14 ¹ Dispela em tok bilong God Yawe i kam long Jeremiah long taim nogat ren na strongpela san, ² Larim Juda i krai; larim dua bilong em i pundaun. Ol i krai bikpela tru long graun bilong ol; krai bilong ol long Jerusalem i moa yet. ³ Ol strongpela man bilong ol i salim ol wokboi bilong ol i go painim wara. Ol i go long bikpela baret na ol i no inap painim wara. Olgeta man i karamapim het bilong ol na kam bek wantaim sem na bel sore. ⁴ Long dispela as i nogat ren na graun i drai na op, ol lain bilong planim kaikai i sem na karamapim het bilong ol. ⁵ Mama dia i lusim pikinini na ranawe long hap graun i no gat grass bilong kaikai. ⁶ Ol donki i sanap long ples maunten na pulim win olsem ol wel dok na ai bilong ol i slek long wanem no gat grass long kaikaim. ⁷ Maski sin bilong yumi yet i kotim mipela tasol God Yawe, tingim gutpela bilong nem bilong yu. Sakim tok bilong yumi i kamap bikpela, mipela mekim sin pasin long yu pinis. ⁸ Yu strong bilong Israel, man bilong sevim ol long taim nogut, yu kamap olsem man long arapela hap na yu raunraun na kam slip wanpela nait na go pinis? ⁹ Yu kamap olsem man bilong pait ino nogat strong long winim birua? Yu stap namel long mipela yu God Yawe nem bilong yu stap oltaim. Noken lusim mipela. ¹⁰ God Yawe i tok long ol manmeri: yupela i save laik long raunraun nating. Olsem na God Yawe i no wanbel long ol. Em tingting long bagarapim ol long sin bilong ol. ¹¹ God Yawe i tok long mi, noken prea long gutpela samting bai kamap long ol manmeri. ¹² Sapos ol i lusim kaikai na prea long mi, mi i no inap harim singaut bilong ol. Maski ol i mekim paia bilong kukim olgeta na ofa bilong kaikai, bai mi no inap kisim bel isi long ol. Mi bai pinism ol wantaim bainat, hangre na sik. ¹³ Na mi tok, O Bikpela God Yawe! lukim! Ol profet i tokim ol manmeri olsem, yupela bai i no inap lukim hevi bilong bainat, na nogat bikpela hangre, bai mi mekim strongpela banis i raunim yupela." ¹⁴ God Yawe i tok long mi, "ol profet i giaman long nem bilong mi. Mi no givim tok long ol na salim ol i go. Tasol giaman driman na tingting bilong ol yet, ol i wok long tokaut long yupela." ¹⁵ God Yawe i tok long ol profet mi no salim ol i go tokaut long nem bilong mi ol bai i tok olsem bai nogat bainat bilong hangre long dispela ples, bainat bilong hangre bai bagarapim dispela profet. ¹⁶ Long ol man, ol profet giaman i bin tokaut long samting bai kamap bihain, bai ol i kisim bagarap long bainat na bikpela hangre, bai nogat man long planim ol taim ol i dai, bai nogat ol meri, ol pikinini man na ol pikinini meri - bai mi kapsaitim sin pasin bilong ol i go antap long ol. ¹⁷ Tokim ol olsem, 'larim ai wara bilong mi bai kapsait long nait na long san. Noken pasim ol, bai bikpela bagarap i kamap long ol yangpela meri long ol manmeri bilong mi - em bai kisim sua nogut ino gat pinis. ¹⁸ Sapos mi go long hap ples bilong pait na lukim ol man i dai long bainat! Sapos mi kam long biktaun na lukim bikpela hangre i kamapim sik. Ol profet na ol prist i raunraun nating long hap ples, tasol ol i no save." ¹⁹ Yu givim beksait long Juda? Yu no laikim Saion? Yu laik long givim planti pen na nogat helipim long mipela? Mipela i tingim bel isi tasol i nogat, na taim bilong kisim helpim i nogat na bagarap tasol i stap. ²⁰ God Yawe, mipela tokaut long ol sin bilong mipela na bilong ol tumbuna, mipela i mekim planti sin long yu. ²¹ Yu noken les long mipela! Long gutpela bilong nem bilong yu tingim na noken brukim kontrak bilong yu wantaim mipela. ²² Inap bai ol giaman god bilong ol arapela ples mekim ren? O inap bai skai salim ren i kam daun? God Yawe yu tasol yu inap. Mipela i wetim yu bai yu mekim olgeta samting.