1 ¹ Pol, mi kalabus man long nem bilong Kraist Jisas, na brata Timoti na i go long Pilimon,em ol gutpela poroman na wanwok bilong yumi, ² na long Apia em wanpela sista, bilong yumi na long Akipus em i wanpela soldia, bilong yumi na long sios yumi bin bung long ples bilong yu. ³ Larim marimari na bel isi bilong God Papa bilong yumi na Bikpela Jisas Kraist i stap wantaim yupela. ⁴ Olsem na olgeta taim mi save tok tenkyu long God. Na prea long yupela insait long prea bilong mi. ⁵ Mi bin harim olsem laikim na bilip bilong yupela i gat insait long Bikpela Jisas Krais na olgeta bilip manmeri. ⁶ Mi prea olsem bung wantaim na lotu na bilip bilong yupela ken kamap strong na bai yupela i save long olgeta gutpela samting insait long Kraist. ⁷ Brata, mi i gat bikpela amamas na pilim orait long wanem, long laikim bilong yu na bel bilong olgeta bilip manmeri i bin givim gutpela tingting long mi. ⁸ Olsem; na maski mi i gat olgeta strong insait long Kraist long givim tok long yu long wanem samting yu inap mekim, ⁹ tasol long pasin bilong laikim, mi tok gen long yupela olsem. Mi Pol, mi lapun pinis, na nau mi stap long kalabus long nem bilong Kraist Jisas. ¹⁰ Nau mi askim yu long pikinini bilong mi Onesimus, husait mi bin lukautim taim mi stap long kalabus. ¹¹ Sampela taim em i save bikhet long yu, tasol nau em i stap gutpela long yu na long mi. ¹² Mi bin salim em go bek long yu, husait em i bel tru bilong mi. ¹³ Mi laik olsem em bai wok wantaim mi, olsem na bihan em bai helpim yu, taim mi stap yet long kalabus long nem bilong gutnius. ¹⁴ Tasol mi no laik mekim wanpela samting wei yu i no inap long wanbel. Mi no laikim gutpela samting yu mekim,tasol mi laikim ol gutpela samting i kam long bel bilong yu. ¹⁵ I luk olsem long dispela as em i no bin stap wantaim yu long wanpela taim, em olsem na yu tingting long kisim em kam bek long yu oltaim. ¹⁶ I no long taim em bai kamap wokboi nating, tasol wanem i winim wokboi nating, em olsem em gutpela brata. Mi laikim em tumas na wankain moa long yupela, insait long bodi na insait long Bikpela. ¹⁷ Em olsem na sapos yu, kisim mi olsem poroman bilong yu, orait kisim em wankain olsem yupela i mekim long mi. ¹⁸ Sapos em i mekim rong long yu o kisim ol dinau, orait tokim mi long peim ol samting bilong yu. ¹⁹ Mi Pol, mi raitim dispela long han bilong mi yet.Bai mi peim na bekim dinau bilong yu.I no olsem mi tok, yu yet i gat dinau long mi! ²⁰ Em tru brata bilong mi, inap yu mekim wanpela samting long bikpela. Givim malolo long bel bilong mi insait long Kraist. ²¹ Mi gat strong olsem bai yu harim tok bilong mi, mi bin raitim long yu. Mi save olsem yu bai mekim planti samting moa inap long winim ol samting mi askim. ²² Long wankain taim, redim wanpela rum bilong mi.Long wanem,luk olsem prea bilong yupela mekim na bai mi kam bek gen long yupela. ²³ Epapras, poroman bilong mi insait long kalabus, long nem bilong Kraist Jisas mi amamas long yu. ²⁴ Olsem tasol long Mak, Aritakus, Demas, na Luk, em ol wokman bilong mi. ²⁵ Larim marimari bilong bikpela Jisas Kraist bai i stap wantaim yupela insait long spirit. I tru.