¹ Kioo Anutuuqo Nuvuanna tunoo, faii immaapuyaa mmataharaa sidinnaidiyaa mmuakia mmata arau suruaakuararairee tirarai. ² Faii mmukia rasingiammmaa hataumakii rarianai koyiaa faii ngiiyara atukiararai. Ii yauraa Anutuqonoo ngimmiyaurai. ³ Mmuakia variraa varadaa varia mminamminna iyauva Anutuuqo nnateera ngimmivai. ⁴ Karasaa kiaurai vasingiammai yauvaa nneeraivaraa oootivai. ⁵ Iitaama vaainai fainaa variraa immiau ivaudiri safumaa yookaira imminaravai.Fai mmuakia varira varadaa variaiyaa mmie fai gionna kiapuuyatamaa mminaravai. ⁶ Voovoono ari seenaiva ruputinoo putiivo inna kiauvoo ii vaaidi ivaa yaakuvaki vaainoo. ⁷ Fai aiyaadiri kaayauumakio vekevau voovatama mmuakiaa mmataavau seereguatiinoo pinaavai kuanaravai. ⁸ Kioo Anutuuqo Nuvuaannatama inna mmapuyaata tunoo. ⁹ Ngiaa rikiaate, fai naa kuaa yeena rairiavaa ngii tasipamaa ii naraaraivaa. Naa ngii tasipamaa iikiauvo fai ngiiyaraa vainnoo fai mmanna mmanna ngii sidinnaidiiyaraa tamaa vainaravai. ¹⁰ Mmuakia variravai mminnai yauvoo mmata avau vayaiyaa tamaa arii vookarai fayai mmararai yaatama ngiaasukuai yaatama, siipaivaki vitaa yapakioo fayai yaatama itasipamaa vayaaravai. ¹¹ Na voobaatamaa kavaa kiaunoo, fai hamaa kavaa nnoorivoo mmuakiaa mminna mmataa avau varia vai mminnaiyauvai nnoorivoo ruptinaravai. Hamaa kavaa nnaagiain nnaata fai nnoorivoo mmata avaa rummuaa raubiriinaravai. ¹² Anutuuqoo tinoo innaanna itasipamaa kuayeenaraira iikiauvovee. Fai ngiaa hamaa variraa varadaa itasipamaa varia vasingiammaiyatamaa, nnaagiai variaa gionna kiapuyaatama ruputu raubirinaravai. ¹³ Naa furainaivaa ngauvau yapauvoo, inna nii kua mmataa aavau yeena rammuavovee. ¹⁴ Fai suai voovai ngiateekioo namaiyauvoo ngioo nuunainai furaainaivo ngiauvau rainaravaive. ¹⁵ Fai naa yapooma kavaa sa mminna voovai innaree kiakiee nikua itasipaama yeena rammua vaara yaata utinaravaive.Hama fai kavaa na nnooriva tino rikioo gioonna kiaapu yaatama mmuakia mminna mmaata aavau varira mminnai yaatama ruputinaravai. ¹⁶ Furainai voo ngiauuvau raainai fai naa nii kuayeena rammuau vaara rikiee fai na hama kavaa rummua raubiriraiva iinaravai. ¹⁷ Anutuuqo Nuvuaanna tinoo, inna atau nii kuayeena raaira na mmuaakia mminna mmata aavau variai yaatama iikiauvove. ¹⁸ Nuvuaanna mmaapuvo sipaivakidiiri tummuaiya nutuyauvo Seemova, Haamo, Yafeeto.Haama mmapuuvo Kenaava. ¹⁹ Inna Nuvuaanna mmaapu taravooma. Iyakidiri mmuakiaa mmata aavau variaa gioonna kiapuuya vari suvuakuaavai. ²⁰ Nuvuaava mmata aavau yaagueeama mmoori vareeranavai vario, vuainai yauvaa vara utiravai. ²¹ Ivoo vuaina vooyauvai nnoo kumimakainnoo mminnamminnai yauva reebukioo ari nnauvaki vaivai. ²² Kenaana koova Haamo taaikioo iyaa gioova taguaadavai nnau vaki vaaikioo mmanna oto arii saaiya kiammiravai. ²³ Seemota Yafeeto vaatama buruai yauvaa varadaa, mmooka hanigiaa ngiarii koonna mmikiadaa oroo inna yaa rummua apiravai.Iyaa hamaa ngiari koonna teerama kiadaa ngiari avuyauvaa voopi taarada varadaa kuavai. ²⁴ Suai Nuvuanna yaata tinni kumimakaivoo taaika kiaikioo rikiaikiai inna nnaakaraiya dataama ivoo ivaara inna kiammiravai. ²⁵ Ivaara ivo tinoo fai mmuaraiva Keenova varanaravai.Fai ivoo arii kataa vayaiyaa mmori vareranavai varinaravai. ²⁶ Ivoo ataakua tunoo, pikii Uudanga Anutuuqo mmamma maisaivaa varanoo, keenava fai mmorivareranavai varinaravai. ²⁷ Fai Anutuuqo Yafeeta mmataiva inotoo pinaavai kuanaravai. Seema seera nnauvaa vootanainni giataama iimakiino varinaravaivee. ²⁸ Pinaa nnoorivo rummua apuukiai ivaa mmookai Nuuvava taraavoomaa kioo yakuusaivai nuanuudaa variravai. ²⁹ Nuvava (900) nuanu varikioo puutiravai.