. ¹ Pi'i canairinamën Pirsia Copirno Ciro itopiso' iporahuarë' a'na pi'ichin hua'anëntaso', Naporo Irimiasë quëran Sënioro noninso' nanicaso marë, Ciroso nanan shahuirin. Ya'ipi hua'anëntërinquë nitotaimarë nishitaton a'parin: ² Caso Siroco . Pirsia Copirnoco ni'to napotaranquëma', sënioro Yosë ni'ton, ina'paquë hua'anëntarin. Ina quëtërinco Ya'ipi no'pa hua'anëntahuaso' marë. Sha'huitërinco ni'ton, Quirosarinquë ina chinotacaso' marë pëi anitarahuë ina ninanoso' Cota parti. ³ Na'poaton Sënioro piyapinëma', ni'ton paco. Paatoma' sënioro chinotacaso pëi' ni'co quirosarinquë, Sënioroso Yosënëma ni'ton, catahuainquëma' pëinën nitacaso'marë'. Yosë cha'chin inaso' Quirosarinquë ya'huërinso'. ⁴ Inpitasona ina piyapi nipachina', niyacapapisopitari catahuarin: Prata, Oro, ma'sharo'sa, pë'tahua, inaquëran pita catahuaina'. Inahua nohuanton Yosë pëinën nicacaisomarë Quirosarinquëpa: ⁵ Ina nitotatona'Cota huënton hua'ano'sa', Mincamin huënton hua'anosa', Corto hua'anosa', nihuiro'sa', ya'ipi inapita yonquipi. sënioro nohuanton ina pochin yonquiatona' nipi. ⁶ Ina nitotatona' niyacapapisopita Prata, Oro, ma'sha pa'ton nininsopita, pë'tahua inapita quëran catahuapi: Inapoatona' inahuara nohuanton Yosë pëinën nicacaisomarë ma'sha acopi. ⁷ Sënioro chinotopiso' pëiquë nisha nisha ma'sha ohuarapiso' ira'ca ya'huërin. Yahuëpirinhuën', Napocotonori Quirosarin quëran ocoirahuaton, mamanshinënpita mosharinquë pëiquë acorin. ⁸ Copirno Ciro itopisoari ayantërin, Ayantohuachina Mitritatisë itopisoari ma'parin. Inaso', pa'ton nininsopita ta'panapi hua'an quëtërin . Inaso' Cota huëntonquë yahuërinso: ⁹ Ya'ipi inaquë ohuarapiso pichipiso, cara shonca tazono'sa Oro quëran nininso', huaranca tazono'sa prata quëran nininso', ca'to shonca iscon cosuroahuaro'sa. ¹⁰ Cara shonca tazono'sa Oro quëran nininso', catapini pa'sa shonca tazonahuaro'sa prata, quëran nininso' nisahuaton huaranca ma'sharo'sa ohuarapiso'. ¹¹ Ya'ipi inaquë ma'sharo'sa ohuarapiso oro nisahuaton prata quëran nininso' a'natërapo huaranca catapini pasa inana'po Sispasarori quëpantarin Quirosarinpa