10 ¹ Antap long ol pepa ol i pasim pinis i gat nem bilong Nehemaia, em gavana, pikinini man bilong Hakalia na Sedekia, ² Seraia, Asaria, Jeremia, ³ Pasur, Amaria, Malkia, ⁴ Hatus, Sebania, Maluk, ⁵ Harim, Meremot, Obadia ⁶ Daniel, Gineton, Baruk ⁷ Mesulam, Abaisa, Mijamin, ⁸ Masia, Bilgai na Semaia. Dispela em ol lain pris. ⁹ Ol Livai em Jesua, pikinini man bilong Asania, na Binui long lain famili bilong Henadat, Katmiel, ¹⁰ na wanlain bilong ol Livai em Sebania, Hodia, Kelita, ¹¹ Mika, Rehop, Hasabia, ¹² Sakur, Serebia, Sebania, ¹³ Hodia, Bani, Beninu. ¹⁴ Ol lida bilong ol manmeri em, Paros, Pahat- Moap, Elam, Satu, Bani, ¹⁵ Buni, Asgat, Bebai, ¹⁶ Adoniya, Bikvai, Adin, ¹⁷ Ater, Hesekia, Asur, ¹⁸ Hodia, Hasum, Besai, ¹⁹ Harip, Anatot, Nebai, ²⁰ Makpias, Mesulam, Hesir, ²¹ Mesesabel, Sadok, Jadua, ²² Pelatia, Hanan, Anaia, ²³ Hosea, Hanania, Hasup, ²⁴ Halohes, Pilha, Sobek, ²⁵ Rehum, Hasapna, Masea, ²⁶ Ahya, Hanan, Anan ²⁷ Maluk, Harim na Bana. ²⁸ Na long ol arapelal lain manmeri, husat em ol pris, Livai, ol lain bilong was long bikpela dua, ol lain bilong singim song, wokman bilong haus lotu na ol lain husait ol i putim ol yet long sait long ol manmeri bilong ol ples i stap klostu na ol yet i mekim tok promis long lo bilong God, wantaim ol meri bilong ol na pikinini man na pikinini meri bilong ol, na olgeta husait ol i gat save na klia tingting, ²⁹ ol i bung wantaim ol brata bilong ol, na saveman bilong ol, na ol i mekim strongpela tok promis long bihainim lo bilong God oltaim, we Moses wokman bilong God i bin givim, long luksave na bihainim olgeta tok bilong God Yawe bikpela bilong mipela na ol lo na bik nem bilong em. ³⁰ Mipela mekim tok promis olsem mipela bai i no inap senisim marit wantaim ol pikinini meri na pikinini man bilong mipela wantaim ol. ³¹ Mipela i mekim tok promis tu olsem sapos ol manmeri bilong dispela graun ol i kisim samting o sampela grein bilong salim i kam long sabat o long wanpela dei holi, bai mipela i no inap baim long ol. Na long namba 7 yia bai mipela i larim graun bilong mipela i malolo na bai mipela i lusim tingting long ol dinao. ³² Mipela i tok orait na kisim ol lo bilong givim wanpela hap bilong moni long wanwan yia long ol wok bilong haus bilong God Yawe, ³³ long givim bret long haus bilong God, na grein ofa long olgeta dei na ofa bilong paia i kukim olgeta long sabat na bikpela dei bilong nupela mun na ol i makim pinis long en, na bilong ofa i holi, na ofa bilong sin long stretim asua bilong Israel na tu long olgeta wok bilong haus bilong God bilong yumi. ³⁴ Ol pris, ol Livai na ol manmeri i pilai kas long makim paia wut ofa. Kas bai makim wanem ol famili bilong yumi bai kisim paia wut bilong kukim ofa i kam long haus bilong God bilong yumi long ol taim ol i makim long en long olgeta yia, bai ol i kukim long alta bilong God Yawe bilong yumi, olsem ol i raitim long buk bilong lo. ³⁵ Mipela i mekim tok promis long kisim i kam long haus bilong God Yawe ol nambawan kaikai mipela i kamapim long graun bilong yumi yet, na ol nambawan kaikai bilong olgeta diwai long wanwan yia. ³⁶ Olsem, ol i raitim long lo, mipela i mekim tok promis long kisim i kam long haus bilong God na i go long ol pris husait i wok long dispela hap, ol namba wan pikinini man bilong yumi na bilong ol bulmakau na ol sipsip. ³⁷ Mipela bai kisim namba wan plaua na gren ofa bilong mipela na ol kaikai bilong olgeta diwai na nupela wain na oil mipela bai kisim i go long ol pris, i go long haus kaikai bilong haus bilong God bilong yumi. Mipela bai kisim i go long ol Livai wanpela bilong10-pela hap i kam long graun bilong yumi long wanem ol Livai ol i save bungim ol 10-pela hap insait long olgeta taun we mipela i wok. ³⁸ Wanpela pris long lain tumbuna bilong Aron, i mas i stap wantaim ol Livai taim ol i kisim ol 10-pela hap. Ol Livai i mas kisim 10-pela hap bilong 10-pela hap i go long haus bilong God long ples bilong putim moni. ³⁹ Ol lain manmeri bilong Israel na ol lain tumbuna bilong Levi ol i mas kisim ol grein ol i bin bungim na nupela wain na oil i go long ples bilong putim ol samting bilong ples holi, na long ples we ol pris i stap long en na ol lain bilong was long dua na ol lain bilong singsing ol i save stap. Mipela bai i no inap givim baksait long haus bilong God bilong yumi.