6 ¹ I gat wanpela man nogut i stap aninit long san na i save givim bikpela hevi long ol man. ² God inap givim ol planti samting, ol moni samting na biknem i go long man olsem bai em i no inap sot long ol samting em i save laik long kisim, tasol bihain God bai i no inap larim em i amamas long ol dispela samting. Nogat, narapela man bai yusim ol samting bilong em. Dispela em i nogat as bilong en na i pasin nogut tru. ³ Sapos wanpela man i gat handret pikinini na i stap planti yia, olsem ol dei bilong ol yia bilong em i planti tasol sapos bel bilong em i no pulap wantaim ol gutpela samting em i gat na em i dai tasol ol i no planim em gut. Mi tok tru long yupela, wanpela pikinini i dai long bel taim mama i karim em i winim dispela man. ⁴ Maski dispela kain pikinini i no kamap gut na i dai insait long tudak na nem bilong em i stap hait. ⁵ Na tasol dispela pikinini i no lukim san o save long wanpela samting, em i kisim malolo maski dispela man i no inap. ⁶ Na tu sapos wanpela man i ken i stap olsem 2- tausen yia tasol em i no lainim long amamas long ol gutpela samting bilong em, em i go long wankain ples olsem olgeta i bin i go long en. ⁷ Olgeta wok em bilong man long kisim kaikai tasol bel bilong em bai i no inap pulap. ⁸ Tru tumas, olsem wanem man i gat gutpela save i winim man i nogat save? Wanem ol gutpela samting bai man i nogat samting i kisim maski em i save mekim gutpela pasin long ai bilong ol arapela manmeri. ⁹ Em i gutpela long stap amamas na pulap tru wantaim ol samting ai i lukim moa long pasin bilong hangre tumas, em i olsem nogat as bilong en na i olsem man i laik was long holim win tasol. ¹⁰ Wanem ol samting i bin kamap ol i bin givim nem long ol pinis na wanem ol man bai i kamap em God i save pinis. Olsem na em i no gutpela long tok pait wantaim man husat em strongpela jas bilong olgeta. ¹¹ Planti toktok yumi mekim i olsem planti bagarap bai kamap, olsem na wanem gutpela samting ol man bai i kisim? ¹² Husat man i save wanem samting em i gutpela insait long laip bilong em long taim bilong bagarap, namba bilong ol dei bilong em i olsem tewel bilong man i kamap na pinis wantu tasol? Husat i ken tokim wanpela man long wanem samting bai kamap aninit long san taim em i dai pinis?