2 ¹ Bihain mi apim het bilong mi na mi lukim man i holim rop bilong mita long han bilong em. ² Mi tokim em, ''Yu go we?'' Olsem na em i tokim mi, ''Long makim na skelim Jerusalem, long painimaut bikpela na longpela bilong em''. ³ Orait ensel husait i toktok wantaim mi i lusim mi na i go na narapela ensel i go long bungim em. ⁴ Namba tu ensel i tokim em, ''Ran i go na yu tokim dispela yangpela man, tokim em olsem, 'Jerusalem bai i sindaun long kantri i stap nating long wanem planti man na ol wel abus bai i stap insait long dispela meri. ⁵ Long mi- dispela em ol tok God Yawe i bin mekim- bai i kam wantaim paia olsem banis i raunim dispela meri, bai mi stap glori namel long em na raunim na karamapim em. ⁶ Kam antap! Kam antap! Lusim graun bilong hap not-dispela em tok bilong God Yawe- mi bin mekim yu i go nambaut olsem 4-pela win bilong ol skai! - dispela em tok bilong God Yawe. ⁷ Kirap! Ranawe i go long Saion, yupela ol lain i stap wantaim pikinini meri bilong Babilon!'' ⁸ Bihain long God Yawe husait i singautim mi na soim gutpela pasin long mi i salim mi long ol kantri husait i bagarapim yu- long wanem husait i mekim nogut long yu, i holim ai kiau bilong God Yawe!- bihain long God Yawe i mekim olsem, em i tok, ⁹ Mi yet mi bai i seksekim han bilong mi antap long ol na ol wokboi bilong ol bai i bagarap.'' Orait bai yu save olsem God Yawe husait i kamapim dispela i salim mi. ¹⁰ Singsing na amamas, pikinini meri bilong Saion, mi yet mi laik kam na wokim kem namel long yupela!- dispela em tok God Yawe i mekim.'' ¹¹ Orait ol bikpela kantri bai i bungim ol yet wantaim God Yawe long dispela dei. Em i tok, ''Yupela bai i kamap ol manmeri bilong mi na bai mi wokim kem namel long yupela,''orait bai yupela i save olsem God Yawe husait i kamapim dispela i salim mi i kam long yupela. ¹² God Yawe bai i kisim Juda olsem samting bilong em insait long graun holi na wanpela taim gen em bai makim Jerusalem bilong em yet. ¹³ Stap isi, olgeta manmeri, long ai bilong God Yawe, em i bin kirap i go aut long ples holi bilong em!