¹ Neejjata,Samuel pita aceitebü,Saul aceite tsimataepana,barajjua kujina itabaraatsutsune jumaitsi yaajava:´´Apo kamata ejjabi tsipaji Petuujjanenü nija tomara nemata kanukaenejja? ² Itsa baja ponaename ajena,kajjitajarabianame anijanübeje Raquel pe mütjütsijavatatsi mujjuneneta,Benjamin pija ira Selsa.Bajaraapamonae kajumaitsitsane:´´Nejaitsi buruvi,pakajjitajarabajû.Ajja raabaja apo jamatabü bü jai baja buruvi yaabara büjai,ma jumaitsije:´´De itsinütsane tajjunato yaabara? ³ Nejjata,ponaename bitso tajü bajarajota vekua,neejjata patsianame Tabor encina javata.Bajarajota kajjitajabianame akueyabi ponübeje Dioso pe matabakabüta pena wajükae neejja Betelta,kaenü peejananüanü cabrajji,itsanü akueyabi pa panbü beje mujjupaebeje kaponaena,itsanü vino doro kaponaena. ⁴ Kabajakobiana ka rajutsiana anija pan mujjupaebeje,jjua jane pitsianame. ⁵ Bajarajjua kujinae,jjamü Dioso pija tsuto javaabelia,itsajota Filisteovi pija wajabütsaü tajjunae nuka.Itsa patsiename bajaraa pa tomaraabelia,kajjibajarabianame profetamonae pe runaevi atjübütsuto veetsi arpa kobena,tambor yaajaba,pe obijavaanu pe maü rubenae büanü ata;bajaraapamonae be amajitsinaebota petaejava paeba nubenaena. ⁶ Petuujjanenü pija Espiritu bepija katsijamatabü jonena,neejjata bajaraa pamonae kueneta napaebianame amajitsinaebota ne taejava,nejjata be saikayanü mü tsane. ⁷ pakujinae dajjita jjua takatsipaebijava taename, ejjanare jjua kato ruka nekobeta,tsipaji raja Dioso kayaajava. ⁸ Gilgal javaberena ponaeneme nataejitsiatsi.nejjata jjanü jjamü javaberia ponaenajû,waja tajuitsinejja tsakiapae jitsiatsi nua waja jumali jjaneponae jitsiatsi. kae kobe anija pamatakabibeje yaajava evetsianame tapatsi javaberia tsane waja nakaetuatsinejja taka tsipaebi nejja jjua ejjanajitsiamü. ⁹ Aajena Saúl napünüyorta Samuel vekua ponajitsia, Dioso itsa jamatabü ütjüto rajutatsi. Nejjata dajjita petsiwajunae paebi javatsi baja pamatakabi tane. ¹⁰ Pakujinae petsuto javabelia palia,profeta bitsaüto nakaetuata, Dioso pija Espiritu bepijia tsijunuatsi Dioso pejume livaisi na paebijitsia. ¹¹ Pamonae yapütanetsi bajaayakujinae tanetsi pe profetizabi java profetavita, jivi saya baraanatsipaeba ma pakueniaje: ´´¿Itsa jjua meta jjaina Cis pejjunato? ¿Saúl tsaja juya Dioso jumelivaisi paebinü?´´ ¹² Jivitonü saya bajarajota penanukaenü jumepiitatsi: ¿Jipatsa raja pajja?´´ Bajarajjuijitsia, jivi kuikuijai: ´´¿Saúl tsipaji profetanü?´´ ¹³ Pe paebi kujinae Dioso pija livaisi, petsuto junaya. ¹⁴ Nejjata,Saúl pajjuyo jumaitsitsi pijapianinü jababeria ata:´´¿itsa belia poname?nejjata bajaraaponü jumaitsi:´´Burovi jaitajû;apo pata kajjitaajarabijae,Samuel patae ponaliajû.´´ ¹⁵ Saú pajjuyo (pajjuanü) jumaitsi:´´Pejjania kuene ne ejjanare,ne tsipaebare jjua Samuel katsipaeba´´. ¹⁶ Saúl nejjata jumepita pajjuyo :´´Bajaraaponü pane jumeitsi jjaniavaetsia buravi raabaja kajjitaajaraba.´´Ítsiata bajaraaponü pajjuyo apo tsipaebi pematakanukae nejja,jjua Samuel tsipaebatsi. ¹⁷ Bajarajjua kujinae,Samuel jivi barü nakaetuata Petuujjanenü pitabaraata Mizpa jabata; ¹⁸ Israel jumaitsi:´´Ma jjua jumaitsi Petuujjanenü,Israel pija Dioso jumaitsije:Jjanü jutajû Israel Egipto veerena,paka pitatsi Egipcios pekobe veerena,bajaraapakuenia paka pitatsi peko veerena papeka bijiobiejjanae ira nakua evetsivimonae. ¹⁹ Baitsi ajena itsiata,panija Diosonü pa atsobame,dajjita kuene javaanü pa pe kakapanepaenü pajamatabü bü jamü;pajumaitsimü:Patane matata kanukaenü nejja iraa nakua evetsinü pa neto nure pajamü:´´Nejjata patsita nakaetuare Petuujjanenü pitabarata kae viria kanakujitsia kae napijamonae ata." ²⁰ Samuel nakaetuatsi ejjana dajjita viria Israel pijivi Benjamín pija viria tomara tsatatsi. ²¹ Benjamín viria naimujjoyotsi ejjana kae pijamonae kanakujitsia;matrimonae pijamonae tsatatsi,Saúl Cis pejjinato tsatatsi.Pakujinae janebaja jaitatsi,apo kajjitaajabitsi. ²² Nejjata,bajara patomara bitso Dioso jamatabü yanijioba pona :"¿Bajara pa pebi baja patajoopa?jai .Petuujjanenü jume pita:"Bajaraaponü raja namatayaaba pesima büjüpana.jai. ²³ Nejjata bajarapamona kujinae rüküpeka Saúl jutabuarenatsi penamatayabi nukae javaveerena.Dajjita tomara tuatuajütaitsa nukataba,bitso bajaraa ponü dajjita vekua ayainü,pekopjia vekua ayainü bajarapamonae vekua. ²⁴ Nejjata,Samuel jumeitsi bajaraapamonae javaabelia:"¿pataneme janebaja ponü Petuujjanenü itapeta?iajibi itsanü be bajaraa ponü ma patomarataje!Dajjita tomara wawajaitsajjuabi:"Bitso to ayai matabitsanetsi ira nakua evetsinü!" ²⁵ Nejjata,Samuel tsipaeba bajaraapamonae javaabelia pakuenia livaisi kanakuebi jitsia jitsia pemata kanukae irata,kuyalato bajutota to yakina,Petuujjanenü pitabarata tsitajuta.Samuel neejjata,püjioba dajjita tomara,kae jivi kanakujitsia pijaboyaabelia pona. ²⁶ Saúl ata navialia pijaboyaabelia Guibeá,tomaraabelia,pü yanatatsi pe kuene saü peebijivi,kaejivi karakujitsia Dioso pejamatabü jayatsivitsi. ²⁷ Itsamona pibisia livaisi pe jjanaevi jumaitsi:"¿Itsapakuenia mata ma pajivitonü be nata kapanepaje?"ma pamonaeje Saúl atijitsibitsi itsa kuene javayo apo to kaponaetsi Saúl .Itsiata Saúl itsa livaisi apo tojjainae.