5 ¹ Sapos wanpela man i mekim sin long wanem em i no tokaut long wanem samting em i bin lukim na harim we em inap long tokaut, sapos dispela man i lukim dispela samting na harim dispela tok, em bai igat asua. ² O sapos wanpela man o meri i tasim long ol samting God i makim olsem doti, long samting olsem ol dai mit bilong kain kain wel animol o dai mit bilong bulmakao, sipsip na meme o ol animol i save wokabaut long bel, na tu sapos wanpela man i no ting long tasim, em i doti na igat asua. ³ O sapos wanpela man i tasim samting doti bilong narapela lain, maski sapos em wanem kain doti na em i no save long dispela, em bai kamap doti yet taim em i save long dispela. ⁴ O sapos wanpela man tok strong tumas long maus bilong em long kamapim gutpela samting o samting nogut, wanem samting em toktok long mekim, maski em ino save long dispela tasol taim emi save long dispela, em bai kamap doti long ol dispela samting. ⁵ Taim wanpela man o meri i gat asua long ol dispela samting, em mas tok sori long wanem sin em i bin mekim. Orait em i mas kisim ol sin ofa kam long God Yawe long ol sin em i bin mekim. ⁶ Em i mas kisim meri abus, sipsip o meme na mekim sin ofa na pris bai mekim ofa igo long Bikpela long rausim sin bilong em. ⁷ Na sapos em i no inap painim sipsip, nau em i ken bringim sin ofa bilog em wantaim tupela balus pisin o tupela yanpela pisin long God Yaweh, wanpela bilong sin ofa na narapela bilong mekim paia bilong mekim ofa. ⁸ Em i mas kisim ol dispela samting igo long pris, em bai givim wanpela igo pas olsem sin ofa na em bai katim nek tasol em ino inap katim olgeta skin tasol sampela skin hangamap yet. ⁹ Nau em bai kapsaitim blut olsem sin ofa igo long sait bilong alta, na olgeta blut bai igo aut long as bilong alta. Dispela em i sin ofa. ¹⁰ Nau em mas mekim ofa long namba tu pisin olsem ofa bilong mekim paia, long bihainim olgeta stia tok , Na pris bai mekim ofa bilong rausim sin em i bin mekim, na sin bilong dispela man bai i lusim em. ¹¹ Tasol sapos em ino inap long painim dispela tupela pisin balus, o tupela yangpela pisin, nau em mas kisim ofa bilong sin bilong em yet. Em i mas kisim1 kilo plaua long mekim sin ofa. Em i noken putim wel o ol arapela ol smel samting antap long em, long wanem, dispela em i sin ofa. ¹² Em mas karim igo lo pris, na pris bai kisim long han bilong em olsem mak bilong ofa na kukim antap long paia bilong alta, ol i mekim long God Yawe. Dispela em i sin ofa. ¹³ Pris bai mekim ofa bilong rausim ol sin we ol manmeri i bin mekim, na ol dispela manmeri bai kamap klin. Pris bai kisim ol hap bilong ofa, wantaim sid ofa." ¹⁴ Nau God i toktok long Moses na tok, ¹⁵ "Sapos sampela lain i mekim sin na ino stap bel tru wantaim ol samting bilong God, tasol ol i mekim samting ol ino ting em i rong, nau em i mas kisim sin ofa kam long God. Dispela ofa i mas meme we ino gat makma long namel long ol meme, em pe bilong em i mak long silva sekel o sekel bilong haus sel na em bai i olsem sin ofa. ¹⁶ Em mas inapim tingting bilong God long wanem asua em i bin mekim long mekim wantaim pasin holi, na em i mas givim givim namba faiv hap igo long pris. Na pris bai i mekim ofa bilong rausim sin wantaim yangpela meme na sin bilong em bai lusim em. ¹⁷ Sapos wanpela man o meri i mekim sin o mekim ol samting God i bin tambuim, maski em i no save long dispela, em i mas karim pen bilong dispela asua em i mekim. ¹⁸ Em mas kisim yangpela meme ino gat makmak i kam aut long banis meme, na pe bilong em i wankain olsem pe bilong nau, na givim i go long pris olsem ofa bilong rausim asua. Nau bai pris i mekim ofa bilong rausim sin em i bin mekim tasol em i no bin save na sin bilong em bai lusim em.Dispela ¹⁹ em i ofa bilong rausim sin,long wanem em i gat asua long ai bilong God Yawe."