisco büjji pabata Jabes javatalia neejata siete (7) pa matakabibeje apo nabani.