1 Mi bai i lukluk i go long ol maunten. Bai helpim bilong mi i kam long we? 2 Helpim bilong mi i kam long God Yawe, husait i wokim heven na graun. 3 Em bai i no inap larim lek bilong yu i wel, em dispela man husait i save lukautim yu bai i no inap slip. 4 Lukim, wasman bilong Israel i no save slip. 5 God Yawe em i wasman bilong yu na God Yawe em i ples bilong kisim kolwin long han sut bilong yu. 6 San bai i no inap bagarapim yu long de na mun long nait. 7 God Yawe bai i lukautim yu long olgeta bagarap na em bai i lukautim laif bilong yu gut. 8 God Yawe bai i lukautim yu long olgeta samting yu mekim nau na oltaim oltaim.