1 ¹ Dispela ol samting i bin kamap long Israel, olsem Amos wanpela wasman bilong sipsip long Tekoa i kisim tokhait long God. Em kisim ol dispela tokhait taim Usia i stap king bilong Juda na long taim Jeroboa pikinin man bilong Joas i stap king bilong Israel. Bihain long tupela yia graun i guria. ² Em i tok, "God Yawe bai singaut long Sion na em bai hapim nek bilong em i go long Jerusalem. Ol kras bilong sipsip bai drai na antap long Karmel bai nogat gutpela kala." ³ Dispela em i wanem God Yawe i tok, "Long sin bilong ol Damaskas, mi no inap rausim pen nogut bilong ol, long wanem ol i rausim Gilat wantaim ain samting. ⁴ Mi bai salim paia i go long femili bilong Hasel na paia bai bagarapim ol strongpela kem bilong king BenHada, pikinini bilong king Hasel. ⁵ Mi bai bagarapim ain dua bilong Damakus na bagarpim man husat i bosim ples daun bilong Aven na lukautim dispela ples Bet Eden. Ol manmeri bilong Aram bai stap kalabus long Kir." ⁶ Dispela em i wanem God Yawe i tok, "Long sin bilong ol Gasa, mi no inap rausim pen nogut long ol, long wanem ol i karim olgeta kalabus manmeri long givim i go long ol Edom. ⁷ Mi bai salim paia long banis bilong ol lain Gasa na bai mi bagarapim olgeta strongpela hap bilong pait. ⁸ Mi bai bagarapim king bilong biktaun Asod na bosim dispela biktaun Askelon. Mi bai bagarapim biktaun Ekron na olgeta lain Pilistine mi bai kilim ol i dai."God Yawe i tok. ⁹ Dispela em,God Yawe i tok, "Long sin bilong ol Taia, mi no inap rausim pen nogut long ol, long wanem ol i kisim olgeta manmeri i go long Edom na ol i brukim ol kontrak bilong mekim gut long ol lain brata. ¹⁰ Mi bai salim paia i kam long banis bilong biktaun Taia na bagarapim ol strongpela banis bilong ol." ¹¹ Dispela em wanem God Yawe i tok, "Long sin bilong ol Edom, mi i no inap rausim pen nogut bilong ol, long wanem ol i ranim ol brata bilong ol wantaim binat na nogat bel sori bilong ol. Em i belhat long ol na belhat bilong em bai stap oltaim. ¹² Mi bai salim paia i kam long biktaun Teman na em bai bagarapim bikpela ples long biktaun Bosra." ¹³ Dispela em wanem God Yawe i tok, "Long sin bilong ol lain Amon. Mi bai i no inap rausim pen nogut long ol. Long wanem ol i kilim ol meri i gat bel na katim bel bilong ol long Gilat na surikim boda i go bikpela. ¹⁴ Mi bai putim paia long banis bilong biktaun Rabah na ol birua bilong ol bai bagarapim bikpela ples bilong ol, wantaim bikpela singaut long taim bilong pait.Dispela pait bai kam olsem strongpela win na bikpela ren i pundaun. ¹⁵ King wantaim ol lidas bilong em, ol bai i go stap kalabus."God Yawe i tok.