1 ¹ Long namba 30 yia, long namba 4 mun long dei namba 5 taim mi stap wantaim ol kalabus manmeri long Kebar Kanal. Heven i op na mi lukim God long driman. ² Long dei namba 5 long dispela mun- em namba 5 yia bilong King Jehoiakin i stap long kalabus- ³ tok bilong God Yawe i kam long Esekiel pikinini man bilong pris Busi, long graun bilong ol lain Kaldia long Kebar Kanal na long dispela hap God Yawe i putim han antap long em. ⁴ Bihain mi lukim na i gat bikpela win na klaut i kam long hap not em bikpela klaut wantaim paia i sut nambaut insait long dispela hap na lait bilong en i raunim em na insait blong en, na paia wankain olsem yelo kala insait long klaut. ⁵ Long namel i gat 4-pela samting. dispela piksa bilong em i wankain olsem man, ⁶ tasol wanwan bilong ol i gat 4- pela pes na wanwan samting olsem man i gat 4-pela wing. ⁷ Lek bilong ol i stretpela tasol pinga bilong lek bilong ol i wankain olsem pinga bilong lek bilong Bulmakau na em i lait olsem bras ol i bin polisim. ⁸ Tasol ol i gat han bilong ol man aninit long wing bilong ol long 4-pela kona. Long 4-pela hap pas na wing em i stap olsem: ⁹ wing bilong ol i pas long wing bilong narapela samting olsem man na ol i no tanim taim ol i go, ol i save i go stret tasol. ¹⁰ Piksa bilong pes bilong ol i wankain olsem pes bilong ol man.Long han sut , 4-pela bilong ol i gat pes olsem ol laion na long han kais, 4-pela bilong ol i gat pes olsem ol bulmakau na tu ol 4-pela i gat pes bilong trangau. ¹¹ Pes bilong ol i stap olsem tasol na ol i opim wing bilong ol i go antap long mekim olsem arere bilong wing bilong narapela i pas wantaim narapela na tu 2-pela wing i ken karamapim bodi bilong ol. ¹² Wanwan bilong ol i go long wanpela rot tasol olsem na wanem hap spirit i laikim ol long go long en, ol i save go na i no save tanim bek. ¹³ Wankain pasin bilong ol samting olsem man, ol i wankain olsem paia i lait olsem bumbum wankain olsem bikpela lait i muv namel long dispela samting olsem man na i gat bikpela lait i wok long sut i go nambaut. ¹⁴ Dispela samting olsem man i save go i kam hariap na ol i luk wankain olsem lait bilong klaut. ¹⁵ Bihain mi lukim dispela samting olsem man na mi lukim wanpela wil long graun arere long dispela samting olsem man wantaim 4-pela pes bilong em. ¹⁶ Dispela em i piksa na rot bilong wil: Wanwan wil i wankain olsem yelopela ston i dia tumas na 4-pela bilong ol i gat wankain tasol, piksa na rot i wankain olsem wil i krosim narapela wil. ¹⁷ Taim ol i go, ol i save go long 4 pela hap kona na ol i no save tanim bek taim ol i go. ¹⁸ Ol ain bilong wil i traipela nogut tru na mi pret, long ain bilong wil i gat planti ai i raunim na lukluk i stap. ¹⁹ Wanem taim dispela samting olsem man i muv, ol wil i save muv wantaim ol. Taim samting olsem man i kirap long graun, wil tu i kirap. ²⁰ Long wanem hap dispela spirit i laik go, ol i save go, na wil i kirap long sait bilong ol, long wanem spirit bilong samting olsem man i stap insait long wil. ²¹ Wanem taim dispela samting olsem man i muv,ol wil tu i save muv na taim dispela samting olsem man i sanap stap, wil tu i sanap stap, taim dispela samting olsem man i kirap long graun, ol dispela wil tu i kirap long sait bilong ol long wanem dispela spirit bilong ol samting olsem man i stap insait long wil. ²² Antap long het bilong dispela samting olsem man i gat wanpela samting wankain olsem traipela dis em i dia tumas em i luk olsem gutpela glas em i stap antap long het bilong ol na mi pret. ²³ Aninit long dispela raunpela samting, ol wanwan samting olsem man i opim wing i go traipela na pas wantaim wing bilong narapela samting olsem man. Wanwan bilong ol samting olsem man ol tu i gat samting bilong karamapim bodi bilong em yet. ²⁴ Bihain mi harim pairap bilong win bilong ol, wankain olsem nois bilong planti wara. Em i olsem pairap bilong ol strongpela lain taim ol i kam. Olsem pairap bilong biksi bruk i kamap wankain olsem nois bilong ol ami ²⁵ Wanpela nois i kam antap long dispela raunpela samting i stap antap long het taim ol sanap i stap na daunim win bilong ol. ²⁶ Antap long dispela raunpela samting i stap long het bilong ol i olsem sia king em wankain olsem safaia ston na i kamap olsem man i sidaun antap long sia king. ²⁷ Mi lukim wanpela man i wankain olsem ol i kukim ain wantaim paia i stap long hap bodi bilong em long hip i kam antap. Mi lukim long hip bilong em i kam daun em i olsem paia i gat bikpela lait long olgeta hap. ²⁸ Em i wankain olsem lait i gat planti kala long klaut long taim bilong ren em olsem bikpela lait i raunim. Em i wankain olsem strongpela lait bilong God Yawe. Taim mi lukim dispela mi daunim pes na mi harim wanpela man i toktok.