2 ¹ Nau em i dei ol pikinini man bilong God i kam long sanap long ai bilong God Yawe. Satan em tu i kam wantaim ol long sanap long ai bilong God Yawe. ² God Yawe i tokim Satan, "Yu stap long wanem hap na yu kam?" Na satan i bekim tok olsem, " Mi raun long olgeta hap long dispela graun i go i kam." ³ God Yawe i tokim Satan," Yu save long wok man bilong mi Job? Long wanem, i no gat wanpela man i wankain i olsem em long dispela graun, man i nogat asua na stretpela man, husait em i save pret long God na stap long we long pasin nogut. Em i wok long holim strong gutpela save bilong em, maski yu traim long mekim mi tingting nogut long em na bagarapim em i no gat as long em. ⁴ Satan i bekim tok bilong God Yawe na tok, "Skin wantaim skin, em tru olsem, man i ken givim olgeta samting em i gat long laip bilong em. ⁵ Tasol stretim han bilong yu na tasim bun na mit bilong em na lukim sapos em i no i nap bakarapim nem bilong yu long pes bilong yu. ⁶ God Yawe i tokim Satan, " Lukim , em stap long han bilong yu, tasol yu noken bakarapim laip bilong em." ⁷ Bihain, Satan i lusim ples God Yawe i stap long en na i go. Em i mekim Job kisim strongpela sua ananit long lek bilong em i go antap long het bilong em. ⁸ Job i kisim liklik hap graun long ples bilong mekim graun haus na katim em yet na sit daun namel long ol sit bilong paia. ⁹ Bihain meri bilong em i tokim em, " Yu holim yet ol stretpela pasin bilong yu? Mobeta yu tok nogut long God na i dai." ¹⁰ Tasol em i tokim em," Yu toktok olsem ol longlong meri i save toktok. Sapos yumi i save kisim gutpela samting long God orait, yumi i noken les long kisim nogut samting tu?" Long olgeta dipela hevi i kamap, Job i no mekim wanpela sin long maus bilong em. ¹¹ Nau taim 3 pela pren bilong Job i harim ol dispela nogut hevi i kamap long em,wan wan bilong ol i kam long as ples bilong ol: Elipas em Temanait, Bildad em Suait na Zopar em Namatait. Ol i makim wanpela taim long kam long soim sori wantaim em na long helpim em. ¹² Taim ol i stap long we na apim ai bilong ol na lukluk, ol i no luksave gut long em. Ol i apim nek bilong ol na krai, wan wan bilong ol i brukim klos na tromoi das i go antap na long het bilong ol yet. ¹³ Bihain ol i sindaun wantaim em long graun long 7 pela dei na 7 pela nait. Nogat wanpela bilong ol i mekim tok long em, bilong wanem ol i lukim olsem sori bilong em i bikpela tumas.