9 ¹ Mi tok tru long nem bilong Krais. Mi i no save giaman na tingting bilong mi i kamap witnes long mi insait long Holi Spirit. ² Olsem na mi gat bikpela sori na pen i no save pinis insait long bel bilong mi. ³ Long wanem, mi gat laik olsem mi yet bai kisim bagarap na bai stap autsait long Krais long gutpela bilong ol brata bilong mi, husat ol wanlain bilong mi long sait bilong bodi. ⁴ Em ol lain Israil. Ol i gat pasin bilong papa i kisim ol bek, na ol i gat glori na ol i gat kontrak na ol i gat presen bilong lo na ol i gat pasin bilong lotu long God na ol i gat ol promis. ⁵ Long tumbuna lain bilong ol tasol Krais i kam kamap man, em yet em God antap long olgeta samting. Litimapim nem bilong em oltaim oltaim. Amen. ⁶ Tasol, i no olsem ol promis bilong God i no kamap. Long wanem, i no olgeta lain long Israil em ol i lain bilong Israil. ⁷ Na tu, i no olgeta tumbuna bilong Abraham, em ol i pikinini tru bilong em. Tasol, "Em long Aisak tasol bai ol tumbuna bilong yupela i kisim dispela singaut." ⁸ Dispela i olsem, ol pikinini long bodi, em ol i no pikinini bilong God. Tasol, ol pikinini bilong promis, em ol i kamap olsem tumbuna bilong Abraham. ⁹ Long wanem, dispela em i tok bilong promis olsem. "Long dispela wankain taim, bai mi kam na givim wanpela pikinini man long Sera." ¹⁰ I no dispela tasol. Nogat. Bihain Rebeka i gat bel long wanpela man tasol em dispela man, papa bilong yumi, Aisak. ¹¹ Long wanem, ol pikinini i no kamap yet na i no bin mekim ol pasin nogut na gutpela pasin, olsem na olgeta tingting bilong God long laik bilong em yet i ken stap na i no long ol pasin bilong ol dispela lain, tasol long dispela man husat i bin singautim ol long en. ¹² Long wanem, tok i bin i go pinis long Rebeka olsem, "Bikpela brata bai i mekim wok bilong liklik brata." ¹³ Dispela em i wankain olsem rait i bin stap pinis, "Jekop em mi laikim, tasol mi no laikim Iso." ¹⁴ Olsem na bai yumi tok wanem? I nogat stretpela pasin i stap long God? Em bai i no olsem. Nogat. ¹⁵ Long wanem, em i tokim Moses olsem, "Mi bai marimari long husat mi laik marimari long em, na mi bai bel sori long husat mi laik bel sori long em." ¹⁶ Olsem na i no bilong husat i laikim long en, o husat i laik ran long en, tasol em long laik bilong God yet em i soim marimari. ¹⁷ Long wanem, hap tok bilong rait i tok long Fero olsem, "Long dispela as tingting tasol mi makim yu, olsem na bai mi soim ples klia pawa bilong mi long yu, olsem na ol bai i tokaut long nem bilong mi long olgeta hap graun." ¹⁸ Olsem na God i save marimari long man long laik bilong em yet, na em i strongim bel bilong ol lain long laik bilong em yet. ¹⁹ Yupela bai i tok olsem long mi, "Long wanem as na em i wok long painim asua long mipela? Na husait tru bai i nap long bihainim laik bilong em?" ²⁰ Long narapela sait yupela ol man, yupela husat na yupela bekim tok bilong God? Bai sospen graun i tokim man i wokim sospen graun olsem, "Bilong wanem yu mekim mi i kamap olsem?" ²¹ Ating man bilong wokim sospen graun, em i nogat namba antap long dispela sospen graun long mekim wanem samting em i laik wokim? Na ating em i nogat namba long kisim dispela graun na wokim sospen bilong yusim long ol de bilong bikpela bung, na em i ken wokim sospen bilong yusim long olgeta de nating? ²² Sapos God i laik soim belhat bilong em na putim ples klia pawa bilong en, em i stap isi tru na i no soim belhat bilong en hariap, ol belhat em i redim bilong bikpela bagarap? ²³ Sapos em i mekim olsem long soim ples klia olgeta gutpela bilong em insait long glori bilong em antap long ol sospen bilong marimari, em redim pastaim bilong dispela glori? ²⁴ Bai olsem wanem sapos em i mekim dispela long yumi, husat em i bin singautim pinis, i no yumi ol lain namel long ol Juda tasol. Nogat. Namel long ol arapela lain tu? ²⁵ Olsem em i tok long buk bilong Hosaia, "Mi bai singautim ol lain pipol bilong mi, bipo ol i no bin stap lain bilong mi, ol lain pipol mi no bin laikim ol bipo mi bai laikim ol. ²⁶ Na bai i kamap long dispela ples em i tokim ol long en olsem, 'Yupela i no lain bilong mi,' long dispela hap, em bai kolim ol olsem, 'yupela ol pikinini man bilong God i stap laip."' ²⁷ Aisaia i bin singaut long ol Israil na tok olsem, " Maski ol lain pikinini bilong Israel i olsem wasan long nambis bilong solwara, ol liklik lain tasol bai God i kisim bek ol. ²⁸ Long wanem, Bikpela bai i bagarapim ples graun na pinisim olgeta na em bai i no inap long wet. Nogat." ²⁹ Olsem Aisaia i bin tok pastaim, "Sapos Bikpela antap tru i bin larim sampela tumbuna bilong yumi i stap yet, bai yumi kamap wankain olsem ol Gomora." ³⁰ Bai yumi tok wanem nau? Ol arapela lain i no bihainim stretpela pasin, nau ol i kisim stretpela pasin, em i pasin insait long bilip. ³¹ Tasol ol Israil i bin bihainim lo long kisim stretpela pasin, tasol i no kamap long dispela mak. ³² Long wanem as? Long dispela as, ol i no bihainim pasin bilong bilip, tasol ol i bihainim pasin bilong mekim wok. Ol i pundaun antap long ol ston bilong pundaun. ³³ Olsem tok i bin stap pinis, "Lukim, antap long Sion mi putim wanpela ston bilong pundaunim na ston bai mekim ol pundaun. Husat i bilip long em, bai em i no i nap long kisim sem."