¹ Dajjita Israel javaabelia Samuel jumaitsi:"Jumetaniji raabaja jjua panejumaitsimü,papeka tomara evetsinü raabaja paka to nutatsi. ² Juya,ma jotaje nukaje panija tuujjanenü pajjamü tuatuajüta raabaja nuka;perüjunünü raabaja matanaaniojanü yaajaba,tajji pakayaajava.Pewüjuato kajjinaenü paka yaajaba ponatsi pamatakabi javaaberena ata. ³ Nukajû maje;pane nekonire baitsibaja,Petuujjanenü pita büta pemata ejjabinütsi pitabüta.¿De ponübeje baka pitajû?itsa jume¿Depa buruwabeje pitajû?¿ipatsa yamajji tjoroobajû?¿jipatsa üraabajû?¿jibatsa vekobe pitajû amoneya pebisia kueneta pe pitsijava apo tataeyaniva?Pane nekonire baitsi baja neajjata paka to tsimatabuatsianatsi". ⁴ Bajaraapamonae:"Jane,apo pane yamajji tjojorobinü,apo pane üraabimü,itsajiviyoo ata apo vekobe nakobetojjotsimü". ⁵ Bajaraapamonae javaabelia bajaraaponü jumaitsi:"Petuujjanenü paka yaajava nekoni yaabara,saikaya pe nato tsaatsinü pa nija livaisi yapütane ajena patane nekonitsineejja apo pa neto taemü".Bajarapamonae jume pita :"Petuujjanenü ra´bajaraa palivaisi yapütane". ⁶ Samuel bajaraa pa tomaraabelia jumaitsi:"Petuujjanenü kajena Moises Aronbeje nuta,bajaraapakuenia pija salinai Egipto iraveerena kapitsapa ⁷ Juya ikatsia,pona itajübare,Petuujjanenü pitabarata,jamateejema najume livaisi taejitsiatsi pejjaniakuenia jjua ejjana Petuujjanenü,pajjamü nejja panija salinai yajava ata. ⁸ Pakujinae rena Jacob Egiptojavaberena,pija salinai yaajavaPetuujjanenü javaabelia wajjüta.Petuujjanenü Moises Aron beje to itoroba,bajaraapajivibeje pija salinaivimi matakapona Egipto vekua neejjata bajarapajivibeje berena kaponabeje. ⁹ Baitsijane itsiata bajarapamonae pija Tuujjanenü nakopjünüta pija Dioso;nejjata Sísara pekobe javaabelia kanaviatatsi,wajabütsaümatabokotonü Hazor tomara piji nü,Filisteovi pekobe javaabelia,Moabnakua ira evetsinü pekobeyaabelia;dajjita bajarapamonae barünabia pija salinaivita. ¹⁰ Bajaraapamonae Petuujjanenü ayai kuenia wajüta ma jumaitsije:"Pajjanü pananekonitajü,tsipaji panatsipü jjuabajü Petuujjanenü Baales patoo nakuenebajü.Itsiata jane pane yaavenonare patakueyevi pesaü vekua,neejjata pakato nakuenebianatsi juya. ¹¹ Nejjata Petuujjanenü itoroba Jerobaal,Bedán javaabelia,Samuel yaajava,nejjata pesaü rajuta pija wajabütsaü amoneyabijitsia pane mataatoyortsia,bajarapakuenia pajjamü be jjaniavaetsia pa jinavanapame. ¹² Pakujinae Nahas pajjamü pa taneme Amonitas tomara ira nakua yaaevetsinü paka tsiyaajemata,jumaitsi :´iJume!jjanepana pa tane matakanukaejaba ira nakua evetsinü,biji kaajena Petuujjanenü ,panija Dioso,bajaraaponü ,panija Tuujjanenü . ¹³ Ma nejjataje papeka mata kanukaenüje nukaje ponü pajjamü pa itapeetame,ponü pawajütame juya Petuujjanenü papeka matakanukaenü neejja pakato tsata. ¹⁴ Itsa pajjamü Petuujjanenü pa yeiyataneme,patoo nakuenabare,pajume kowünüre,pütsa jane pejumejjuabame Dioso pija livaisi,nejjata,pajjamübeje,pajjamü papeka matakanukae nü yaajava pajjamü Petuujjanenü pane punaponaevitsane panija Dioso. ¹⁵ Itsa pajjamü apo pajumetaemü,saya baja Petuujjanenü pabaraa anaetame papeka itoribi livaisi pa itoyamü,Petuujjanen pekobe paka tsijuma ruka,pakuenia bajaayata panija salinaivi. ¹⁶ Pataema jane jjua ejjana ayaikueniaPetuujjanenü paneitabüta ¹⁷ ¿Apo pe notsi matakabi tsipaji trigo?wawajanü tsane Petuujjanenü javabelia pe itorobi neejjatsika ema yaamajji yaajava.Nejjata,pajjamü pa yaputaneme pa taeneme nua ayai pebisia kuene pane ejjanaejava,Petuujjanenü pitajjutua,pane wajutsi javata papeka matakanukaenü nejja ira evetsinü ¹⁸ Nejjata Samuel wajüta petujjanenü javaabetsia;bajaraapamatakabi Petuujjanenü kopatsika ema yamajji yaajava.Bajarajjua kujinae dajjita jivi Petuujjanenü kujunava.Samuel ata kujunavatsi. ¹⁹ Nejjata,dajjitajivi jumaitsi Samuel javaabelia:"Wajüre nija pinivi yaabara Petuujjanenü javaabelia nija Dioso,patatüpaeyaniva.Tsipaji raja pajjanü patsimajeebajû pataja neekonü mapa pebisia kuene,pata wajjütsijjae ira nakua evetsinü patane matakanukae nejja. ²⁰ Samuel jume kanaviata :"Pütsa pa junavame.Pajjamü raja pa pebisiakuenepa ejjaname,baitsi itsiata pütsa pa vekua namujjupjetame panija Tuujjanenü,pato nakuenabare Petuujjanenü dajjita panejamatabü ütjito veerena kujinae. ²¹ Putsa panavekua tsatame pejumapekataevi pepüta apo pe papeka panapaevi itsakuenejota ata apo jjanapanae,tsipaji bajarajjua apo jjanapanae itsakuene javanejja ata. ²² Pe ayai wünü jjanetonüjjae,Petuujjanenü apo navekua torotsi pija tomara,tsipaji baraa ponü Petuujjanenü saya barüya itsa pija tomara kuenia pita. ²³ Jjamü kajena,navekua tajüyootajû pebisia kuene taja Tuujjanenü to,itsa kopatajû pata kato wajütsijava,bajaraajjua java,paka kujurubianatsi jjua bajjanepana jjau ba rovia yaajaba. ²⁴ Kaejeva Petuujjanenü pa yeiyataema saya bajaraaponü pato nakuenebare pane jjaniajai kueneta dajjita pane jamatabü ütjüto vetsina.Pataema jjua jjua ayei kuene pato ejjana. ²⁵ Baitsi itsa pa ejjana ponaename pebisia kuen,pajjamü papeka yaaira nakua evetsinü yaajava pane najjuabivitsane.