1 ¹ Dispela em i driman bilong Obadia, Bikpela God Yawe i toktok long ol Idom. Mipela harim toksave long God Yawe na wokman bilong makim maus bilong kantri i go namel long ol kantri na i tok, "Kirap na yumi statim pait long dispela meri!" ² Harim, mi bai mekim yu kamap liklik namel long ol narapela kantri na olgeta lain bai i lukdaun long yu. ³ Biknem bilong bel bilong yu i giamanim yu, olsem na man husait yu wokim haus bilong yu antap long ston na yu tok long bel bilong yu olsem, "Husait man inap long putim mi i kam daun long graun?" ⁴ God Yawe i tok, maski yu flai antap olsem tarangau na yu mekim haus bilong yu namel long ol sta, mi bai kisim yu i kam daun long dispela hap. ⁵ Sapos ol stilman i kam long yu long nait, olsem wanem bai ol i bagarapim yu! Ating bai ol stilim ol samting ol i laikim na ol narapela samting tu? Sapos man bilong pikim wain i kam long yu, ating ol i no inap larim wanpela wain i stap long yu pikim gen? ⁶ Olsem Iso, ol i bin painim ol gutpela samting em i bin haitim long en na bai putim kam ples klia! ⁷ Olgeta man long ami bilong yu bai salim yu i go long mak bilong pait. Ol man husait i stap bel isi wantaim yu i bin giamanim yu na bosim yu. Ol man husait i bin kaikai bret wantaim yu bai putim yu long han bilong birua. Ol bai tok yu nogat save bilong yu. ⁸ God Yawe i tok, " Ating long dispela taim bai mi i no inap bagarapim ol man i gat gutpela tingting long ples Idom na bai mi rausim gutpela save long maunten bilong Iso. ⁹ Olgeta strongpela man bilong yu long Teman, ol bai pret olsem na ol bai kilim olgeta man long maunten bilong Iso na pinisim olgeta. ¹⁰ Sem bai karamapim yu na bai yu i stap bagarap oltaim, long wanem yu i bin mekim nogut long Jekop, brata bilong yu. ¹¹ Long dispela taim, yu sanap tasol na lukluk i stap na ol man yu i no save long ol i kisim ol gutpela samting i go na ol man bilong narapela ples i kam insait long geit na skelim ol planti samting long Jerusalem. Yu i olsem wanpela bilong ol. ¹² Tasol noken tingim bek taim nogut bilong brata bilong yu, taim em i no i bin i stap gut. Noken amamas long ol manmeri bilong Juda taim ol i kisim bagarap. Noken apim yu yet taim ol i stap long pen na sori. ¹³ Noken kam insait long geit bilong ol manmeri bilong mi, taim ol i kisim bagarap, noken tingim bek taim nogut taim ol i kisim bagarap na noken stilim ol gutpela taim olgeta samting bilong i bagarap. ¹⁴ Noken sanap long namel rot na holim ol man i laik ronowe. Noken kisim ol man i stap yet na givim i go long han bilong birua taim ol i stap long pen na wari. ¹⁵ Taim bai kamap God Yawe bai mekim save long olgeta kantri. Wanem bagarap yu i bin mekim long narapela bai yu kisim wankain bagarap. Ol pasin nogut yu mekim long narapela bai kamap long yu yet. ¹⁶ Em bai olsem yu i bin dringim wara long holipela mauntain bilong mi , ol narapela kantri tu bai dring wara olgeta taim. Ol bai dring na daunim wara na em bai i no inap stap gen. ¹⁷ Tasol long maunten bilong Sion bai i gat ol lain i ronowe na em bai i stap stretpela ples. Ol tumbuna bilong Jekop bai winim na kisim bek dispela ples bilong ol . ¹⁸ God Yawe i tokaut, Ol tumbuna bilong Jekop na Josep i olsem paia na ol tumbuna bilong Iso i olsem skin bilong prut, paia bai kukim na bagarapim olgeta. Bai nogat wanpela tumbuna bilong Iso i stap laip. ¹⁹ Ol lain bilong Negef bai kisim maunten bilong Iso na ol lain bilong Sepela bai kisim graun bilong Filistia. Ol bai kisim graun bilong Efraim na Samaria na Bensamin bai kisim graun bilong Gilet. ²⁰ Ol lain bilong Israel ol i bin rausim ol long kantri bilong ol bai kisim graun bilong Kenan i go olgeta long Sarepat. Ol lain bilong Jerusalem ol i bin rausim ol long kantri bilong ol husat i stap long Separa bai kisim bikpela taun bilong Negef. ²¹ Olgeta man bilong win bai igo antap long maunten Saion bilong bosim olgeta hap ples maunten bilong Iso na mekim dispela i kamap kingdom bilong God Yawe.