2 ¹ Taim wanpela man i kisim wit ofa i go long God Yawe, ofa mas gutpela wit na em mas kapsaitim oil antap long en na sanda antap long en. ² Em mas kisim dispela ofa i go long pikinini man bilong Aron, em ol pris. Na pris bai kisim liklik pun wit, oil na sanda antap long en. Na pris bai kukim ofa antap long alta makim ofa. Displa bai kamapim gutpela smel i go long God Yawe. Dispela ofa bai yupela mekim long paia. ³ Wanem ol hap kaikai em i stap yet, em bilong Aron na ol pikinini man bilong en. Dispela kaikai em i klin long ai bilong God Yawe. Dispela kaikai ol i mekim ofa long God Yawe pinis long paia. ⁴ Sapos yu givim ofa bilong wit i no gat yis ol i kukim long aven, em i mas malumalu plawa tanim wantaim oil, o strong pela bret i no gat yis ol i tanim wantaim oil. ⁵ Sapos wit ofa bilong yu ol i kukim antap long aven, em i mas gutpela plawa i no gat yis ol i tanim wantaim oil. ⁶ Yu mas katim wit i go liklik na putim oil antap long en. Dispela em i wit ofa. ⁷ Sapos wit ofa bilong yu i kuk insait long aven, em i mas tanim wantaim gutpela plawa na oil. ⁸ Yu mas kisim wit ofa ol i mekim long God Yawe, na em bai givim i go long ol pris, husait bai i kisim i go long alta. ⁹ Na pris bai kisim sampela wit makim olsem ol i ofarim pinis, na em bai kukim antap long alta. Dispela em ofa bilong paia, na em bai i givim gutpela smel i go long God Yawe. ¹⁰ Wanem hap kaikai em bilong Aron na pikinini man bilong en. Dispela ofa em i klin long ai bilong God Yawe, olsem na God Yawe i laikim dispela ofa. ¹¹ Wit ofa bilong yupela i no ken tanim wantaim yis i go long God Yawe. Yupela i no ken tanim wantaim hani long givim ofa long God Yawe long paia. ¹² Yu ken givim ofa bilong yu i go long God Yawe olsem nambawn kaikai, tasol ofa bilong yu i no inap kamapim gutpela smel antap long alta. ¹³ Yu mas putim sol long olgeta ofa bilong yu long olgeta taim. Sol i makim Kontrak yu bin mekim wantaim God, olsem na noken lus tingting long putim sol long olgeta ofa bilong yu. ¹⁴ Sapos yu givim nambawan wit ofa bilong yu i go long God Yawe, yu mas ofarim nupela wit na brukim liklik na kukim long avan na givim i go long God olsem ofa. ¹⁵ Olsem na yu mas putim oil na paura antap long em. Dispela em i wit ofarin. ¹⁶ Olsem na pris mas kukim dispela wit, oil na kris makim olsem ofa. Dispela em i ofa yupela i mekim long God Yawe.