¹ Meri i gat gutpela tingting i save stretim haus bilong em yet, tasol meri i no gat gutpela tingting i save bagarapim haus long pasin bilong em yet. ² Man i wokabaut long stretpela pasin i gat pret long God Yawe, tasol man husait i no gat stretpela pasin em i save lukluk daun long em. ³ Long maus bilong longlong man em i save mekim toktok bilong apim em yet, tasol maus bilong man i gat gutpela tingting i save lukautim gut maus bilong em. ⁴ Ples i no gat bulmakau i stap dis bilong kaikai em i klin, tasol planti kaikai bai i kamap long strong bilong bulmakau i save brukim graun. ⁵ Ol stretpela man i no save giaman, tasol man bilong giaman em i save mekim planti giaman tok. ⁶ Man bilong tok pilai planti i painim gutpela tingting na i no gat, tasol gutpela save bai kam isi tru long man i tingting gut na mekim samting. ⁷ Olsem na stap longwe long kain longlong man, bilong wanem yu no inap painim gutpela save long maus bilong em. ⁸ Gutpela tingting bilong man i save tingting gut na mekim samting i save long tok em yet i mekim, tasol pasin nogut bilong man husat i no save tingting gut em i save bagarapim em yet. ⁹ Ol long long man i save lap planti taim narapela man i mekim ofa bilong lusim sin, tasol long namel bilong ol bilip man pasin bilong laikim i stap namel ol. ¹⁰ Bel bilong man i save tru long pein bilong em yet na nogat wanpela man bai i stap amamas wantaim. ¹¹ Ol haus bilong ol bikhet manmeri bai i bagarap olgeta, tasol haus sel bilong bilip manmeri bai i pulap tru long planti kaikai. ¹² I gat wanpela rot i olsem stret long man i bihainim, tasol arere bilong dispela rot i bilong dai tasol. ¹³ Bel bilong man i ken lap tasol em bai pilim pein insait yet na arere bilong amamas bai tanim olsem wari na sori . ¹⁴ Long man husait i no bilip tru bai kisim inap long wanem pasin bilong em, tasol gutpela man bai i kisim stret wanem em i bilong em yet. ¹⁵ Tasol man husait i save stap isi i wanbel long olgeta samting, tasol man bilong tingting gut bai tingting pastaim na wokabaut. ¹⁶ Na man i gat gutpela tingting bai i pret na i go longwe long pasin nogut, tasol longlong man bai i save yet na sakim olgeta tok lukaut. ¹⁷ Man husait i kwiktaim kisim belhat i save kamapim planti longlong pasin na man husait i mekim planti pasin nogut ol manmeri i no save laikim em. ¹⁸ Ol man i save stap isi bai kamap olsem longlong man, tasol ol manmeri i gat gutpela tingting i pulap long gutpela save. ¹⁹ Ol man nogut bai i brukim skru long ol gutpela man na man i gat bikhet pasin bai brukim skru long dua bilong stretpela man. ²⁰ Man i no gat wanpela samting ol wantok bilong em i no save laikim em, tasol man i gat planti samting i kamap pren bilong planti manmeri. ²¹ Man husait i soim pasin bilong daunim ol wantok bilong em yet i mekim sin, tasol husait i save soim pasin bilong laikim ol rabisman i ken amamas. ²² I no inap ol lain husait i tingting long wokim pasin nogut i go nambaut? Tasol ol lain husait i tingting long mekim gutpela pasin bai kisim kontrak bilong bilip tru na mekim stretpela pasin olgeta. ²³ Wantaim olgeta hatwok i gat pei i stap, tasol taim yu toktok tasol, long dispela ples i gat bikpela hangre. ²⁴ Na waitpela gras long het bilong ol man i gat gutpela tingting i olsem kago bilong ol, tasol pasin nogut bilong longlong man i save mekim nogut long ol moa yet. ²⁵ Trupela man bilong tokaut i save helpim ol man i stap laip, tasol man bilong giaman i tokaut long planti giaman tasol. ²⁶ Taim man i pret long God Yawe, em i kisim planti strong long God, ol dispela samting bai i kamap olsem strongpela ples i gat banis bilong lukautim ol pikinini bilong dispela man tu. ²⁷ Ol man i gat pret long God Yawe i olsem wara bilong laip, olsem na dispela man inap givim baksait long rot bilong ol daiman. ²⁸ Bikpela strong bilong king i stap long bikpela namba bilong ol manmeri bilong em, tasol taim em i no gat manmeri bai pikinini bilong king i bagarap olgeta. ²⁹ Man bilong stap isi tru i gat planti save tru, tasol pasin bilong belhat kwik i olsem man i apim em yet long pasin nogut. ³⁰ Ol stretpela pasin i stap long bel bilong man i givim laip long bodi, tasol aigris na mangal i mekim ol bun i sting na nogat strong. ³¹ Na man husait i daunim ol rabisman i tok nogut long man i wokim em, tasol man husait i soim pasin bilong laikim ol lain i nogat samting i givim biknem long em. ³² Ol bikhet man i kisim bagarap long ol pasin nogut ol yet i mekim, tasol stretpela man i kisim laip gen maski em i dai. ³³ Gutpela tingting i stap insait long bel bilong man husait i save tingting na skelim gut, tasol insait long ol longlong man em i save kamap ples klia bai ol i save long en. ³⁴ Man wokim wanem stretpela pasin i save apim nem bilong kantri, tasol pasin nogut i save givim sem na daunim planti manmeri. ³⁵ Long laikim bilong king i stap wantaim ol wokman husait i gat pasin bilong tingting gut, tasol belhat bilong em i stap long man i mekim sem pasin.