1 ¹ Dispela em tok bilong saveman, ol tumbuna bilong Devit na king insait long Jerusalem. ² Na saveman i tok olsem. Olgeta samting em i samting nating em olsem win, em olsem kolwin i mekim yumi i tingting planti. ³ Wanem gutpela bai i kamap long ol man i save hatwok long olgeta wok bilong ol aninit long san? ⁴ Wanpela tumbuna lain i go na narapela tumbuna lain i kam, tasol graun i stap wankain oltaim oltaim. ⁵ Na san i kirap na em i go daun na hariap i go bek long ples em i kirap long en. ⁶ Na win i kirap long hap saut na raunim long hap not, olgeta taim em i go raunim long rot bilong en na em i kam bek ken ⁷ Olgeta wara i save go daun long solwara, tasol sol wara i no save pulap. Long ples we wara i save go, long dispela hap ol i save go bek gen. ⁸ Olgeta samting i tanim kamap samting bilong wari tasol na i no inap wanpela bai tokaut klia long em. Na ai em i no inapim em wanem em i lukim, i no gat wanpela samting i save kamap wanem yau i harim. ⁹ Wanem em bin kamap bipo em bai kamap nau na wanem ol i bin mekim bipo ol bai mekim nau. I no gat wanpela nupela samting aninit long san. ¹⁰ I gat sampela samting wanem inap long toktok, ''Lukim, em nupela? Wanem i stap em i stap pinis bipo yet, taim yumi i no kamap yet em kam pas long yumi. ¹¹ No gat wanpela i lukim na tingim ol samting i bin kamap long taim bilong ol tumbuna na ol samting bai kamap bihain na dispela bai kamap bihain ol i no inap tingim tupela samting. ¹² Mi saveman na mi bin i stap king bilong ol Israel insait long Jerusalem. ¹³ Mi bin salim tingting bilong mi long save na wok painimaut long olgeta samting em kamap aninit long heven. Dispela wok painimaut em i no isi na liklik wok long kamapim, em God i bin givim ol pikinini man mas wok hat wantaim. ¹⁴ Mi lukim olgeta wari i save kamap aninit long san na lukim, dispela olgeta samting i no gat as, em olsem ol i bihainim win tasol. ¹⁵ Ol kruget samting i no inap kamap stret! Na wanem samting i lus ol i no inap kaunim! ¹⁶ Mi toktok long bel na mi tok, Lukim, mi gat bikpela tingting i winim ol man i stap pas long mi insait long Jerusalem. Mi lukim bikpela tingting na save. ¹⁷ Orait long bel bilong mi mas save long gutpela tingting na tu olkain longlong pasin. Mi kam long luksave olsem dipela tu mi was long win tasol. ¹⁸ Tru insait long planti save i gat panti belhat na save bilong husait i go antap pasin bilong pilim pen tu i go antap.