2 ¹ Mipela i tanim na wakabaut i go insait long ples natin long rot i go long sol wara Rid, olsem God Yawe i tokim mi, mipela i go raunim mauten Seir long planti de. ² God Yawe i tokim mi olsem, ³ Yupela i bin raunim pinis maunten longpela taim inap, tanim i go long not sait. ⁴ Tokim ol manmeri na tok, Yupela bai i abrusim boda mak bilong brata bilong yupela, em ol lain tumbuna bilong Iso, husait ol i save stap long Seir, ol bai i pret lo yupela. Olsem na yupela i mas lukaut ⁵ noken pait wantaim ol, long wanem bai mi no inap givim hap graun bilong ol long yupela, nogat,i no inap long lek tu i putim mak long en, Long wanem mi givim maunten Seir long Iso long Lukautim. ⁶ Bai yupela i baim kaikai bilong ol long moni na yupela i ken kaikai na tu bai yupela i baim wara long moni na yupela i ken dring. ⁷ God Yawe i blesim yupela long olgeta wok yupela i wokim long han bilong yupela, Em i save long dispela wokabaut bilong yupela long dispela bikpela ples natin. ⁸ Olsem mipela abrusim ol brata bilong mipela, em ol tubuna lain bilong Esau husait i stap long Seir, longwe long Araba rot, long Elat na long Esion Geba. Na mipela tanim na abrusim rot i go long ples nogat man bilong Moap. ⁹ God Yawe i tokim mi, 'Noken kamapim hevi long moap na noken pait wantaim ol. Olsem Mi bai i nonap givim graun bilong em long yupela long lukautim long wanem mi givim Ar long lain tubuna bilong Lot long lukautim. ¹⁰ Bipo ol Emait i bin stap long dispela hap, wanpela bikpela lain manmeri, ol planti manmeri na ol longpela manmeri olsem ol Anakim, ¹¹ dispela tu em ol Repam, wankain olsem Anakim tasol ol moapait i givim narapela nem olsem Emin. ¹² Ol Horait i bin stap bipo long Seir, tasol tubuna lain manmeri bilong Esau i winim ol. Ol i bagarapim ol bipo long ol na sindaun long ples bilong ol, wankain olsem Israel i bin mekim long graun na ol samtin bilong em God Yawe i bin givim long ol. ¹³ Nau kirap na i go kalapim liklik wara Seret, olsem na mipela i go kalapim liklik wara Seret. ¹⁴ Long nau i go long taim mipela i lusim Kades Banea inap mipela i abrusim liklik wara Zeret en i olsem 38 krismas. Em long dispela taim ol lain man inap long pait i pinis namel long ol manmeri olsem God Yawe i tok promis long ol. ¹⁵ Planti moa, han bilong God Yawe i givim baksait long dispela lain long bagarapim ol namel ol manmeri inap ol pinis olgeta. ¹⁶ Em i kamap olsem, taim olgeta man inap long pait i dai na pinis namel long ol manmeri, ¹⁷ Olsem God Yawe i toktok long mi na tok, 'Nau ¹⁸ yupela i mas abrusim Ar, dispela em boda mak bilong Moap. ¹⁹ Taim yupela kam klostu long ol manmeri bilong Amon, yupela i noken kamapim hevi long ol na pait long ol, olsem bai mi no nap givim hap graun na ol samtin bilong ol manmeri bilong Amon long yupela, long wanem Mi givim i go ol lain tubuna bilong Lot olsem samtin bilong ol. ²⁰ Dispela tu i graun bilong Repam, Ol Repam i bin stap bipo long dispela hap tasol ol Amonait i kolim ol olsem Samsumin, ²¹ wanpela bikpela lain manmeri, planti lain manmeri na long pela ol manmeri olsem Anakim. Tasol God Yawe i bagarapim ol long ai bilong Amonait na ol i winim ol na sindaun long ples bilong ol. ²² Dispela God Yawe i mekim wan kain long ol lain Iso, husait ol i stap long Seir, taim em i bagarapim ol Horait long ai bilong ol na ol tubuna lain bilong Iso i winim ol na sindaun long ples bilong ol i kam inap nau. ²³ Long ol Avait husait sindaun long ples long we olsem Gasa, ol Kaptarim, husait ol i kam long kapta, bagarapim ol na sindaun long ples bilong ol. ²⁴ ''Nau yupela i kirap, go wokabaut na abrusim ples daun bilong Anon, lukim, mi givim yupela Sion dispela Amorait, king bilong Esbon na graun bilong em long han bilong yupela. Stat long kisim na pait wantaim em. ²⁵ Nau bai mi stat putim poret na poret nogut bilong yupela antap long ol manmeri i stap ananit long olgeta skai. Bai ol harim stori bilong yupela na bai ol guria na pilim pain long wanem ol save long yupela.' ²⁶ Mi salim ol man bilong karim tok long ples natin long Kedemot i go long king bilong Esbon, wantaim toktok bilong bel isi, na tok olsem, ²⁷ 'Larim mi abrusim graun bilong yu, bai mi bihain bik rot na bai mi no inap tanim i go long han sut o i go long han kais. ²⁸ Yupela bai salim kaikai long mipela long moni olsem na bai mipela i ken kaikai, givim mipela wara long mani olsem bai mipela i ken dring wara, larim mipela abrusim long lek bilong mipela, ²⁹ olsem tubuna lain bilong Iso husait i sindaun long Seir na ol Moapait husait i sindaun long Ar, olsem ol i mekim long mipela, inap mipela abrusim wara Jodan na i go long dispela graun God Yawe God bilong mipela i laik givim long mipela. ³⁰ Tasol Sion king bilong Esbon, i no inap larim mipela i abrusim em, long wanem God Yawe i pasim tintin na mekim bel bilong em i strong, olsem em bai winim em long strong bilong yupela olsem em i bin mekim long nau. ³¹ God Yawe i toktok long mi, lukim, mi stat givim Sion na graun bilong em long yupela, stat long lukautim, olsem na bai yupela i kisim olgeta graun bilong em. ³² Na Sihon i kam pait long mipela, em wamtain ol manmeri bilong em long pait long Jasa. ³³ God Yawe God bilong mipela i givim em long mipela olsem na mipela daunim em na ol pikinini man bilong em na ol manmeri bilong em. ³⁴ Mipela i kisim olgeta bik taun bilong em long dispela taim na bagarapim olgeta bik taun na ol man na ol meri na ol pikinini, Mipela i no larim wanpela i stap laip. ³⁵ Mipela i kisim olgeta kau wantaim olgeta samtin bilong bik taun bilong mipela yet. ³⁶ Long Aroa, long het bilong ples daun bilong Anon na long bik taun i stap long ples daun, i go inap long Gilet, i nogat wanpela bik taun i antap long mipela. God Yawe God bilong mipela givim ol long han bilong mipela. ³⁷ Ol dispela graun bilong ol tumbuna lain bilong Amon we mipela i no bin go, wantaim long olgeta sait bilong Jabok wara na ol bik taun bilong kantri Hil, dispela ol hap we God Yawe i tambuim mipela long go.