63 ¹ Husat em i dispela man i kam long Idom, karamap wantaim retpela klos bilong Bosra? Em i husat werim klos bilong ol king na em i ting olsem em inap na i kam, long wanem em i ting olsem em i gat bikpela strong? Em mi tasol, tok tru na redi long helpim ol. ² Bilong wanem na ol klos bilong yu i ret na bilong wanem ol i luk olsem yu bin krugutim ol pikinini wain long haus wain? ³ Mi yet krugutim ol pikinini wain long haus wain na nogat man long ol kantri i joinim mi. Mi krugutim ol wantaim belhat na wokabaut antap long ol wantaim belhat mi pilim insait long bel bilong mi. Blut bilong ol i sut i kam long klos bilong mi na pas long olgeta hap long klos bilong mi. ⁴ Mi lukluk i go pas long dei bilong bekim bek na ol ia i kam long mi long kisim bek ol long sin. ⁵ Mi lukluk na i nogat man long helpim mi. Mi tingting planti olsem nogat wanpela man long helpim mi i stap, tasol long han bilong mi yet mi kisim win bilong mi i kam na strongpela belhat bilong mi tasol i mekim mi i go het yet. ⁶ Mi go wantaim strong na daunim ol manmeri i go daun na mekim ol i dring long kap i gat belhat bilong mi na mi kapsaitim blut bilong ol i go aut long graun. ⁷ Mi bai tokim ol long ol wok kontrak bilong God Yawe long pasin bilong wokabaut stret na gutpela pasin bilong givim hamamas long God Yawe i mekim. Mi bai tokim olgeta samting God Yawe i mekim long yumi na gutpela pasin bilong em i bikpela tumas long haus bilong ol Israel. Long marimari bilong em i soim yumi bel isi bilong em na wantaim planti wok kontrak bilong wokabaut stret em i mekim. ⁸ Em i tok, "Sampela manmeri bilong mi i stap, ol pikinini husait ol i no laik long kantri bilong ol," Em i kamap olsem man bilong kisim bek ol. ⁹ Long olgeta bagarap bilong ol, em tu i kisim bakarap na ol ensol i save stap wantaim em ol i helpim ol. Long laikim pasin bilong em na long pasin bilong givim bel em i helpim ol, em i apim ol na kisim ol i go long taim bilong ol lain tumbuna. ¹⁰ Tasol ol i givim baksait na mekim Holi Spirit i no hamamas. Olsem na em kamap birua bilong ol na pait wantaim ol. ¹¹ Ol manmeri bilong em i tingim long bipo taim bilong Moses. Ol i tok, "God Yawe i stap we, husat i bin kisim ol i kam autsait long solwara olsem wasman bilong ol sipsip bilong em? God Yawe i stap we, husat i putim Holi Spirit bilong em long ol? ¹² God Yawe i stap we, husat i bin mekim biknem bilong em i go wantaim hansut bilong Moses na skelim wara bipo long ol, long mekim nem bilong em i stap gut oltaim oltaim long em yet? ¹³ God Yawe i stap we, husat kisim ol i go pas insait long dip wara? Olsem hos i ron long stretpela graun na ol i no pundaun. ¹⁴ Olsem ol bulmakau i go daun long ples daun, Spirit bilong God Yawe i givim ol malolo. Olsem na yu kisim ol manmeri bilong yu i go pas, long mekim nem bilong yu yet i go antap. ¹⁵ Lukluk kam daun long heven na luksave long pasin holi bilong yu na ples ol i stap long en i lait na gutpela tru. We hap palan bilong yu long pait na ol samting yu mekim? Sori pasin bilong yu na ol bel isi toktok bilong yu i lus long mipela nau. ¹⁶ Yu tasol papa bilong mipela, taim Abraham i no save long mipela yet na ol Israel i no luksave long mipela, yu, God Yawe, em yu tasol papa bilong mipela. 'Was Papa bilong mipela' em nem bilong yu i bin i stap bipo tru long taim bilong tumbuna. ¹⁷ God Yawe, bilong wanem yu mekim mipela i tingting planti long ol pasin bilong yu na pasim bel bilong mipela, olsem na mipela i no inap harim na bihainim yu? Olsem na yu i kam bek long ol wokman bilong yu, ol lain tumbuna yu yet i makim long en. ¹⁸ Ol manmeri bilong yu ol i stap long holipela ples bilong yu sotpela taim, tasol ol birua bilong mipela i daunim na bagarapim pinis. ¹⁹ Mipela i kamap olsem ol man yu i no save long ol na lukautim ol na olsem husat ol i no save singaut long nem bilong yu."