1 ¹ Dispela biktaun i save pulap wantaim ol manmeri tasol nau i stap em yet. Em i kamap olsem meri man bilong em i dai pinis, olsem bipo em bin i stap olsem strongpela kantri. Em i olsem wanpela pikinini meri olsem kwin i stap namel long ol kantri, tasol nau em stap olsem wokboi. ² Dispela meri i krai na bikmaus long nait na ai wara bilong em i kam daun long eye bilong em. No gat wanpela pren bilong em i laikim em. Olgeta i les long en na em kamap birua bilong em. ³ Bihain long bikpela hangere na hevi, ol lain Juda i bin i go kalabus. Em i stap namel long ol arapela kantri tasol i no painim bel isi. Ol birua bilong em i givim baksait long hevi bilong em. ⁴ Olgeta rot bilong Saion i sore na krai long wanem nogat wanpela bilong ol i kam long bikpela bung kaikai. Olgeta rot bilong em i pas na ol pris bilong em i pilim pen. Olgeta yangpela meri bilong ol i sore na em yet tu i stap long bikpela bagarap. ⁵ Ol birua bilong em i kamap bikbos bilong em na ol i kamap gutpela moa yet. God Yahweh i bringim hevi long em long plant sin bilong em. Olgeta liklik pikinini bilong em i go kalabus long ol birua bilong em. ⁶ Naispela bilas i lusim pikinini meri bilong Saion. Olgeta pikinini meri olsem kwin i kamap wankain olsem dia bai ol i no inap painim kaikai na kisim strong namel long birua bilong ol. ⁷ Long taim em i gat hevi na i no gat haus bilong em, Jerusalem bai i kam long kisim ol gutpela samting i dia tumas em i gat bipo. Taim ol manmeri bilong em i pundaun antap long han bilong ol birua, no gat man i bing helpim ol.Ol birua bilong em i lukim em na lap long em. ⁸ Jerusalem i mekim bikpela sin, olsem na em i doti tumas. Husait ol i givim biknem long em bipo, nau ol i givim baksait na lusim em long wanem ol i lukim pasin nogut bilong em. Em i pilim pen na em i givim baksait. ⁹ Ananit long klos bilong em i doti na mekim em tu i doti. Em i no tingim bihain taim bilong em. Pundaun bilong em i bikpela tumas. I no gat wanpela man long strongim em. Em krai na tok," Lukim hevi na pen bilong mi, God Yahweh, ol birua bilong mi i kamap planti tumas.!'' ¹⁰ Ol birua i bosim olgeta samting i dia na naispela tumas. Na em i lukim ol kantri i kam insait long ples holi bilong em, maski yu tok strong long ol i no ken kam insait long ples bung bilong yu. ¹¹ Olgeta manmeri bilong em i pilim pen taim ol i painim kaikai. Ol i givim naispela samting em i dia tumas i go long ol long kisim kaikai na bai ol i no ken go hangere. God Yahweh, lukim mi na tingim mi, long wanem mi kamap pipia. ¹² Husait yupela i go pinis, yupela ting em samting nating? Opim ai na lukim sapose pen na hevi bilong wanpela i wankain olsem pen mi karim, God Yahweh i givim pen long mi taim bel hat bilong em i kamap. ¹³ Paia i kam antap na go insait long ol bun bilong mi, na mi winim ol birua. Em i tromoi umben long lek bilong mi na mi no ken tanim bek na i go. Olgeta taim em mekim mi sore na mi nogat strong. ¹⁴ Long han bilong en, em i holim tait hevi bilong pasin nogut mi mekim.Ol bungim olgeta na putim antap long nek bilong mi.Em i mekim mi nogat strong moa. God bikpela i putim mi long han bilong ol birua na mi no inap sanap. ¹⁵ Bikpela i rausim olgeta strongpela man i stap na strongim mi. Em i singautim olgeta man i sanap na i birua long ol strongpela man bilong mi. Bikpela i krungutim ol yangpela meri i no marit yet bilong Juda long tang ston bilong brukim ol pikinini wain. ¹⁶ Long ol dispela samting mi krai, ai wara bilong mi i pulap na kapsait; long wanem man bilong helpim mi i stap longwe, em husait i save strongim mi. Ol pikinini bilong mi i stap nabaut long wanem ol birua bilong mi i winim mi. ¹⁷ Saion i opim han bilong em i go longwe; i nogat wanpela man long strongim em. God Yahweh i toktok strong olsem husait i stap klostu long Jekop mas kamap birua bilong em. Jerusalem bai luk doti long ai bilong ol. ¹⁸ God Yahweh em i stretpela, long wanem mi bin biket na sakim law bilong em. Harim, yupela ol manmeri, lukim krai bilong mi. Ol yangpela meri ol i no marit yet na ol strongpela man bilong mi i bin i go long kalabus. ¹⁹ Mi singautim ol pren bilong mi, tasol ol i bikhet na sakim tok bilong mi. Ol pris na ol hetman bilong mi i kisim taim insait long biktaun, taim ol i painim kaikai long halvim ol yet. ²⁰ Lukim, God Yahweh, mi stap bagarap ; bel bilong mi i tanimtanim, na mi no kisim bel isi, long wanem mi bin sakim tok bilong yu. Long, autsait, mama i dai long bainat, na insait long haus dai i pulap. ²¹ Ol i bin harim mi singaut wantaim pen, tasol i nogat man long strongim mi. Olgeta birua bilong mi i save mi stap long hevi na ol i amamas olsem yu mekim dispela. Yu kisim dispela dei i kam we yu bin makim long en; nau ol i ken kamap olsem mi. ²² Larim olgeta pasin nogut bilong mi i kam long pes bilong yu. Mekim save long sin bilong ol, olsem yu bin mekim save long olgeta sin bilong mi long wanem pen mi kisim i planti tumas na bel bilong mi i no gat strong.