2 ¹ Olsem na yumi mas holim strong tingting long dispela tok, yumi bin harim pinis. Nogut yumi no bihanim na givim baksait long dispela tok. ² Bipo tru God i givim tok i go long ol lain Israil long maus bilong ol ensel, dispela tok i sanap strong. Na man i mekim sin na sakim dispela tok, em i kisim pe nogut, ³ Olsem wanem bai yumi ranawe na givim baksait long bikpela wok bilong kisim bek? Dispela pasin bilong God i kisim bek yumi, i bin kamap ples klia long Jisas yet na long ol, husait i bin harim tu. ⁴ God i strongim tok bilong em wantaim ol kainkain mirakel na ol strongpela wok na em i tilim presen bilong Holi Spirit inap long laik bilong em yet. ⁵ God i no putim ol ensel long bosim nupela graun, we em bai mekim kamap bihain olsem mipela i toktok. ⁶ Long wanpela hap long buk bilong God, wanpela man i bin tok olsem, "Man i wanem samting na yu save tingting tumas long em?'' Bilong wanem yu save was gut long mipela?'' ⁷ Yu bin wokim mipela na yu putim mipela i stap aninit long ol ensel. Yu bin litimapim mipela na givim namba na biknem long mipela. ⁸ Yu bin putim olgeta samting aninit long lek bilong em. Long em tasol, God i putim olgeta samting long em. Em i no lusim wanpela samting i no stap aninit long em. Tasol nau yumi i no yet lukim olgeta samting stap aninit long em. ⁹ Tasol mipela i lukim Jisas i stap aninit long ol ensel long sotpela taim tasol. Long marimari bilong God, em i kisim ples bilong ol manmeri na em i dai. Na God i litimapim em na givim bikpela namba na biknem long em. ¹⁰ Em gutpela bilongGod, long wanem, olgeta samting i kamap long em na insait long em, long kisim plati pikinini man i kam insait long lait. Em i gutpela long em, long kamapim hetman bilong kisim bek ol long dai bilong em. ¹¹ Dispela man bilong mekim olgeta manmeri i kamap lain bilong God na dispela ol lain manmeri em i mekim ol i kamap holi, olgeta i gat wanpela papa tasol. Olsem na em i no sem long kolim ol "brata". ¹² Em i tok olsem, "Bai mi autim nem bilong yu long ol brata bilong mi, taim ol i bung long lotu, bai mi singim song bilong litimapim nem bilong yu namel long ol." ¹³ Na em i tok ken, "bai mi putim bilip bilong mi long em," na "Lukim mi stap wantaim ol dispela pikinini God i bin givim long mi." ¹⁴ Dispela lain manmeri bilong God ol i gat blut na bodi. Olsem na Jisas tu i kamap man wankain olsem ol, bai em i ken i dai na long dispela pasin, em i ken bagarapim satan, em dispela man i gat strong bilong mekim ol manmeri i dai. ¹⁵ Na long dispela, Jisas i mekim ol dispela rot long helpim ol manmeri, bai ol i lusim dispela kalabus bilong pret long dai. ¹⁶ Tru tumas, Jisas i no mekim dispela wok bilong helpim ol ensel. Nogat. Em i mekim wok bilong helpim ol lain tumbuna bilong Abraham. ¹⁷ Olsem na long olgeta samting, em i mas kamap wankain tru olsem ol brata bilong em, na bai em i stap hetpris bilong ol na mekim wok bilong God na em inap lusim sin bilong ol manmeri. ¹⁸ Ol traim i bin kamap long em na em yet i bin karim pen. Olsem na em inap long helpim ol manmeri long taim, ol traim i kamap long ol.