3 ¹ Long olgeta samting i gat taim bilong en na taim bilong olgeta samting bai i kamap ananit long heven. ² I gat taim bilong kamap na i gat taim bilong dai, taim bilong planim kaikai na taim bilong kamautim kaikai. ³ taim bilong kilim na taim bilong mekim kamap orait, taim bilong brukim i go daun na taim bilong wokim gen. ⁴ I gat taim bilong krai na taim bilong lap, taim bilong krai sori na taim bilong danis, ⁵ taim bilong tromai ston i go na taim bilong bungim ston, taim bilong holim pas arapela manmeri na i no taim bilong holim pas. ⁶ I gat taim bilong painim ol samting na taim bilong no ken painim, taim bilong bungim samting na taim bilong tromai samting, ⁷ taim bilong brukim klos na taim bilong stretim bekgen klos, taim bilong stap isi na taim bilong toktok planti. ⁸ I gat taim bilong laikim na taim bilong i no laikim, taim bilong pait na taim bilong bel isi. ⁹ Wanem mani wokman i kisim long hat wok bilong ol? ¹⁰ Mi bin lukim ol wok God Yawe i bin givim long ol manmeri i wokim na pinisim. ¹¹ God Yawe i mekim olgeta samting i kamap gutpela long taim bilong ol stret. Em i putim laip i stap gut oltaim long bel bilong ol. Tasol ol manmeri i no inap luksave long wanem God Yawe i mekim, long stat i go long pinis. ¹² Mi save olsem i nogat wanpela samting i gutpela long olgeta lain na bai ol i amamas na mekim gutpela samting longpela taim, olsem em i stap laip, ¹³ na olgeta lain inap kaikai na dring na ol inap save long amamas long gutpela samting bai i kam long olgeta wok bilong em. Dispela presen i kam long God. ¹⁴ Mi save olsem wanem samting God Yawe i mekim em bai i stap oltaim. Nogat wanpela samting ol bai putim antap long en o kisim i go, bilong wanem dispela God Yawe husait i mekim pinis na ol manmeri bai i kam klostu long em wantaim ona. ¹⁵ Wanem samting i kamap em i kamap pinis, God Yawe i mekim ol manmeri i painim ol hait samting. ¹⁶ Mi bin lukim ol pasin nogut ol i stap ananit long sun, olsem wanem long ol stretpela manmeri na insait long ples bilong stretpela pasin, pasin nogut tu i stap long en. ¹⁷ Mi toktok long bel bilong mi, ''God Yawe bai i kotim ol stretpela na pasin nogut long taim bilong em yet, long olgeta samting na olgeta pasin." ¹⁸ Mi toktok long bel bilong mi, "God Yawe i traim ol manmeri na soim ol olsem, ol i wankain olsem ol animol.'' ¹⁹ Nau senis bilong ol pikinini bilong man na senis bilong animol em i wankain senis olsem ol. Dai bilong wanpela i olsem dai bilong arapela. Ol i pulim win em i wankain long olgeta. Man i no gat gutpela pasin antap long animol. Olsem na i no gat olgeta samting, i olsem win tasol? ²⁰ Olgeta samting bai go long wanpela ples. Olgeta samting i kam long das na bai i go bekgen long das. ²¹ Husait i save olsem ating spirit bilong man i bai go antap na spirit bilong animol bai i go daun insait long graun? ²² Olsem na mi tingim gen, i nogat wanpela i gutpela long olgeta man i kisim amamas long wok bilong em, dispela em i wok mak bilong em. Husait i ken kisim em i kambek long lukim wanem i laik kamap bihain long em?