2 ¹ Heven na graun i kamap pinis na olgeta samting i gat laip i pulap long em. ² Long de namba seven, God i pinisim olgeta wok em i mekim, na em i malolo long de seven long olgeta samting em wokim ³ God i blesim namba seven de na em i mekim Holi dispela de, long wanem, olgeta wok i pinis na em i malolo. ⁴ Dispela em i stori bilong heven na graun, taim olgeta samting i bin kamap, long dispela de God i mekim graun na heven. ⁵ Nogat gras na bus i bin istap long graun, na nogat wanpela samting i kamap long graun, long wanem, God i no bin salim ren i kam daun long graun, na i nogat wanpela man i bin i stap long wokim gaden. ⁶ Tasol liklik wara i kam antap long graun na givim wara long graun. ⁷ God i kisim das long graun na wokim man, na God i givim win long man na man igat laip ⁸ God i putim gaden long hap san kamap, insait long Iden, na God em yet i wokim man na i putim em long dispela gaden. ⁹ Long graun God i wokim ol kainkain diwai i kamap gutpela na givim ol gutpela kaikai. Na God i putim diwai bilong givim laip namel long gaden, diwai bilong givim gutpela tingting long save long gutpela samting na samting nogut. ¹⁰ Na wanpela wara i go autsait long Iden long givim wara long gaden. Na bihain em i bruk i go long 4pela hap wara. ¹¹ Nem bilong namba wan wara, em Pison. Em dispela wara i ron i go long graun bilong Havila, we dispela ples i gat gol. ¹² Gol bilong dispela graun em i gutpela. Ston olsem bedellium na ston onix tu i stap. ¹³ Nem bilong namba tu wara, em Gihon. Dispela wara i ron i go olsem long graun Kus. ¹⁴ Nem bilong namba tri wara em Taigris, na em i ron olsem long hap sankamap bilong Ashur. Na namba fo wara, em Efretus. ¹⁵ God i kisim man na em i putim em long gaden Iden long mekim wok na lukautim. ¹⁶ God i givim tok orait long man na i tok, "Olgeta dIwai long gaden em mi tok orait long yu bai kaikai. ¹⁷ Tasol diwai bilong save long gutpela na nogut em yu i no ken kaikai, long dispela de yu kaikai bai yu dai. ¹⁸ Bihain God i tok,''Em i no gutpela long man bai i stap em yet. Mi bai wokim wanpela helpim bilong em." ¹⁹ Na long graun, God i mekim ol abus na ol pisin bilong skai. Na em i kisim olgeta i kam long man bai em i givim nem. Wanem nem man i givim long ol dispela abus, em nem bilong ol. ²⁰ Man i givim nem long olgeta abus, na olgeta pisin bilong skai, na ol wel abus bilong graun. Tasol long man em yet i no gat wanpela i stap long helpim em. ²¹ God i mekim man i slip, na God i kisim hap sait bun bilong man, na em i pasim bek hap,we em bin kisim bun long em. ²² Na bihain God i kisim bun bilong man, na em i wokim meri na kisim em i go long man. ²³ Na man i tok, "Em nau, dispela em i bun bilong bun bilong mi, na mit bilong mit bilong mi. Nau bai mi kolim em meri, long wanem, em i kamap long man." ²⁴ Olsem na man bai i lusim papa mama bilong em, na pas wantaim meri bilong em, na bai tupela kamap wampela. ²⁵ Man na meri tupela bin istap as nating na tupela ino sem.