¹ Abaraahmmo Isiipa pikioo viravai, ivoo ari nnaataivotama ari mminna mmukiayavotama varoo viravai. ² Vuduu Rootootama viravai.Vuduu Abarahaamo kaayau sipsiippa burimakau, yauvaata Sirivuaa goorai yauvaata varoo viravai. ³ Ivoo Nekeeva pikioo Beteerara viravai. Nnaru ivoovai Beteera vaudu Aaii vaudu tammaa ivakii heekakioo varu vakira viravai. ⁴ Ivoo vaa nnaru ivakii yeenna tapiva imakioo tuno Anutuuqa tiravai. ⁵ Rootoota Abarahama nnagia ivau viravai. Ivoo ari meemee sipisiipai yauvatama buruqa nnau vata varo viravai. ⁶ Ii suai ivaki taravaitana kayau hoona mmuakia mminnai yauvaa varada oro ii mmata ivaki variara toodu hama aikiooma vairavai. ⁷ Itama vaudu Aparaahama mmori vareraiya Roota mmori vareeraiyata surubuaru tiravai. Oyaivo ataama vaino. Iyakaayu puara vasingiamma yaama suvuau kiada mmuaa mmatavau varuuvara iya itaakuatiravai. ⁸ Itaama vaudu Abraamo Roota tuno; Te taaravaitana mmuaa vai tanavee. Fai ta hama titiita titiita buaaru kiaaravee. Aimmoori vareeraiyaata Ni mmoori vareerai yaatama fai ta hama itaakua kiaaravee. Mmuakia mminnaiyauvo nnagiai vaivai. Neetama eetama mmuaakia vaitannavee. ⁹ Ti mmata pinaa voo yau vai vaino. Ni taura ee kuane. Egeedai vinai fai na yaadudai kuanaravai. ¹⁰ 10 Aparaamo itaakua tuduu Rooto dio vainno mmuakiaa mmata mmaataivaa haitatuuma too tuno fai na yoketaa mmata Yorotaanadiri vio vio Sohaara kuai ivo hanigio Anutuuqa mmata roosiivai vainno Iyiipaaya mmata roosiivai vai pinnainnagiata faina kuanara vai. Yapooma nnaagiai nno Anutuuqo Sodooma Gomoraiva mmuturu raubirima kieera vai. ¹¹ Itovaudu Rotoo yoketa mmata yorotana mmatama kioo suai nnirainnigiata voduu inna nnaudi tunnaiyatama duyama saiyatama viravai. ¹² Aparaahamo homo Kenana varuduu Rooto yosinna pinaiva akiai vaki variravai. Ivoo ari nnauva Sutuuma yosinnaiva ngieera tuanama hekakio variravai. ¹³ Iisuai ivaki Gioonna Kiaapu Sutuumaya Udaangaiva avuuvau iravai. ¹⁴ Rooto Aparaahama pikio vioo kioduu Anutuuqo Aparahaamata kuatiravai .Yoosinna diaanna avaudiri dieevainna suai raariraipi tee suai haatapainni tee, tooya sainai tee, tooya sainai taanee. ¹⁵ Iimmata mmuakia iyauvo inna ii mmatayauvaivee .Fai ii nnedi tunnaiya immata iyauvunu variaaravai. ¹⁶ Fai neeno iinai i sidinnaidiiya suvuaida mmata kufukufaiva rosima variaravai.Fai hama yopeema yiaaruaravai.Aanna variaiyata yapooma variarada kuaraiya fai itavai nnasu vayiaravai. ¹⁷ Ditanee, ngiera mmataivaunnata pina mmatai vaunnatama yukuree kuane. Faina immata mmuakia iyauva imminaravai. ¹⁸ Itama vaudu Aparaahamo ditoo ari nnauvata radavaroo numa Mamaree variravai. Heborono vainima vau mmataivaki yenataiva iimakio Udangaivara puara huderavai.