1 Preisim God Yawe. Singim niupela song i go long God Yawe, singsing na liptimapim God Yawe long bung bilong ol lain i holim tru bilip. 2 Larim Israel i amamas long God wanpela husait i mekim ol na Larim ol manmeri bilong Sion i ken amamas long king bilong ol. 3 Larim ol danis na litimapim nem bilong em, larim ol singsing na litimapim em wantaim tambarin na gita. 4 Long wanem God Yawe save belgut long ol pipol bilong en na em i save apim lain husait i daunim ol yet wantaim helpim bilong em. 5 Larim ol lain bilong God i amamas bilong wanem ol i win na larim ol amamas na singsing long bet bilong ol. 6 Larim amamas bilong liptimapim God Yawe i ken stap long maus bilong ol na bainet i gat sap long tupela sait long han bilong ol 7 long go het na bekim bek long ol kantri na mekim save long ol manmeri. 8 Ol bai pasim ol king bilong ol wantaim sein na ol bikman i gat gutpela nem wantaim stronpela ain sein. 9 Ol bai inapim tok jas ol raitim na stap pinis. Dispela em bai amamasim ol lain i holim tru bilip, liptimapim God Yawe.