3 ¹ Em namba 7 mun bihain long ol manmeri bilong Israel i kam bek long biktaun bilong ol, taim ol i kam bung wantaim olsem wanpela lain manmeri long Jerusalem. ² Jesua pikinini man bilong Josadak na ol brata bilong en ol pris, Serubabel pikinini man bilong sealtiel na ol brata bilong en i kirap na wokim alta bilong God bilong Israel long mekim ofa bilong paia i kukim olgeta olsem ol i raitim long lo bilong Moses man bilong Gog Yawe. ³ Orait na ol i wokim gen alta antap long lek bilong en wanwan, pret i stap antap long ol bilong wanem ol manmeri bilong dispela ples i pretim ol. Ol i mekim ofa bilong paia i kukim olgeta long God Yawe long moning na long apinun. ⁴ Na ol i bihainim tu ol pasin bilong amamas long ol samting i karamapim ol olsem lo ol i raitim na mekim ofa bilong paia i kukim olgeta long wan wan dei inap long lo i tok, wan wan dei wok ol inap long mekim long dispela dei ol i mekim long dispela dei. ⁵ Inap long skel, ol i bin gat ofa bilong paia i kukim olgeta long wan wan mun na ofa bilong olgeta apinun kaikai bilong amamas long God Yawe, wantaim olgeta amamas ofa. ⁶ Ol i stat long mekim ofa bilong paia i kukim olgeta long God Yawe long dei namba wan bilong namba 7 mun, maski haus lotu i no bin stap. ⁷ Olsem na ol i givim silva long ol man bilong katim ol ston na ol man bilong mekim ol gutpela bilas na piksa, ol i givim ol kaikai, wara na wel long ol man bilong Sidon na Tair, olsem bai ol i ken kisim diwai sida long Lebanon antap long sol wara i kam long Jopa, olsem tok orait king bilong Pesia, Sirus i givim ol ⁸ Orait long namba 2 mun bilong namba 2 yia bihain taim ol i kam long haus bilong God Yawe long Jerusalem, Serubabel pikinini man bilong Sealtiel, Jesua pikinini man bilong Josadak na ol narapela pris, ol Livai na ol lain husait i bin kam bek long kalabus i statim wok long Jerusalem. Ol i makim ol Livai 20 krismas na i go antap long wok long haus bilong God Yawe. ⁹ Jesua na ol pikinini man bilong em na ol brata bilong em, Katmiel na ol pikinini man bilong em, husait i kam long lain bilong Hodavia, pikinini man bilong Henadad na ol pikinini man na ol brata bilong ol olgeta i Livai, ol i bung wantaim long lukautim ol lain i wok long haus bilong God Yawe. ¹⁰ Ol man bilong wokim haus i stat long wokim strongpela as long haus bilong God Yawe. Dispela i mekim ol pris long sanap wantaim wok pris klos wantaim ol trampet na ol Livai pikinini man bilong Asap, long givim biknem long God Yawe wantaim samting bilong mekim musik ol i wokim long brass disk, wankain tasol olsem han bilong Devit, king bilong Israel i bin tokim ol. ¹¹ Ol i singim song wantaim amamas na givim biknem na pulap tru long tok tank yu long God Yawe, ''Em i gutpela tumas, Em i bihainim tru promis bilong em long ol Israel i stap oltaim.'' Olgeta manmeri i singaut bikmaus wantaim amamas na givim biknem long God Yawe long wanem stat bilong as bilong haus lotu i bin stat pinis. ¹² Tasol planti bilong ol pris, ol Livai na hetman i gat biknem, ol lain husait i lapun na i bin lukim dispela namba wan haus, taim ol strongpela as bilong dispela haus ol i bin putim long ai bilong ol, ol i krai bikmaus. Tasol planti manmeri i bin singaut bikmaus, amamas na givim biknem long God. ¹³ Long dispela as, ol manmeri i no inap long skelim na luksave olsem ol i pulap long amamas na ol i mekim nois wantaim amamas, long wanem ol manmeri i krai bikmaus wantaim amamas na dispela nois bilong ol manmeri i go long we tru na ol manmeri i harim.