19 ¹ Long namba 3 mun bihain ol manmeri bilong Israel i bin lusim Isip na i go aut, long dispela dei, ol i kam kamap long drai ples bilong Sainai. ² Bihain ol i lusim pinis Refidim na i kam long drai ples bilong Sainai, ol i kemp klostu long pes bilong dispela maunten. ³ Moses i go antap long God Yawe. God Yawe i bin singautim em long maunten na i tok, "Yu mas tokim ol lain bilong Jekop, ol lain manmeri bilong Israel olesm, ⁴ yupela i bin lukim wanem samting mi bin mekim long ples Isip, taim mi bin karim yupela long win bilong pisin taragau na kisim yupela i kam long mi. ⁵ Olsem na nau sapos yupela i harim na bihainim tok bilong mi na holim tru kontrak bilong mi, bai yupela i kamap wanpela kain manmeri bilong mi yet namel long ol narapela lain manmeri long wanem olgeta hap bilong ples graun em i bilong mi. ⁶ Yupela bai kamap ol pris na holi manmeri bilong mi. Dispela toktok, yu mas tokim ol manmeri bilong Israel." ⁷ Nau Moses i bin kam tokim ol elda bilong ol lain manmeri. Em i tokim ol wonem toktok God Yawe i bin givim em. ⁸ Olgeta manmeri i bekim wantaim na i tok, "Mipela bai i bihanim wonem ol toktok God Yawe i tok long en." Olsem na Moses i bin go long givim ol toktok ol manmeri i bin bekim i go long God Yawe. ⁹ God Yawe i tokim Moses, "Mi bai kam long yu olsem bikpela Klaut na ol manmeri bai i harim taim mi toktok wantaim yu na bihain ol bai bilipim yu na harim tok bilong yu oltaim oltaim." Na Moses i tokim ol tok ol manmeri i mekim i go long God Yawe. ¹⁰ God Yawe i bin tokim Moses, "Go long ol lain manmeri. Nau na tumoro yu mas makim ol i kamap lain bilong mi na tokim ol i mas wasim klos bilong ol. ¹¹ Ol i mas redi long namba 3 dei, long namba 3 dei God Yawe bai i kam long maunten Sainai. ¹² Yu mas putim mak i raunim dispela maunten long banisim ol manmeri. Tokim ol olsem, "Ol i mas lukaut taim ol i go long dispela maunten na i noken tasim mak yu putim. Husait i tasim dispela mak i raunim dispela maunten em bai dai.' ¹³ Han bilong wanpela man i noken tasim dispela man na taim wanpela man i mekim olsem, yu mas paitim em wantaim ston o sutim em long spia na em mas i dai. Ol man o ol animol, ol i mas kilim ol i dai wantaim ston. Taim bigul i krai bikpela na longpela taim ol i mas i kam long as bilong dispela maunten." ¹⁴ Bihain Moses i go daun long maunten long ol manmeri. Em i mekim ol i mas i stap stret long ai bilong God Yawe na ol i mas wasim ol klos bilong ol. ¹⁵ Na em i tokim ol, "Yupela i mas redi long namba 3 dei na ol man noken go klostu long ol meri bilong yupela." ¹⁶ Long namba 3 dei, taim em i tulait, laitnin i lait na klaut i pairap na bikpela klaut i kamap auntap long maunten na bigul i krai bikpela tru. Olgeta lain manmeri insait long kemp i guria na pret nogut tru. ¹⁷ Moses i kisim olgeta manmeri i kam autsait long kemp long bungim God Yawe na ol i sanap long as bilong maunten. ¹⁸ Bikpela smuk i karamapim olgeta hap bilong maunten Sainai, long wanem, God Yawe i kam daun long ol olsem paiya na smuk. Smuk i go antap olsem smuk bilong bikpela paiya na olgeta maunten i guria bikpela tru. ¹⁹ Taim kari bilong bigul igo biklpela na strong moa yet, Moses i toktok na God Yawe i bekim tok bilong em. ²⁰ God Yawe i kam daun long het bilong maunten Saina na em i tokim Moses long go antap long het bilong maunten. Olsem na Moses i go antap long het bilong mauten. ²¹ God Yawe i toktok long Moses, "Go daun na givim tok lukaut long ol manmeri olsem, ol i mas noken kam klostu long lukim mi, O nogut palnti bilong ol bai i kisim bagarap. ²² Larim ol pris husait i kam klostu long mi i mas stap gut na stretim ol yet long kam bilong mi, na bai mi no inap bagarapim ol." ²³ Moses i tokim God Yawe, "Ol manmeri bai i no inap igo antap long dispela maunten, long wonem, yu tokim mipela, "Putim mak raunim dispela maunten na givim i go bek long God Yawe." ²⁴ God Yawe i tokim em, "Go, yu go daun long maunten na kisim Aron i kam antap wantaim yu, tasol noken larim ol pris na ol manmeri i abrusim ol dispeal mak na kam long mi, o nogat mi bai bagarapim ol." ²⁵ Olsem na Moses i go daun long ol manmeri na i tokim ol.