16 ¹ Mi putim yupela i go long Pibi, em susa bilong yumi na em i wokmeri bilong sios i stap long Sensria, ² olsem na bai yupela i kisim em insait long nem bilong Bikpela taim em i kam long yupela. Mekim olsem bihainim pasin bilong ol bilip lain na helpim em long wanem rot yupela inap long helpim em. Long wanem, em i kamap meri bilong helpim ol arapela lain na long mi tu. ³ Givim tok gude bilong mi i go long Prisila na Akwila, tupela wanwok bilong mi insait long nem bilong Krais Jisas, ⁴ tupela klostu long lusim laip bilong ol long helpim mi. Mi tok tenkyu long tupela na ino mi tasol, nogat, olgeta sios bilong ol arapela lain tu i tok tenkyu long tupela. ⁵ Givim tok gude tu i go long sios i stap insait long haus bilong ol. Givim tok gude i go long Epaenetus, em i brata tru bilong mi, na em i nambawan pikinini kaikai long Esia insait long Krais. ⁶ Givim tok gude i go long Maria, em i bin mekim hat wok long yupela. ⁷ Givim tok gude tu i go long Endronikas na Junias tupela wanlain bilong mi, tupela i stap kalabus wantaim mi. Tupela i nambawan namel long ol aposol na tupela i bin stap insait long Krais pastaim long mi. ⁸ Givim tok gude tu i go long Empliatus, em brata tru bilong mi insait long Bikpela. ⁹ Givim tok gude i go long Urbanus, em i wanwok bilong yumi insait long Krais na tu long Stasis, em tu i brata tru bilong mi. ¹⁰ Givim tok gude i go long Apeles, husait i gat nem insait long Krais. Givim tok gude tu i go long ol lain bilong Aristobulus. ¹¹ Givim tok gude i go long Herodion, em i wanlain bilong mi. Givim tok gude tu i go long ol lain bilong Narsisus, em ol lain i stap insait long Bikpela. ¹² Givim tok gude i go long Traifaena na Traifosa, tupela i wok hat insait long Bikpela. Givim tok gude tu long Persis, em brata tru bilong mi, husait i wok hat tru insait long Bikpela. ¹³ Givim tok gude long Rufus, husait Bikpela i makim em pinis na tu long mama bilong em na mama bilong mi. ¹⁴ Givim tok gude tu long Asinkritus, Flegon na Ermes na Patrobas na Ermas na ol brata i stap wantaim ol. ¹⁵ Givim tok gude long Filologus na Julia na Nereus na susa bilong em na Olimpas na olgeta bilip lain i stap wantaim ol. ¹⁶ Gude long wanpela arapela wantaim kis. Olgeta sios bilong Krais i givim gude long yupela. ¹⁷ Nau mi tok strong long yupela ol brata long tingting long ol lain husait i kamapim bruk namel long yupela na i mekim bai yupela i pundaun. Ol i go abrusim mak bilong skul tokl yupela i bin kisim pinis.Yupela givim baksait long ol. ¹⁸ Long wanem, ol kain lain olsem, ol i no mekim wok bilong Bikpela bilong yumi Krais, tasol ol i mekim wok bilong bel bilong ol yet. Wantaim naispela na gutpela toktok bilong ol, ol i giamanim tingting bilong ol manmeri husait i no klia. ¹⁹ Long wanem, ol pasin bilong yupela i save harim tok na bihainim i kamap ples klia long olgeta lain. Mi i gat bikpela amamas tru long yupela, tasol mi laik bai yupela i gat gutpela tingting na save long ol samting i gutpela na noken i gat tingting long samting i nogut. ²⁰ Bel isi bilong God bai klostu krungutim Satan aninit long lek bilong yupela. Marimari bilong Bikpela bilong yumi Jisas Krais bai i stap wantaim yupela. ²¹ Timoti, wanwok bilong mi i givim gude long yupela na Lukius na Jeison na Sosipata, em ol wan lain bilong mi tu, ol i givim gude long yupela. ²² Mi yet Tertius, i raitim dispela pas i go daun, mi givim gude long yupela insait long nem bilong Bikpela. ²³ Gaius, husait i lukautim mi na olgeta lain long sios i givim gude long yupela. ²⁴ undefined ²⁵ Glori i go long God, em inap long mekim yupela i sanap strong long bihainim gutnius mi autim bilong Jisas Krais. Dispela gutnius i bin i stap hait long taim bipo, ²⁶ tasol nau em i kamap ples klia na insait long ol rait bilong ol profet i kamap ples klia long olgeta manmeri bilong ples. Dispela tok i kam long God husait i stap oltaim, long wanem, bai yupela i ken bihainim pasin bilong bilip. ²⁷ Na long Bikpela God, insait long Jisas Krais, glori i stap wantaim em oltaim oltaim. I tru.