1 ¹ Dispela buk, em i bilong ol lain tumbuna bilong Jisas Krais , pikinini bilong Devit na em i pikinini bilong Abraham. ² Abraham em i papa bilong Aisak na Aisak em i papa bilong Jekop na Jekop em i papa bilong Juda na ol lain brata bilong em. ³ Juda em i papa bilong Peres na Sera. Mama bilong tupela em Tama. Peres em papa bilong Hesron na Hesron em i papa bilong Ram. ⁴ Ram em i papa bilong Aminadap na Aminadap em papa bilong Nason na Nason em i papa bilong Salmon. ⁵ Salmon em i papa bilong Boas . Rahab em i mama bilong Boas , na Boas em i papa bilong Obet , na Rut em i meri bilong Obet , na Obet em i papa bilong Jesi. ⁶ Jesi em i papa bilong king Devit, na Devit em i papa bilong Solomon na mama bilong em ,em meri bilong Uraia bipo. ⁷ Solomon em i papa bilong Reoboam na Reoboam em i papa bilong Abisa na Abisa em i papa bilong Asa. ⁸ Asa em i papa bilong Jehosafet na Jehosafet em i papa bilong Joram, na Joram em i papa bilong Usia. ⁹ Usia em i papa bilong Jotam na Jotam em i papa bilong Ahas na Ahas em i papa bilong Hesekaia. ¹⁰ Hesikaia em i papa bilong Manase na Manase em i papa bilong Amon na Amon em i papa bilong Josaia. ¹¹ Josaia em i tumbuna bilong Jekonia na ol brata bilong em,long dispela taim ol i go kalabus long Babilon. ¹² Bihain long ol i go kalabus long Babilon, Jekonia em i stap papa bilong Sieltel na Sieltel em i tumbuna bilong Serubabel. ¹³ Serubabel em i papa bilong Abiud na Abiud em i papa bilong Eliakim na Eliakim em i papa bilong Asor. ¹⁴ Asor em i papa bilong Sadok na Sadok em i papa bilong Akim na Akim em i papa Eliud. ¹⁵ Eliud em i papa bilong Eleasa na Eleasa em i papa bilong Matan na Matan em i papa bilong Jekop. ¹⁶ Jekop em i papa bilong Josep , na Josep em i man bilong Maria,na Maria em i karim Jisas husait ol i kolim nem bilong em Krais. ¹⁷ Olgeta lain tumbuna bilong Abraham i go long Devit i olsem 14-pela lain tumbuna, na long Devit i go long Babilon em14-pela lain tumbuna na long Babilon i kam long Krais em 14-pela lain tumbuna. ¹⁸ Stori bilong Jisas krais taim Maria i karim em , em i olsem . Mama bilong em Maria ol i makim bilong maritim Josep, tasol bipo long tupela i marit, Josep i lukim olsem, Holi Spirit i putim pikinini long bel bilong Maria. ¹⁹ Man bilong Maria em i Josep, na em i stretpela man, na em i no laik givim sem long Maria long ai bilong ol manmeri , olsem na em i tingting long hait na lusim Maria i go na ino laik maritim em. ²⁰ Taim em i tingting long ol dispela samting, ensel bilong Bikpela i kam kamap long em long driman na em i tok"Josep,pikinini bilong Devit,yu noken pret long kisim Maria olsem meri bilong yu long wanem dispela pikinini i stap insait long bel bilong en , em Holi Spirit yet i putim. ²¹ Em bai karim wanpela pikinini man, na bai yu kolim nem bilong em Jisas, long wanem em bai i kisim bek ol manmeri long sin bilong ol." ²² Olgeta samting i bin kamap em long inapim tok bilong Bikpela bipo ol profet i bin tok long en bai kamap, ol i tok olsem , ²³ "Harim , wanpela yanpela meri husait ino bin slip wantaim wanpela man yet , bai i gat bel na em bai karim wanpela pikinini man, na ol bai i kolim nem bilong em 'Emanuel.' As bilong dispela nem i olsem,"God i stap wantaim yumi." ²⁴ Josep i kirap long slip bilong em na em i mekim olsem ensel bilong Bikpela i bin tokim em long mekim , na em i kisim Maria olsem meri bilong em. ²⁵ Tasol em i no slip wantaim dispela meri inap meri i karim dispela pikinini man.Na em i kolim nem bilong em Jisas.