¹ Zifeospijivi Saúl jauaaberena pona Guibeajavata neejjata jumaitsi: " ¿David tsi paji apo namatoyabi ponaponae Haquila jumaitsutota, jesimón wajunayata?" ² neejjata Saúl nonotapuna Zif tusatojavaaveka runareka ,jjaina tres mil papeebibeje Ü pitapeetsivi Israel pijivi bajaraponü ta, David pejaitsinejja Zif petusatonakuaya. ³ Saúl nayatajjunaeta Haquila jumayota,Jesimón wajunaya jjua eeka, peneta manutota. David kaajena sayabaja petusuatota, ponapona, bajaraaponü tane Saúl pepüna ponae javatsi petusatonakaa javata. ⁴ David neejjata naitajjuto kaevetsa ejjana, yapütame neejjata Saúl pepüna ponaejavatsi. ⁵ David nonotapuna Saúl itsajota nayatajjunaeta bajaraabellia pona; bajaraaponü tane itsajota Saúl Abner beje Ner pejjünato bokabeje, wajabütsaü natabokotonü; Saúl pijatajjunaeta boka, pijajivi bajaraaponü natatoyorotsia boobena, dajjita majita. ⁶ Neejjata David jumaitsi Ahimelec hititanü javaabelia, Abisai ata javaabelia Sarvia pejjünato javaabelia,Joa pematapijinü: "¿Ipatsa nepunarekatsane Saúl pija tajjunae javaabereka?" Abisai jumaitsi: "¡jjanü! Jjanü kapüna rekatsanetsi jai." ⁷ David Abisaibeje nejjiata runarekabeje wajabütsaü javaareka beje meravita. Saúl bajarajota pijatajjunaeta majitanukalia, Iraabereka pijakuererebo upi kaüjünanuta pemataboko mujjuneneta. Abner pija wajabütsaü bajaraaponü mataatoyorotsia boobena. ⁸ Abisai jumaitsi David javaabelia: "Ajena Dioso nekueyenü nekobeta kato kopata. pijjaniakuene jania neto kopare jamateejema pija kuererebota yaaira kaüjjünanutijianü Kae kuenia. Apoanijatobeje ra tsane. ⁹ David jumaitsi Abisai javaabelia:"jume pütsa bijianame: Tsipaji ¿Ipatsa petujjanenü pe Itapetsinütsi jayatsipa nanekonitsi neejeva?" ¹⁰ David jumaitsi:"petuujjanenü pe asaüjjae, petuujjanenü beyajjuabiana, Itsajame jemata petüpaejava to patajopaenatsi,Itsajume pe nabe natakabita tüpaena." ¹¹ Pütsa jjania petuujjanenü nekopata tato ayatsijava pitapetsinü; Baitsi jane, pejjania kuene kawajutatsi, pija kuererebo to pire penatabokoto mujjuneneta jjua nuka pija mera kanalito ata,ponatsibe baja. ¹² David neejjata kuererebo pita mera kamalito yaajava Saúl pemataboko mujjuneneta pe ekaejava, bajarajjua kujinae najetabijiravabeje. Itsajiviyo ata apo taetsibeje jjua ejjanabeje bajarapanamonae apo yapütae, Itsa jiviyoata kaena apo naükotsi, Itsipaji dajjita majitanabena, Tsipaji petajuujjanenü Itamajitsipae ejjanatsi bitso bajaraapanonae. ¹³ David nejjiata itsapanaabelia pona potsuto jumaatasia nukaya tajü bajara pamonae vekua; bitso tajü vekua nuka bajara pamonae vekua. ¹⁴ David bajara pamonae wawajai Abner Ner pejjinato javaabelia ata, ma bajaraa ponü jumaitsije: " Apo nejumepitsimü, Abner?" neejjata Abner jume pita: " ¿Vipatsamü jjamü neka wawajaita Iranakua evetsinü Javaabelia? ¹⁵ David jumaitsi Abner javaabelia:" ¿Jjamü tsaja tsipaji apo ne aitatsakanü? ¿ Vipatsa raja Israelta Kajüpa? ¿ neejjata Itsajjujitsia apo yaaevetsinü nija tuujjanenü Ira nukua evetsinü?Itsajiviyo najetaruka panija tuujjanenü Ira nuka evetsinü pebeyajjuabinejja. ¹⁶ Ma jjua ejjanameje apo jjanepanae. Pe asaüjjae petuujjanenü, jjanepana kajena netüpaejava tsipaji apo yaevetsimü nija tuujjanenü, petuujjanenü petsatsinütsi. taema Itsajota nuka Ira nakua evetsinü pija kuererebo, pija mera kanalito yaajava pematsabokoto mujjuneneta pe ekaenü." ¹⁷ Saúl David jume yapütane neejjata jumaitsi:" ¿David tajjünato, jjamütsaja nejume? David jumaitsi;" jjanü raabaja, taja tuujjanenü,Ira nakua evetsinü jai." ¹⁸ Bajaraa ponü jumaitsi: ¿Itsajjujitsia baraajiname taja tuujjanenü mija pianü? ¿De jjua itsinüjjanü? ¿Itsajua takobeta kato nanekonitatsi.? ¹⁹ Jjuya, ka wajütatsi, nenamujjunaa evere taja tuujjanenü Ira nakua evetsinümü nijapianini nejumetaema. Itsa petuujjanenü kanuta tane itoyaneejjamü, neto taena pejjaniakuene tarajutsijava tsane; Itsa jivitonü pija livaisi saya tsane, ayai kuene tsijopaenatsi petuujjanenü pitajjutua, tsipaji ajena nenavekua juta, tane rajatsi javaninejja pajja jjua pejji ba rajuta petuujjanenü veerena, Bajaraa pamonae ne jjumaitsi:" ponare Itsa diosovi nematabakata to nukaename. ²⁰ Jjuya neejjata, pütsa kopatame. Iraabereka tajana jopa Itsa Ira nakua tomarata petuujjanenü pitabü neejava, tsipaji raja Israel pija Ira nakua evetsinü yapüjaita pakuenia manepeto ba yapüjaita pakuenia waja jinaejiviyo tsakania ba jaitatsi petsutoonü java." ²¹ Saúl neejjata jumaitsi: "Jjanü kajena nanekonitajü naviaremena, David, tajjinato; tsipaji raja apo Kaitsakuenebi tsanetssi, Ajena kujinae,tsipaji tajumali netoyeiyataneme namataamota jjamü nitajjutua. Taema, jjanü rasaya be tajamabata Ütjüibinü bitso ayaikuena pebisiakuene ejjanajü," ²² David jumepita jumaitsi: " Renamire, nija kuererebo raja nuka jotaje, Ira nakua evetsinü! Koparemena Itsajiviyo pewüjüato pitsiarena pekato kalianejja. ²³ Petuu jjanenü mataamotsi kaejivi kanakujitsia pejjania kuene pe ejjanaejiviyo najanatabü rutsiaya jjaniavaetsia, tsipaji petuujjanenü Takobeta pikani kakanaviata jjanü javaaberena, baitsi jane jjanü apo ejjanaenütsipae sajinaya petsatsinü. ²⁴ Taema, jjanüneejja nija jumalia bitso namataamota taitajjutaa ajena, bajabakuenia tajumali bitso namataamotsi petuujjanenü pitajjutua, bajaraapona nekapanepae dajjita jjua neto ayapübeje." ²⁵ Neejjata Saúl jumaitsi David javaabelia: "Yajavaamüre tsane, David tajjünatomü, jamateejema ejjanare ayai kuene javaanü,dajjita jjua ne ejjanae javaanütsane kato jjanepanaena." Bajaraapakuenema neejjata David pija namutua natsata, juya Saúl pijaboyaabelia naviata