56 ¹ God Yawe i tok, ''Yupela i mas bihainim wanem em i stret, mekim wanem em i gutpela, long wanem stretpela pasin bilong mi bai i kamap ples klia long sevim ol man. ² Amamas long man i mekim gutpela pasin na i holim strong. Em i save lukautim Sabat na i no save bagarapim, han bilong em i save stap longwe long mekim pasin nogut.'' ³ Man long narapela ples i save bihainim God Yawe i noken tok, ''God Yawe, klostu taim bai i rausim mi long stap wantaim ol manmeri bilong em.'' Orait ol wokboi bilong king i noken tok, ''Lukim, mi olsem wanpela drai diwai.'' ⁴ God Yawe i tok olsem, ''Ol wokboi bilong king husat i save lukautim Sabat na mekim ol pasin long amamasim mi na bihainim ol lo bilong mi, ⁵ mi bai wokim haus na banis bilong mi wantaim ol, mi bai putim hanmak bilong mi i moa long i gat pikinini man na meri. Mi bai putim dispela hanmak bilong mi bai stap oltaim na bai i nogat pinis bilong em. ⁶ Man long narapela hap i kampas long God Yawe, long lotuim em na laikim tumas nem bilong God Yawe, ol i litimapim nem bilong em. Olgeta man husait i save lukautim Sabat na i no save bagarapim en, husait i save bihainim ol lo bilong mi. ⁷ Mi bai kisim ol i go long holi mounten na pulapim ol wantaim amamas insait long haus prea bilong mi. Mi bai kisim ofa ol i bin kukim na mekim long alta bilong mi. Long wanem haus bilong mi bai olgeta manmeri i kolim olsem haus bilong prea, ⁸ God Yawe i tokaut olsem na i bungim ol manmeri bilong Israel ol i bin salim i go nambaut na mi bai kisim planti moa manmeri long arapela hap i kam bek.'' ⁹ Olgeta wel abus bilong hap graun i mas kam na daunim olgeta wel abus bilong bik bus. ¹⁰ Olgeta wasman bilong ol i ai pas, ol i no gat save. Ol i stap isi tru olsem ol dog i no save singaut. Ol i save laik tru long slip na driman. ¹¹ Ol dog i gat bikpela bel na ol i no save long kaikai inap long mak. Em ol wasman bilong sipsip i no gat gutpela save na i go nambaut long rot bilong ol yet, ol i save tingim ol yet long olgeta samting. ¹² Na ol i tok. ''Kam, mipela dring wain na bia Long wanem bikpela dei tru bai i kamap, tumoro i wankain olsem nau.''