1 Long yu mi litimapim ai bilong mi, igo long yu husait i sindaun long sia king long heven. 2 Lukim, olsem ai bilong wokman i save lukluk long han bilong masta bilong em na ai bilong wokmeri i save lukluk long han bilong bosmeri, olsem tasol ai bilong mipela bai i lukluk igo long God Yawe inap em i marimari long mipela. 3 Mari mari long mipela God Yawe, marimari long mipela bilong wanem mipela i pulap long bikpela sem tru. 4 Mipela inap na pulap tru long ol tok bilas i kam long ol man husait i birua na apim skin tumas.