8 ¹ Olgeta manmeri i kam bung wantaim long bikpela ples paslain long bikpela dua bilong Wara. Ol i askim Esra dispela saveman long kisim Lo Buk bilong Moses i kam, olsem God Yawe i bin tokim ol Israel long mekim. ² Long namba wan dei bilong namba 7-mun, Esra dispela pris em i kisim Lo i kam pastaim long ol manmeri i kam bung na olgeta manmeri husait inap harim na save. ³ Em i lukluk i go long bikpela ples long pes bilong bikpela dua bilong Wara na em i rit long moring taim tru i go inap long belo, pastaim long man na meri na husait bai save na olgeta manmeri i harim gut buk bilong Lo. ⁴ Orait Esra dispela saveman i sanap antap long diwai we ol man i bin mekim long em. Husait i sanap sait long en, em Matitia, Sema, Anaia, Uria, Hilkia na Maseia i stap long han sut na Pedaia, Misel, Makija, Hasum, Hasbadana, Sekeraia na Mesulam i sanap long han kais. ⁵ Esra i opim buk long ai bilong olgeta manmeri, long wanem em i bin sanap antap long olgeta manmeri na taim em i opim buk olgeta manmeri i kirap. ⁶ Esra i tok tenkyu long God Yawe, bikpela God na olgeta manmeri i apim han i go antap na ol i bekim, I tru! I tru!" Nau olgeta i brukim skru i go daun na lotuim God Yawe wantaim pes i go daun long graun. ⁷ Na Jesa, Bani, Serebia, Jamin, Akub, Sabeta, Odia, Maseia, Kelita, Asaria, Josabad, Hanan, Pelia bilong Livai i helpim ol manmeri i save long Lo, tasol ol manmeri i stap yet long ples bilong ol. ⁸ Ol i ritim long buk, em Lo bilong God na tok klia long mekim klia na givim tok hait tok long ol manmeri i ken ritim na save. ⁹ Nehemaia em i gavana na Esra em pris ol lain bilong raitim Lo na Livai i save tanim tok long ol manmeri na toktok long olgeta lain, "Dispela dei em i holi long God Yawe God bilong yu. No ken wari o krai." Na olgeta manmeri i krai taim ol i harim tok bilong Lo. ¹⁰ Orait Nehemaia i tokim em, " Go long rot bilong yupela, kaikai abus na yupela i gat wain long drink na salim sampela i go long ol lain ol i nogat samting long kaikai, long dispela dei em i holi long Bikpela yet. Yupela i no ken bel hevi, long wanem amamas bilong God Yawe em i strong bilong yupela." ¹¹ Olsem na ol Livai i mekim ol manmeri i stap isi, na tok "Hss! long dispela dei em i holi. Yupela i no ken bel hevi. ¹² Orait olgeta manmeri i go long kaikai na long drink na givim kaikai na amamasim dispela dei wantaim bikpela amamas bilong wanem ol i save long ol tok na mekim ol i save long em. ¹³ Long namba tu dei ol lida bilong ol lain tumbuna famili long olgeta manmeri, ol pris na ol Livai, kam wantaim Esra long kisim gen save insait long tok bilong Lo. ¹⁴ Ol i painim tok insait long lo, em God Yawe i bin tokim Moses olsem ol manmeri bilong Israel mas stap insait long haus long taim bilong bikpela bung kaikai long namba 7 mun . ¹⁵ Ol inap tokaut long olgeta biktaun na long Jerusalem na i tok, go autsait long maunten na kisim han bilong diwai oliv na wel oliv diwai na limbum diwai na diwai bilong sindaun na kisim win, long mekim haus olsem em i raitim. ¹⁶ Olsem na ol manmeri i go autsait na kisim ol han bilong diwai i kam na mekim haus bilong ol yet, wanwan man i stap antap long het bilong haus, insait long banis bilong kot hause bilong God, insait long bikples long pes bilong bikpela dua bilong wara na ples bung long dua bilong Efraim. ¹⁷ Olgeta lain husait i kam bek long kalabus i mekim haus na stap long en. Long taim long dei bilong Joshua pikinini man bilong Nun long dispela dei, ol manmeri bilong Israel ol i no amamasim dispela dei bilong kaikai, olsem na amamas bilong ol i bikpela tru. ¹⁸ Olgeta wanwan dei, stat long namba wan de i go long las dei, Esra i ritim dispela buk long lo bilong God. Ol i lukautim ol long namba 7 dei na long namba 8 dei ol i kam bung long stretim tok na pasin bilong daunim ol yet long bung na lukautim lo.