¹ David bajara velia pona najetabijirava adulam mütjüjavabelia. Pakujinae pijayapijivi dajjita pajja pijamonae yapütaejanua, bajara pamonae rumareka bajara ponü javabereka. ² Dajjita pejamatabü jaivi bajarajota nubena, dajjita pamona pe amoneyabivitsi pamonae ata apo livaisijüpaevi ata dajjita bajapamonae nakaetuata bajara ponü yaajava David pemata kapona ponaenü naejjana Bajara jota 400 pajivibeje bajata ponü barnuka. ³ Nejjata Mizpa javabelia David pona Moab javata Bajara ponü rey Moab javabelia jumaitsi: "Pejjania kuene ne ejjanare tajja neto kopare taena ata peponae neejja jjamüta tayapütae javabelia jjua Dioso jjanüta ejjanaejitsia. ⁴ Bajaraponü kopata rey Moab pijinüta. Pajja penabeje bajara ponüta nakopatabeje dajjita pa matakebi David pija tajjunaeta pona pona. ⁵ Bajarajjua kujinae profeta Gad jumaitsi david javabelia: Pütsa nukame nenamatayabi javata pitsapare ponare Judá́ raabelia." Nejjata David bajarajota velia pona Haret unuaabelia juneya ⁶ Saúl jumetane David pekajjitaajarabatsi, pe yantsivitsi yaajava. juya Saúl Guibeá javata eeka, tamarisco büjjupanata Roma javata, pija kuererebo kobena, dajjita peto nakuenebivitsi matatoyoronanubenatsi bajaraponü. ⁷ Saúl jumaitsi peto peto nakuenebivi javabelia jipatsa bajara ponü matatoyorotsia nubena: i Juya pajame taema, Benjamin momuvi! ¿Isaí pejjünato kaejivi kanakujitsia pabianü viña ata? ¿Ejjanaena padajjitamü pakapitanamü miles paneyaevetsivi bajarapakuenia cientos paneyaevetsivi? ⁸ Itsajju pakarajutsuana pematame itoyajjaimütsane itsajiviyo ata apo netsipaebi pakujinae Isaí pejjinato beje najume livaisi yeiyataya narajatabeje. Itsajiyo ata apo neyajivi aura. Ajibi pajjamü vekua tane tsipaebijiviyo tajjinato davi tanebaraa nawabütsaütsi java. ajena bajara ponü namatayaba sayo baja eveta tane itsakuenebi neejja ⁹ Nejjata Doeg edomitanü, Saul pija pianünü yajamimi jume kamaviata, ma jumaitsije: " Jjanü Isaí pejjünato taniji perenajava Nob javaberena, ahimelec ahitob pejjinato javaberena. ¹⁰ Bajara ponü wajüta petuujjanenü javabelia bajara ponü peyavenonae neejjatsi, pejjaejava rajuta Filisteonümü Goliat pija espadamu rajuta. ¹¹ Nejjata Rey sacerdote ahimelec junatsi ejjanalia ahitob pejjinato pajja pijamonae yaajava, sacerdote monae Nob javatalia penubenaevi Dajjita bajara pamonae rey javaberena ponarena. ¹² Saúl jumaitsi: juya jumetaema ahitob pejjinato." bajara ponu jumepita jota nukajü, taja tujjanenü". ¹³ Saúl jumaitsi bajara ponü javalia: "¿Itsajjujitsia panetsoya jematame, jjamü Isaí pejjinato beje, me abatsi kuenia pan rajutame espada yaajava to wajütamenua Dioso peyavenonae neejjatsi, tane siva nawabütsaütsi neejja, muetsia namatayabijitsia pakuenia ajenae ejjana? ¹⁴ Nejjata Ahimelec rey jume kanaviata ma jumaitsije: "¿Jipatsa dajjita nija pianivi tutujuta bitso pepo jamekowünütsi jiviyo David kuenia, rey piapanü nijawababütsaü mataboketonü btso paruja bota peyeyataenütsi. ¹⁵ ¿Ajena tsipaj mata pania Dioso jawabelia to ujajükajü peyavenome nejjatsi? ¡Tajü bajarajua nevekua tijjire! Pütsa kopatame rey penanekoni ejjanae jawa itsakuene jawa nejawa pija pianini dajjita tajja pijamonae ata. Tsipaji pija pianinü apo yapütae ma palivaisije." ¹⁶ Ira nakua evetsinü jumepita: "Jjanü kajena tsiteka tüpaename, Ahimelec, Jjanü dajjita ajja pija monae yajawa." ¹⁷ Ira evetsinü jumaitsi pematatoyor nebenaevitsi pa wajabü tsaü jawabelia: "Kaevualia pataema Petujjanenü pija sacerdotevi pa beyejebare. Tsipaji raja bajara pamonae ata David jamatabü yanata, tsipaji bajara pamonae ata pikani yapütane penajetabijirijawa, itsiata apo netsipaebi." Itsiata pija wajabütsaü Petujjanenü pija sacerdotovi apo beyejebi. ¹⁸ Nejjata nakua ira evetsinü jumaitsi Doeg jawablia: "Napünü yavoremelia sacerdotevi bena." Doeg edomitanü napünü yorolia sacerdotemonaebia; bajara ponü 85 pa jjivibeje efod panajjatabivi beyejeba (Efod: sacerdote penajjatabi jawa) bajapamatakabi linojawa najjataba. ¹⁹ Espada barüta, bajara ponü Nob tsekona, sacerdotevi pija tomara, dajjita pebijivi pakuenia petnavi, pejewajji pewüjuavi ata, buemonae burü ata pakuenia oveja monae ata. Bajara ponü espada barüta dajjita beyejeba. ²⁰ Ahimelec pejjinato itsiata, Ahitob pejjinato, Abiatar pewünü, David püna najetabijirawa. ²¹ Abiatar jumaitsi David jawabelia Saúl pebeyejebijava Petujjanenü pija sacerdote monae. ²² David jumaitsi Abiatar jawabelia: "Jjanü kajena pikani yapütaniji Edomitanü bajara jota pe nukaejawa, meta kajena bajaraponü Saúl petsipaebijava. ¡Jjanü kajena nane konitajü pija monae ajja te tüpaejjae yabara. ²³ Jjanü pa nubenare pütsa pajunavane. Tsipaji ponü pekabeyajjuabi nejja kajaita, Jjanü ata ne jaita. Jjanüta raja jamatejemamü tsane.