3 ¹ Nau dispela em stori bilong ol lain tumbuna bilong Aron na Moses long taim God Yahweh i toktok wantaim Moses long mounten Sainai. ² Nem bilong ol lain pikinini bilong Aron i olsem, namba wan pikinini em Nadab, Abihu, Eleasar na Itamar. ³ Dispela em nem bilong ol pikinini bilong Aron, husait i bin kisim wokmak na tok orait long kamap pris. ⁴ Tasol taim ol i stap long ples drai long mauntain Sainai, Nadap na Abihu i wokim paia bilong smok smel bilong mekim ofa, taim God Yawe ino bin tokim tupela long mekim, olsem na em i kilim tupela, na Eleasar wantaim Itamar tasol i holim wok pris wantaim papa bilong tupela, Aron. ⁵ God Yawe i tokim Moses olsem, ⁶ "Kisim ol lain Livai i kam na givim pris Aron i stap prist yet na em i tok long kisim ol lain bilong Livai i kam long helpim em. ⁷ Ol i mas mekim wok long sel haus bilong mi na mekim wok long olgeta manmeri na long ol pris tu. ⁸ Ol i mas lukautim gut olgeta samting long sel haus bilong mi, na ol i mas helpim ol narapela lain Israil olsem mi bin tokim ol Israil long mekim. ⁹ Yu mas givim ol Livai i igo long ol pikinini man bilong ol em i givim ol olgeta long helpim ol man meri bilong Israil. ¹⁰ Yupela mas makim Aron na ol lain pikinini bilong em tasol long kamap pris, sapos arapela lain i kam, yupela i mas kilim ol i dai." ¹¹ God Yawe i tokim Moses olsem, ¹² "Lukim, mi kisim ol Livai namel long ol lain Israil na Mi mekim olsem long wanem, ino gutpela long Mi kisim ol namba wan pikinini man bilong ol Israil. Olsem na ol Livai em i bilong Mi. ¹³ Olgeta pikinini man em bilong mi. Taim mi kilim ol namba wan pikinini man bilong ol Isip, Mi redim ol namba wan pikinini man bilong ol Israel wantaim ol animal. Olgeta em i bilong Mi God Yawe." ¹⁴ God Yawe i toktok wantaim Moses long mounten Sanai. Em i tok, ¹⁵ "Kaunim olgeta lain tumbuna bilong Livai insait long wanwan famili insait long klen bilong ol na kaunim olgeta igat wan mun na igo inap long lapun." ¹⁶ Moses i kaunim ol manmeri i bihainim tok bilong God Yawe, olsem God Yawe i tokim em long mekim. ¹⁷ Nem bilong ol lain pikinini man bilong Livai em, Geson, Kohat na Merari. ¹⁸ Libni na Simei em ol pikinini ikam long klen bilong Geson papa bilong tupela. ¹⁹ Aram, Isar, Hebron na Usiel em ol pikinini ikam long klen bilong Kohat papa bilong ol. ²⁰ Mahli na Musi em ol pikinini ikam long klen bilong Merari papa bilong ol. Dispela ol klen i bihainim klen ikam long lain bilong ol Livai. ²¹ Klen bilong ol lain Libna na ol lain Simei em ikam long Geson. Dispela ol klen em i bilong ol lain Geson. ²² Namba bilong olgeta pikinini man bilong ol igat wan mun pinis na igo antap em inap long 7,500. ²³ Ol lain Geson i mas wokim kem bilong ol baksait long sel haus bilong God Yewa long hap san igo daun. ²⁴ Eliesap pikinini bilong Lel em i pesman bilong dispela klen bilong ol lain tumbuna bilong Geson. ²⁵ Ol famili bilong Geson i mas lukautim sel haus bilong God Yewa. Na ol i mas lukautim karamap bilong sel haus na lablab bilong keten bilong dua bilong sel haus. ²⁶ Ol i mas lukautim lablab bilong banis, i raunim ples tambu na alta wantaim sel haus na lablab bilong dua bilong banis, ol i mas lukautim olgeta rop bilong sel haus na bilong olgeta samting istap insait. ²⁷ Ol dispela 4pela lain i famili bilong Kohat. Em ol Amram, Ishar, na ol Hebron, na Usiel. ²⁸ Olgeta namba bilong pikinini man bilong ol igat wan mun pinis na igo, em inap long 8,600 ol i makim bilong lukautim ol samting bilong God Yawe. ²⁹ Dispela ol lain bilong Kohat i mas wokim kem long hap saut bilong sel haus. ³⁰ Na Elisafan pikinini man bilong Usiel em i pes man bilong ol lain Kohat. ³¹ Ol i mas lukautim bokis kontrak, tebol, stik lam, alta, na ol holi pela samting ol pris i save usim long rum tambu na lablab long rum tambu tru na ol i mas lukautim gut olgeta samting wantaim wok istap long en. ³² Eleasar, pikinini bilong pris Aron i mas pes man bilong ol na Aron em i pes man bilong ol Livai, em imas bosim dispela ol lain man i save lukautim wok insait long haus bilong God Yawe. ³³ Ol lain Merari igat tupela klen bilong ol, em ol lain Mali na ol Musi. ³⁴ Namba bilong olgeta lain man em inap long 6,200, na em long wan mun na igo lapun. ³⁵ Suriei pikinini bilong Abihail, em i pes man bilong dispela ol lain na ol i mas wokim kem long hap not bilong sel haus. ³⁶ Ol lain bilong Merari i gat wok bilong lukautim ol bun bilong sel haus na ol pos na ol bokis bilong sanapim pos na ol longpela plang samting bilong pasim pos na olgeta arapela samting bilong sel haus. Na ol i mas mekim wok bilong lukautim dispela ol samting ³⁷ olsem ol pos na ol bokis bilong sanapim pos bilong banis i raunim sel haus na ol longpela pin na ol baklain bilong taitim dispela banis. ³⁸ Moses na Aron wantaim ol lain pikinini man bilong Aron i mas sanapim ol sel haus bilong ol long ai bilong sel haus bilong God Yawe, long hap san kamap. Ol dispela lain tasol inap igo insait long rum tambu na mekim ol kain wok na ofa bilong helpim ol manmeri bilong Israil. Sapos wanpela man bilong arapela ples i kam klostu long ples tambu yupela mas kilim em i dai. ³⁹ Namba bilong olgeta man bilong olgeta lain biilong Livai em inap 22,000 ol kaunim olgeta man na olgeta pikinini man i winim wan mun pinis. Moses na Aron i bihinim tok bilong God Yawe na kaunim ol. ⁴⁰ God Yewa i tokim Moses olsem," Raitim nem bilong olgeta lain Israil em ol lain bilong mi, na kaunim olgeta pikinini man i gat wan mun igo inap long lapun. ⁴¹ Tasol bai mi senisim ol dispela man na larim ol istap na mi bai kisim ol Livai tasol, olsem ol lain bilong mi, na Mi God Yawe bai mi kisim ol namba wan pikinini bulmakau bilong ol Livai bilong senisim ol namba wan pikinini bulmakau bilong ol manmeri bilong Israel," ⁴² Olsem na Moses i kaunim olgeta namba wan pikinini bilong ol lain Israil olsem God Yawe i tokim em long mekim. ⁴³ Em i kisim nem bilong ol pikinini man na kaunim ol, pikinini wan mun na igo inap long lapun, em kaunim na namba bilong ol i olsem 22,273 man olgeta. ⁴⁴ God Yawe i singautim Moses gen, na i tok, ⁴⁵ "Nau yu mas givim Livai long Mi bilong senisim olgeta namba wan pikinini bilong ol Israil. Na bai ol Livai i ken istap lain bilong Mi stret. Na givim ol bulmakau bilong ol long Mi, na ol i kam na senisim ol namba wan pikinini bulmakau bilong ol Israil ol Livai i bilong mi God Yawe. ⁴⁶ Long baim bek wanwan bilong ol 273, namba wan pikinini bilong ol manmeri bilong Israil husait i aburusim ol namba bilong ol lain Livai. ⁴⁷ Yu mas usim sekel bilong haus tambu olsem mak bilong skelim hevi bilong ol samting. Wanpela sekel i wankain olsem 20gera. ⁴⁸ Na yu mas givim prais bilong baim bek samting yu bin baim pinis long Aron na pikinini man bilong en," ⁴⁹ Olsem na Moses i kisim olgeta pei bilong baim bek samting long lain husait i abrusim namba bilong ol lain bilong Livai i kism bek ol. ⁵⁰ Moses i kisim mani long ol namba wan pikinini bilong ol manmeri bilong Israil. Em bungim 1,365 sekel em hevi bilong ol i wankain olsem sekel bilong haus tambu. ⁵¹ Moses i bihinim olgeta tok God Yawe i tokim em long mekim, na em i kisim olgeta dispela mani bilong kisim bek ol na givim long Aron wantaim ol pikinini man bilong en.