6 ¹ Mi bin lukim taim pikinini sipsip i opim wanpela bilong ol 7-pela buk, na mi harim wanpela bilong ol 4-pela wel enimol i singaut olsem klaut i pairap na i tok olsem,"Kam!" ² Mi lukluk long hap wanpela waitpela hos i stap. Man i sindaun antap long dispela hos i holim bunara na ol i givim em hat bilong king.Em i kam aut olsem win man bilong pait na redi long winim pait. ³ Taim pikinini sipsip i opim namba tu buk,mi harim namba 2 wel abus i tok olsem, "Kam!" ⁴ Bihain long dispela, narapela hos we i ret olsem paia i lait, i kam aut.Man i sindaun antap long dispela hos i bin kisim tok orait long rausim bel isi long ples graun,bai ol manmeri i ken kilim ol yet i go i kam. Long dispela man i sindaun antap long dispela hos, ol i givim em 1-pela bikpela bainat. ⁵ Taim pikinini sipsip i opim namba 3 buk, mi harim namba 3 wel enimol i tok olsem, "Kam!" Mi lukim bilakkpela hos na man i sindaun antap long em i holim skel long han bilong em. ⁶ Mi harim wanpela maus namel long ol 4 - pela wel abus tok olsem, " Pei bilong wok long wanpela de, em inap long 1-pela kilo bilong wit, na pei bilong wok long wanpela de, em inap long 3-pela kilo bilong bali. Tasol i noken bagarapim oil na wain. ⁷ Taim pikinini sipsip i opim namba 4 buk, mi harim maus bilong namba 4 wel abus i tok olsem, "Kam!". ⁸ Bihain long dispela, mi lukim wanpela hos i no gat planti kala. Man i sindaun antap long dispela hos nem bilong em Dai, na ples bilong ol man i dai pinis i wok long bihainim em.Ol i givim namba long bosim wanpela bilong 4- pela hap long ples graun, bai ol i ken kilim i dai ol manmeri wantaim bainat, na wantaim bikpela hangre na kainkain sik nogut, na wantaim ol wel abus bilong graun. ⁹ Taim pikinini sipsip i opim namba 5 buk, mi lukim aninit long alta, ol sol bilong ol man husait ol i bin killim i dai, bilong wanem ol i bin autim tok bilong God na ol i gat gutpela testamoni. ¹⁰  Ol i krai na singaut wantaim na tok, "Man husait i bosim olgeta samting, yu holi na tru olgeta, amas taim i stap yet long yu bai kam na skelim pasin bilong ol manmeri i stap long graun na givim pei long ol man i bin kilim mipela?" ¹¹  Bihain ol i bin givim wanpela waitpela longpela klos long wan wan man, na ol i bin tokim ol bai ol i mas weit liklik taim inap ol man i kilim olgeta wanwok wantaim ol brata na sista bilong ol, olsem ol i bin kilim ol bipo. ¹²  Taim pikinini sipsip i opim namba 6 buk, mi lukluk i stap na bikpela guria i kamap. San i kamap blek olsem blekpela klos na mun i kamap olsem blut. ¹³  Ol sta bilong heven i pundaun i kam daun long ples graun, wankain olsem pikinini bilong diwai fig we i no redi long em i pudaun taim stronpela win i kirap na mekim nois. ¹⁴  Skai i lus nating olsem ol i rolim wanpela mat. Na olgeta maunten na ailan ol i lusim ples we ol stap long em na go pinis. ¹⁵  Bihain long dispela,ol king bilong graun na ol manmeri i gat namba, na ol ofisa bilong ol ami, na ol man i gat planti kago, na ol strongpela man, na olgeta arapela man meri, ol wokboi nating na fri man. Dispela ol lain i hait insait long hul bilong ol ston na namel long ol bikpela ston bilong ol maunten. ¹⁶  Na dispela ol lain i tok long ol maunten na ol ston, "Pundaun antap long mipela! Haitim mipela long feis bilong man husait i sindaun long sia king, na long belhat bilong pikinini sipsip. ¹⁷  Long wanem, bikpela de bilong belhat bilong ol i kam pinis. Husait bai inap long sanap strong?"