1 ¹ Pol na Timoti, tupela i wokman bilong Kraist Jisas, na ol dispela manmeri wei ol i makim ol yet insait long Kraist Jisas husait ol i stap long Filipai, wantaim ol hetman na diken bilong sios. ² Marimari i stap wantaim yupela na bel isi bilong God papa bilong yumi na Bikpela Jisas Kraist. ³ Mi tenkyu long God bilong mi long olgeta taim mi tingim yupela, ⁴ na olgeta taim long olgeta prea bilong mi long yupela olgeta, mi save prea wantaim hamamas. ⁵ Mi givim tok hamamas long lotu bilong yupela insait long gutnius long namba wan dei i kam inap long nau. ⁶ Mi gat strongpela tingting long dispela wanpela samting olsem, husait man i statim gutpela wok insait long yupela bai i mekim i go moa yet na pinis inap long dei bilong Jisas Kraist. ⁷ Mi save amamas long yupela olgeta long wanem mi laikim yupela tumas na yupela olgeta i stap insait long bel bilong mi. Yupela olgeta i wan wok bilong mi insait long marimari long taim mi stap insait long kalabus na long taim mi stap autsait na tokaut long gutnius. ⁸ God em i witnes bilong mi, long wanem mi laikim tru yupela, wantaim bel sori bilong Kraist Jisas. ⁹ Mi prea long yupela olsem, bai laikim bilong yupela long ol narapela i ken kamap bikpela moa na moa insait long olgeta save. ¹⁰ Mi prea long dispela long wanem bai yupela i tok orait long wanem samting em i stretpela, na ol gutpela pasin na bai yupela i nogat asua long dei bilong Kraist. ¹¹ Mi prea tu olsem bai yupela i pulap wantaim ol kaikai bilong stretpela pasin wei em i kam long Jisas Kraist, long glori na biknem bilong God. ¹² Mi laikim yupela ol brata long save wanem samting i bin kamap long mi, em i helpim long karim gutnius i go moa na planti manmeri i save long gutnius. ¹³ Long dispela, olgeta soldia na manmeri long Rom i save olsem mi wanpela kalabus man wei mi save tokaut long gutnius bilong Jisas Kraist. ¹⁴ Olgeta brata i gat moa strong insait long Bikpela long wanem mi stap long kalabus, na ol i gat strong na i no pret long tokaut long tok tru. ¹⁵ Sampela ol i tokaut long Kraist long wanem ol i bel nogut na belhat, na ol narapela i tokaut long Kraist wantaim gutpela bel. ¹⁶ Husait ol i tokaut wantaim gutpela bel em ol i namba tu lain wei ol i save olsem, Pol i stap long kamap banis bilong gutnius. ¹⁷ Tasol ol lain i tokaut long Kraist long namba wan taim i tok aut wantaim ol gridi pasin, na i no wantaim gutpela bel. Ol i ting ol i bai mekim Pol i no amamas taim em i stap long kalabus. ¹⁸ Olsem wanem? long dispela rot insait long giaman o insait long tok tru, ol i tokaut long Kraist na long dispela mi hamamas. Yes, na bai mi hamamas, ¹⁹ long dispela tasol mi save olsem bai mi go fri insait long prea bilong yupela na helpim bilong Spirit bilong Jisas Kraist. ²⁰ Em i olsem as tingting bilong mi na sampela samting wei mi tingim olsem bai mi no inap long sem tru, na tu wantaim olgeta strong long olgeta taim, Kraist bai i go antap moa insait long bodi bilong mi, taim mi istap laip o mi dai. ²¹ Bilong mi long stap laip em i Kraist na long dai em bai mi kisim prais. ²² Tasol sapos mi laik stap laip insait long bodi, orait em i gutpela wok bilong mi. Tasol bai mi skelim wanem rot? Mi no save. ²³ Tasol mi stap namel long dai o laip. Bikpela laik bilong mi em long i go na stap wantaim Kraist, wei em i gutpela stret, ²⁴ tasol long stap wantaim bodi em i gutpela,em long gutpela bilong yu. ²⁵ Wantaim strongpela bilip long dispela, mi save olsem bai mi stap yet na wok i go yet wantaim yupela olgeta, na amamas insait long bilip. ²⁶ olsem na insait long mi bai yupela i ken i gat bikpela as long hamamas insait long Kraist Jisas taim mi kam bek gen long yupela. ²⁷ Mekim yupela yet i kam man bilong bihanim stret gutnius bilong Jisas, olsem na taim mi kam long lukim yu o taim mi no stap , bai mi harim stori, olsem yu stap strong insait long wanpela spirit, wantaim wanpela tingting long wok strong long strongim wok bilong gutnius. ²⁸ Noken pret long ol dispela lain husait ol i stap birua wantaim yu. Dispela em i mak bilong ol long kisim bikpela bagarap, tasol long yu God i kisim bek yu, na em i kam long God. ²⁹ Em i bin tok orait long yu long nem bilong Kraist, i no bilong bilip nating long em, tasol yu mas i go insait long bikpela pen na hevi long nem bilong em, ³⁰ wantaim wankain kros na pait olsem yu lukim long mi, na nau yu harim long mi.