1 ¹ God Yawe i tokim Moses insait long haus sel long ples wesan nating long Sanai. Dispela samting i kamap long namba wan de bilong namba tu mun insait long namba tu krismas bihain long taim ol Israel i kam aut pinis long graun bilong ol Isip. God Yawe i tok, ² ''Bungim na kaunim olgeta man bilong Israel long wanlain famili long nem bilong papa bilong ol. Kaunim ol long nem. Kaunim olgeta man, wan wan man ³ husait em i gat 20 krismas na i winim. kaunim ol man husait i ken pait olsem soldia bilong Israel. Yu wantaim Aron i mas kaunim namba bilong ol man i redi long pait. ⁴ Na yutupela i mas makim wanprla wanpela lida bilong wan wan lain long helpim yutupela long pait. ⁵ Dispela em ol nem bilong ol lida hausait bai i go pait wantaim yu. Long lain Reuben kisim, Elizur pikinini man bilong Sedeur. ⁶ long lain bilong Simion, yu ken kisim Selumiel pikinini man bilong Surisadai, ⁷ long lain Juda, yu ken kisim Nason pikinini man bilong Aminadap; ⁸ long lain bilong Isakar yu ken kisim Netanel, pikinini man bilong Suar; ⁹ long lain Sebulun yu ken kisim Eliap, pikinini man bilong Helon. ¹⁰ Na bilong lain Efram pikinini bilong Josep, Elisama pikinini man bilong Amihut; na long lain Manase, Gamaliel pikinini man bilong Pedasur. ¹¹ Long lain Benjamin, Abidan pikinini man bilong Gideoni. ¹² Long lain Dan, Ahieser pikinini man bilong Amisadai. ¹³ Long lain Aser, Pagiel pikinini man bilong Okran. ¹⁴ Long lain Gat, Eliasap pikinini man bilong Deul. ¹⁵ Long lain Naptali, Ahira pikinini man bilong Enan.'' ¹⁶ Dispela em ol man Mi makim namel long ol manmeri. Ol bai i kamap lida bilong wan wan lain bilong ol Israel. ¹⁷ Moses na Aron i kisim ol dispela man nem bilong ol i stap pinis. ¹⁸ Na wantaim ol dispela man ol man bilong Israel ol kam bung long de namba wan long namba tu mun. Bihain wan wan man i winim 20 krismas na i go antap ol i luksave long tumbuna bilong ol. Em i mas givim nem long wanwan lain na famili na ol tumbuna we ol i kam long en. ¹⁹ Bihain Moses i kisim namba bilong ol long taim em i stap long ples wesan nating long Sanai olsem God Yawe i bin tokim em long mekim. ²⁰ Long tumbuna bilong Ruben, namba wan pikinini bilong Israel, ol i kaunim wan wan nem bilong man i winim 20 krismas na inap long i go pait, ol i kaunim nem bilong ol long buk bilong ol lain tumbuna lain na famili bilong ol. ²¹ Ol i kaunim 46,500 man long lain bilong Ruben. ²² Long lain Simion ol i kaunim nem bilong ol wan wan na olgeta man i winim 20 krismas na inap long go pait, ol i kaunim nem bilong ol long buk bilong ol tumbuna lain na famili. ²³ Ol i kaunim olsem 59,300 man long lain Simion. ²⁴ Long lain Gad, ol i kaunim nem bilong ol wan wan na olgeta man i winim 20 krismas na inap long go long pait, ol i kaunim nem bilong ol long buk bilong ol tumbuna lain na famili. ²⁵ Ol i kaunim 45,650 long lain bilong Gad. ²⁶ Long lain Juda ol i kaunim nem bilong ol wan wan na olgeta man i winim 20 krismas na inap long go pait, ol i kaunim nem bilong ol long ol buk bilong lain tumbuna na famili. ²⁷ Ol i kaunim 74,600 man long lain bilong Juda. ²⁸ Long lain Isakai ol i kaunim nem bilong ol wan wan na olgeta man i winim 20 krismas na inap long go long pait, ol i kaunim nem bilong ol long buk bilong ol tumbuna lain na famili. ²⁹ Ol i kaunim 54,400 man long lain bilong Isakai. ³⁰ Long lain Sebulun ol i kaunim nem bilong ol wan wan na olgeta man i winim 20 krismas na inap long go pait, ol i kaunim nem bilong ol long buk bilong ol tumbuna lain na famili. ³¹ Ol i kaunim 57,400 man long lain bilong Sebulun. ³² Long lain Efram pikinini man bilong Josep, ol i kaunim nem bilong ol wam wan na olgeta man i winim 20 krismas na inap long go long pait, ol i kaunim nem bilong ol long buk bilong ol tumbuna lain na famili. ³³ Ol i kaunim 40,500 man long lain bilong Efram. ³⁴ Long lain Manase pikinini man bilong Josep ol i kaunim nem bilong ol wan wan na olgeta man i winim 20 krismas na inap long go long pait, ol i kaunim nem bilong ol long buk bilong ol tumbuna lain na famili. ³⁵ Ol i kaunim 32, 200 man long lain bilong Manase. ³⁶ Long lain Bejamin ol i kaunim nem bilong ol wan wan na olgeta man i winim 20 krismas na i go antap na inap long go long pait, ol i kaunim nem bilong ol long buk bilong ol tumbuna lain na famili. ³⁷ Ol i kaunim 35,400 man long lain bilong Benjamin. ³⁸ Long lain Dan ol i kaunim nem bilong ol wan wan na olgeta man i winim 20 krismas na i go antap na inap long go long pait , ol i kaunim nem bilong ol long buk bilong tumbuna lain na famili. ³⁹ Ol i kaunim 62,700 man long lain bilong Dan. ⁴⁰ Long lain Asa ol i kaunim nem bilong wan wan na olgeta man i winim 20 krismas na i go antap na inap long i go long pait, ol i kaunim nem bilong ol long buk bilong tumbuna lain na famili. ⁴¹ Ol i kaunim 41,500 man long lain Asa. ⁴² Long lain Naptali ol i kaunim nem bilong ol wan wan na olgeta man i winim 20 krismas na inap long i go pait, ol i kaunim nem bilong ol long buk bilong tumbuna lain na famili. ⁴³ Ol i kaunim 53,400 long lain bilong Naptali. ⁴⁴ Moses na Aron i kaunim olgeta dispela man wantaim 12- pela husait bai i lidim 12-pela lain bilong Israel. ⁴⁵ Olsem na olgeta man bilong Israel husait i winim 20 krismas na inap long pait, ol i kaunim wan wan famili bilong ol yet. ⁴⁶ Ol i kaunim 603,550 man. ⁴⁷ Tasol ol lain livai em ol i no kaunim ol, ⁴⁸ bilong wanem God Yawe i tokim Moses olesm, ⁴⁹ ''Yu no ken kaunim ol lain Livai o no ken bungim ol wantaim lain Israel. ⁵⁰ Nogat, yu mas givim ol Livai wok bilong bosim haus sel na ol tebol na sia samting i stap in sait long mekim wok long en. Na ol i mas sanapim haus sel bilong ol i raunim haus sel bilong Mi. ⁵¹ Taim yupela i laik rausim haus sel na i go long narapela ples, orait ol Livai tasol i mas rausim na long taim bilong wokim haus sel gen ol Livai tasol i mas wokim. Na sapos wanpela man i kam klostu long haus sel yupela i mas kilim em i dai. ⁵² Taim ol manmeri bilong Israel i wokim kamp, wan wan man i mas mekim klostu tru long kamp bilong ami bilong ol. ⁵³ Tasol, ol Livai i mas wokim haus sel bilong ol i raunim haus sel bilong kontrak na ol narapela i no ken mekim haus, olsem bai bel hat bilong Mi i no kam long yupela olgeta lain Israel. Livai tasol i mas lukautim ol samting in sait long haus sel.'' ⁵⁴ Ol Israel i wokim olgeta samting olsem God Yawe i bin tokim Moses.